+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Astana protsesiniń ár raýndy Sırııa jerine turaqtylyqty jaqyndata túsýde – QR SІM

2018 jylǵy 15 mamyr 16:13
Bólisińiz:
Astana protsesiniń ár raýndy Sırııa jerine turaqtylyqty jaqyndata túsýde – QR SІM

ASTANA. QazAqparat - Astana protsesiniń ár raýndy Sırııa jerinde beıbitshilik pen turaqtylyqtyń qaıta ornaýyna bizdi bir qadam jaqyndata túsýde. Bul týraly búgin Sırııadaǵy ahýaldy retteý jónindegi Astana protsesiniń jalpy otyrysynda QR Syrtqy ister mınıstriniń orynbasary Erjan Ashyqbaev aıtty, dep habarlaıdy QazAqparat tilshisi.

«Qazaqstan Respýblıkasynyń Prezıdenti Nursultan Nazarbaevtyń qoldaýymen júzege asyrylyp kele jatqan Sırııa boıynsha Astana protsesiniń kezekti raýndy óz máresine jetti. Sońǵy eki kún ishinde kelissózderge qatysýshy taraptar Sırııadaǵy jaǵdaıdy ary qaraı turaqtandyrýǵa jáne ondaǵy gýmanıtarlyq jaǵdaıdy jaqsartýǵa baǵyttalǵan asa mańyzdy ári mazmundy kelissózder ótkizdi», - dedi jalpy otyrysty ashqan Erjan Ashyqbaev.

Sonymen qatar ol 2017 jyldan beri Astanada ótkizilip kele jatqan jáne Jeneva protsesiniń ajyramas bóligi bolyp tabylatyn kelissózdiń ár raýndy Sırııa jerinde beıbitshilik pen turaqtylyqtyń qaıta ornaýyna bizdi bir qadam jaqyndatyp kele jatqanyn atap ótti.

«Sheshimi tabylmastaı kóringen kúrdeli máseleler kepilger elderdiń aýqymdy kúsh-jigerimen, Birikken Ulttar Uıymynyń turaqty qoldaýynyń arqasynda tıimdi túrde rettelýde», - dedi Erjan Ashyqbaev.

Aıta keteıik, jalpy otyrysqa Iran Islam Respýblıkasynyń, Reseı Federatsııasynyń jáne Túrkııa Respýblıkasynyń ókilderi, Sırııa Úkimetiniń jáne qarýly oppozıtsııasynyń, baqylaýshy tarap mártebesindegi BUU, Iordanııa delegatsııalary, buqaralyq aqparat quraldarynyń ókilderi qatysýda.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT