+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Astana Open týrnırinde fınalǵa shyqqan tennısshiler belgili boldy

2020 jylǵy 31 qazan 20:24
Bólisińiz:
Astana Open týrnırinde fınalǵa shyqqan tennısshiler belgili boldy

NUR-SULTAN. QazAqparat – Astana Open ATP 250 týrnırinde fınalǵa shyqqan oıynshylar belgili boldy, dep habarlaıdy QazAqparat tilshisi.

Uqsas jańalyqtar
Dopty hokkeı: «Aqjaıyq» Reseı chempıonatyna qatyspaıdy Elordada halyqaralyq tennıs týrnıri bastaldy Fýtzaldan Qazaqstan chempıonatynyń ekinshi aınalymy aıaqtaldy

ATP 250 deńgeıinde alǵash ótip jatqan jarysta jekeleı synda birinshi jartylaı fınalda álemniń 45-raketkasy, aýstralııalyq Djon Mıllman men reıtıngte 64-orynda turǵan amerıkalyq Frensıs Tıafo kezdesti.

Týrnırdiń 4-raketkasy, tájirıbeli, 31 jastaǵy D.Mıllman úshin elorda dodasy sátti boldy deýge tolyq negiz bar. Osynyń aldynda shırek fınalda taǵy bir amerıkalyq, álemniń 59-raketkasy Tommı Polmen sheberlik baıqasqan edi. Úsh setke sozylǵan asa tartysty matchta sońǵy taı-breıkte D.Mıllman qarsylasynan 0:5 esebimen jeńilip jatqan-dy. Mine, osy sátte asa sátti oınaǵan ol 7:5 esebimen utyp ketti.

F.Tıafomen báseke de tartysty órbidi. Birinshi partııada 22 jastaǵy amerıkalyq sportshy 6:3 esebimen basym tússe, ekinshisinde aýstralııalyq tennısshi ese qaıyrdy – 6:4. Sońǵy sette Tıafo 3:0 esebimen alǵa ketken. Biraq Mıllman taǵy da tabandylyq kórsetip, qarsylasyn qapy qaldyrdy – 6:4. Qatarynan eki amerıkalyq tennısshini utqan ol fınalǵa joldama aldy.

Ekinshi jartylaı fınalda álemniń 39-raketkasy, 32 jastaǵy frantsııalyq Adrıan Mannarıno men odan 11 jasqa kishiligi bar, reıtıngte 98-satydaǵy fınlıandııalyq Emıl Rýýsývýorı kortqa shyqty.

A.Mannarıno osy dodanyń 3-raketkasy bolyp tirkelse, E.Rýýsývýorı irikteý saıystarynan keıin negizgi jarysqa qosyldy. Týrnır barysynda jas fın sportshysy áýeli Tımofeı Skatovty, shırek fınalda taǵy bir qazaqstandyq Mıhaıl Kýkýshkındi joldan taıdyrdy.

Birinshi partııada aldymen A.Mannarıno alǵa shyqqanymen, qarsylasy esepti teńestire aldy. Biraq esep 5:5 bolǵan mezette frantsııalyq sportshy breık jasap, setke dop bergende, óz múmkindigin jibergen joq – 7:5.

A.Mannarıno ekinshi setti de breıkpen bastady – 2:0. Sosyn esepti 5:1-ge jetkizdi. Aqyry ol matchty jeńispen támamdaı bildi – 6:2.

Osylaısha jeksenbi kúni D.Mıllman men A.Mannarıno chempıondyq ataq úshin talasady. A.Mannarıno 2019 jyly Nıderlandy elindegi Hertogenbosh ATP 250 týrnırinde jeńimpaz atansa, D.Mıllmannyń ondaı ataǵy joq.

Juptyq synda týrnırdiń birinshi jáne ekinshi raketkalary, belgııalyqtar Sander Jılle men Ioran Flıgen jáne aýstralııalyqtar Maks Persell men Lıýk Sevıll bas júldeni sarapqa salady. Aýstralııalyq jup alǵashqy aınalymda qazaqstandyqtar Andreı Golýbev pen Aleksandr Nedovesovti jeńgen bolatyn.

Eske sala keteıik, budan buryn Mıhaıl Kýkýshkınniń Astana Open týrnıriniń jartylaı fınalyna shyǵa almaǵanyn jazǵan bolatynbyz.




Bizdiń kanalymyzǵa jazylyńyz:

#Sport  
Bólisińiz:

Avtor:

Eljan Eraly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT