USD 434.48 EUR 492.61
RUB 5.68 CNY 68.44
Jańalyqtar

Astana Open: Tımofeı Skatov tájirıbeli tennısshini jeńip, ekinshi aınalymǵa shyqty

2021 jylǵy 20 qyrkúıek 19:24
Bólisińiz:
Astana Open: Tımofeı Skatov tájirıbeli tennısshini jeńip, ekinshi aınalymǵa shyqty

NUR-SULTAN. QazAqparat – Qazaqstandyq, álemniń 280-raketkasy, 20 jastaǵy Tımofeı Skatov Astana Open ATP 250 týrnıriniń ekinshi aınalymyna shyqty, dep habarlaıdy QazAqparat tilshisi.

Uqsas jańalyqtar
Australian Open: Anna Danılına jarysty sátti bastady Australian Open: Elena Rybakına Zarına Dııasty jeńip, ekinshi aınalymǵa shyqty Australian Open: Tımofeı Skatov qarsylasyna ese jiberdi

Jýyrda Qazaqstannyń absolıýtti chempıony atanyp, osy jarysqa shaqyrtý alǵan T.Skatov alǵashqy aınalymda álemniń 87-raketkasy, 37 jastaǵy ıtalııalyq Andreas Seppımen sheberlik baıqasty.

Bir qyzyǵy, A.Seppı 2002 jyly kásipqoı sporttaǵy jolyn bastaǵan kezde T.Skatov 1 jasta edi.

Tájirıbeli tennısshi birinshi partııada 3:0 esebimen alǵa ketkenimen, Tımofeı qarymta qaıtaryp, tarazy basyn teńestirdi. Taı-breıkte qazaqstandyq sportshy sátti oınady – 7:6 (7:3).

Ekinshi sette Skatov 3:0 esebimen alǵa shyqqanymen, Seppı alysqa uzatpaı, qatarynan bes geım aldy – 5:3. Aqyry ol óz múmkindigin múlt jibergen joq – 6:4.

Úshinshi, sheshýshi partııada qazaqstandyq tennısshi 5:0 esebimen alǵa ketti. Sodan keıin matchqa dop bergende, qatelespedi – 6:1.

Tartysty ótken báseke 2 saǵat 56 mınýtqa sozyldy.

Match barysynda T.Skatov 2 eıs jasap, 7 breık-poınttyń tórteýin paıdalana bildi. Qarsylasy 6 eıs, 3 breıkke (10 breık-poınt) qol jetkizdi.

T.Skatov ekinshi aınalymda álemniń 52-raketkasy, Belarýs ókili Ilıa Ivashka nemese reıtıngte 169-satydaǵy shvetsııalyq Elıas Imerdiń bireýimen sheberlik baıqasady.

Taǵy bir qazaqstandyq Denıs Evseev irikteý saıystarynyń fınalynda aýstralııalyq Mark Polmansqa 4:6, 2:6 esebimen ese jiberip, negizgi jarysqa shyǵa almaı qaldy.

Eske sala keteıik, budan buryn Astana Open ATP 250 týrnırinde qazaqstandyqtardyń qarsylastary anyqtalǵanyn, Dmıtrıı Popkonyń irikteý saıystarynyń fınalyna shyqqanyn jazǵan bolatynbyz.

Sondaı-aq D.Popko negizgi týrnırge joldama aldy.

D.Popko alǵashqy aınalymda Astana Open dodasynyń ótken jylǵy jeńimpazy, álemniń 48-raketkasy, aýstralııalyq Djon Mıllmanmen kezdesedi.






Bizdiń kanalymyzǵa jazylyńyz:

#Sport  
Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT