Astana protsesi: Kepilger elder birlesken málimdeme jasady
2021 jylǵy 8 shilde 16:01

Astana protsesi: Kepilger elder birlesken málimdeme jasady

NUR-SULTAN. QazAqparat – Búgin elordada Astana formatyndaǵy Sırııa boıynsha 16-shy halyqaralyq kezdesý aıaqtaldy. Qorytyndysynda kelissózge qatysýshylar birlesken málimdeme qabyldady, dep habarlaıdy QazAqparat tilshisi.

Astana formatyndaǵy kelissózdiń kepilger elderi Iran Islam Respýblıkasy, Reseı Federatsııasy jáne Túrkııa Respýblıkasynyń birlesken málimdemesinde Sırııa Arab Respýblıkasynyń egemendigin, táýelsizdigin birligi men aýmaqtyq tutastyǵyn jaqtaıtyndyqtary atap ótilgen. Sonymen qatar Sırııanyń ár qıyrynda lańkestik áreketterdiń arta túsýine, onyń saldarynan beıbit turǵyndar arasynda qurbandardyń kóbeıýine alańdaýshylyq tanytyp, IGIL, Djabhat An-Nýsra/Heıat Tahrır Ash-Sham», buǵan qosa Ál-Kaıdamen baılanysty bar uıymdardy tolyqtaı joıý baǵytynda yntymaqtastyqty jalǵastyrý ýaǵdalastyǵyna qol jetkizilgendigine basa nazar aýdarylǵan.

«Halyqaralyq quqyqty, halyqaralyq gýmanıtarlyq quqyqty buzatyn, Sırııanyń jáne kórshiles elderdiń egemendigine nuqsan keltiretin, óńirdegi turaqtylyq pen qaýipsizdikke qater tóndiretin Izraıldiń Sırııaǵa áskerı shabýylynyń jalǵasýyn aıyptadyq jáne olardy toqtatýǵa shaqyrdyq. Sırııa qaqtyǵysynyń áskerı sheshimi joq ekendigine nyq senim bildirdik», - delingen birlesken málimdemede.





Jańalyqtar

Úrdis

MURAǴAT