FÝTBOLDAN ÁLEM ChEMPIONATY-2022
  Jańalyqtar  >
  Sport

Astana Open ATP 500 týrnıri: Aleksandr Býblık shırek fınalǵa shyǵa almady

2022 jylǵy 6 qazan, 16:25
Astana Open ATP 500 týrnıri: Aleksandr Býblık shırek fınalǵa shyǵa almady

ASTANA. QazAqparat – Qazaqstannyń birinshi, álemniń 43-raketkasy Aleksandr Býblık Astana Open ATP 500 týrnıriniń shırek fınalyna shyǵa almady, dep habarlaıdy QazAqparat tilshisi.

Qazaqstandyq tennısshi ekinshi aınalymda álemniń 10-ynshy, osy jarystyń 7-raketkasy, Polsha ókili Hýbert Hýrkachpen oınady.

Birinshi partııa basynda H.Hýrkach breıkpen alǵa ketti. Sodan keıin basymdylyǵyn saqtap qaldy – 6:4.

Ekinshi sette de Hýbert breıkpen alǵa shyqty. Aqyry matchty jeńispen túıindedi – 6:4.

Bir saǵat 20 mınýtqa sozylǵan báseke barysynda A.Býblık 10 eıs jasap, 4 breık-poınttyń bireýin óz esebine jazdy. Qarsylasy 7 eıs, 3 breıkpen (13 breık-poınt) kózge tústi.

Osylaısha, Astana dodasynda Qazaqstannan eshkim qalmady.

H.Hýrkach jartylaı fınalǵa shyǵý úshin álemniń 6-raketkasy, grekııalyq Stefanos Tsıtsıpaspen talasady.

Eske sala keteıik, budan buryn Anna Danılınanyń Chehııadaǵy týrnırdiń jartylaı fınalyna shyqqanyn jazǵan bolatynbyz.

Sondaı-aq Elena Rybakına jekeleı synda Chehııadaǵy týrnırdiń shırek fınalyna shyqty.



Foto:sports.kz



Tegı:
Sport   Tennıs  
Uqsas jańalyqtar
Seriktester jańalyqtary

Jańalyqtar