+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Astana protsesiniń kepilger elderi Syrtqy ister mınıstrleriniń kezdesýi ótýde

2018 jylǵy 16 naýryz 12:33
Bólisińiz:
Astana protsesiniń kepilger elderi Syrtqy ister mınıstrleriniń kezdesýi ótýde

ASTANA. QazAqparat - Elordada Sırııadaǵy ahýaldy retteý jónindegi Astana protsesiniń kepilger elderi Syrtqy ister mınıstrleriniń kezdesýi bastaldy, dep habarlaıdy QazAqparat.

Qabyldaýshy tarap atynan QR Syrtqy ister mınıstri Qaırat Ábdirahmanov sóz sóıledi. Ol Astana protsesiniń bastalǵanyna týra bir jyl tolǵanyn atap ótip, osy aralyqta jumysyna qorytyndy shyǵardy.

«Ózderińizde bilesizder, bir jyl buryn Reseı men Túrkııa memleket basshylary QR Prezıdenti Nursultan Nazarbaevqa sırııalyq úkimet pen qarýly oppozıtsııalyq toptar ókilderi arasynda beıbit kelissózder júrgizýdi usynǵan bolatyn. Soǵystyń jalǵyz balamasy beıbitshilik, beıbitshilikke aparar jalǵyz jol kelissózder ekendigine nyq senimdi bolǵan Qazaqstan kelisip, Astanany BUU qamqorlyǵymen Jenevada ótetin sırııaaralyq kelissózderdi qoldaıtyn tuǵyrnama retinde usyndy. Beıbitshilikke qol jetkizý jolynda belgili bir kedergiler bar. Biraq, Astanada ótken kelissózderdiń 8 raýndy kelissózder protsesindegi tuıyqqa tirelgen ahýaldy joıýǵa múmkindik berdi. 2017 jyldyń qańtarynda bastalǵan bul bastama janjaldasýshy taraptardy osy jerde alǵash ret kelissózder ústeline otyrǵyzýǵa sep boldy», - dedi ol.

Qaırat Ábdirahmanov dál osy alańda sırııalyq úkimet pen qarýly oppozıtsııa arasyndaǵy senim sharalaryn nyǵaıtýǵa alǵashqy qadam jasalǵanyn basa aıtty.

«Osy kelissózder bastalǵan sátten beri 4 deeskalatsııa aımaǵy jáne soǵysty toqtatý rejimine monıtorıng jasaý mehanızmi jasaldy. Olar úlken gýmanıtarlyq kómek berýge járdemin tıgizdi. Astana protsesiniń osy jáne ózge de jetistikteri eskerýsiz qalmaıdy. Sonymen qatar bul protsess sońynda áskerı is-qımyldy toqtatýǵa ákeletin qajetti sharalardy qurýǵa da yqpal etti», - dedi mınıstr.

Onyń aıtýynsha, qıyndyqtarǵa qaramastan Astana protsesi óziniń tuǵyrnama retindegi tıimdiligin jáne ózektiligin kórsetti. Onda janjaldasýshy barlyq taraptar óz kózqarastaryn bildire alady jáne eń bastysy kelissózder júrgizip, naqty qadamdardy talqylaıdy. Munan bólek, mınıstr Astanada qol jetkizilgen kez kelgen kelisim Jeneva protsesin tolyqtara túsetindigin jáne sırııalyq janjaldy saıası retteýge oń serpin beretindigin basa aıtty.

Sonymen qatar ol Astanada alǵash ret ótip jatqan Iran, Reseı jáne Túrkııa Syrtqy ister mınıstrleriniń kezdesýi taıaý bolashaqtaǵy úshjaqty ózara is-qımyldy aıqyndaýǵa múmkindik beretigin atap ótti.

«Biz tutyndardy bosatý, qaza tapqandardyń múrdesin berý jáne iz-túzsiz joǵalǵandardy izdeý jónindegi jumys tobynyń kezdesýine de úlken mán beremiz. Atalǵan toptyń jumysy barlyq janjaldasýshy taraptardyń arasyndaǵy senimdi nyǵaıtatyndyǵyna senimdimiz. Bul baǵyttaǵy qyzmetimizdi damytý úshin aıtarlyqtaı serpin beretin bolady», - dedi Qaırat Ábdirahmanov.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT