+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

«Astana Marathon 2021» sporttyq sharasyna Shvetsııadan kelgen azamat qatysty

2021 jylǵy 26 qyrkúıek 11:23
Bólisińiz:
«Astana Marathon 2021» sporttyq sharasyna Shvetsııadan kelgen azamat qatysty

NUR-SULTAN. QazAqparat - Elordadaǵy EXPO alańynan basalǵan Astana Marathon 2021 halyqaralyq marafonyna Shvetsııadan kelgen azamat qatysýda, dep habarlaıdy QazAqparat.

Bıyl jarys Qazaqstan Respýblıkasy Táýelsizdiginiń 30 jyldyǵyna arnalyp otyr.

Bul marafonǵa 18 jastan asqan ekpe alǵan jáne PTR-anyqtamasyn usynǵan 16 jastan asqan jelaıaqtar ǵana qatysa alady. Qalada qalyptasqan epıdemıologııalyq jaǵdaıǵa baılanysty bıyl marafonshylar sany qatań shekteldi. Bul rette qatysýshylardy qabyldaý «Ashyq» júıesi arqyly júzege asyryldy. Al sanıtarlyq normalar tolyq saqtalady.

Marafondy uıymdastyrý isin qalalyq dene shynyqtyrý jáne sport basqarmasy qolǵa aldy.

Astana Marathon-2021 aıasynda eki qashyqtyq kózdelgen: 18 jáne odan joǵary jastaǵy qatysýshylar úshin 42.2 km, al 16 jáne odan joǵary jastaǵy qatysýshylar úshin 10 km.

Qatysýshylar EXPO aldyndaǵy alańda belgilengen orynǵa bir saǵat buryn jınala bastady. Tańerteńgi saǵat 6-dan bastap olar jylynyp, áleýmettik qashyqtyqty umytpastan jattyǵýlar jasady. Munda uıymdastyrýshylar shaı nemese kofe iship, jylynýǵa bolatyn fýdkort uıymdastyrdy.

«Bul meniń eń alǵashqy marafonym, kópten beri qatysýdy qalap júr edim, endi mine osyndamyn. Mundaı aýqymdy sharany uzaq kúttim, ruqsat berilip, endi mine ótip jatyr. Men úshin bul alǵashqy resmı start. Marafondy 42,2 km qashyqtyqta tolyq ótkizemin. Al buǵan shamamen 2 jyl daıyndaldym. Sońǵy 3-4 aıda daıyndyǵymdy tipten kúsheıttim. Ózim júgirýdi jaqsy kóremin jáne bárin salaýatty ómir salty men sportqa shaqyramyn», – dedi elorda turǵyny Oksana.

Aıta ketý kerek, bıylǵy marafon qatysýshylar úshin erekshe bolmaq, óıtkeni bıyl ol «qola» statýsyna ıe.

Bronze Label Road Races 2019 jylǵy qarashada World Athletics uıymy tarapynan berilip, TMD aýmaǵynda Astana Marathon osyndaı statýsqa ıe bolǵan alǵashqy jáne jalǵyz marafon ótkizdi. 2018 jyldan bastap Astana Marathon Halyqaralyq marafondar men jelaıaqatar qaýymdastyǵynyń (AIMS) quramyna kirdi, al 2020 jyldan bastap Abbott World Marathon Majors Wanda Age Group jas erekshelik toptarynda marafonnan álem chempıonatynyń biliktilik tobyna endi.

Óz kúshin synaý úshin marafonǵa Qazaqstan óńirleriniń turǵyndary ǵana emes, ózge elderdiń azamattary da keldi.

«Kópten beri sportpen daıyndalǵan joqpyn. Sondyqtan búgin 10 km ǵana júgireıin sheshtim. Bul úlken is-shara», – dep bólisti Shvetsııadan kelgen qatysýshy Martın.

Qatysýshylar 10 km qashyqtyqta Rysqulov – Qabanbaı batyr – Orynbor – Máńgilik El – Rysqulov baǵyttary boıynsha júgiredi.

Al 42.2 km qashyqtyqta júgirý kelesi baǵyt boıynsha ótedi: Rysqulov – Qabanbaı batyr – Orynbor – Máńgilik el – Qaldaıaqov – Panfılov – Táýelsizdik – Nájimedenov – Nurmaǵambetov – Baıtursynov – Qoshqarbaev – Jumabaev – Momyshuly – Abylaı han – Qajymuqan – Jumabaev – Qoshqarbaev – Qonaev – Qazaq radıosy – Dostyq – Máńgilik El – Rysqulov.

«Elordadaǵy marafon – kóńil-kúıdi kóteretin, sergitetin oryn. Ózim 2018 jáne 2019 jyldary ótken marafondarǵa qatysqanmyn, sondyqtan tájirıbem bar. Biz bul is-sharany kópten kútken edik. Búgin az qashyqtyqta júgiremin, qatysýǵa sońǵy sátte bel býdym. Keshe ǵana dostarymnyń kóbi tirkele bastady, olardan qalmaıyn dep men de úlgerip qaldym. Endi mine osynda turmyn», – dedi elordalyq Álııa.

Esterińizge sala keteıik, is-shara qaıyrymdylyq sharasy bolyp sanalady. Osylaısha, 2009 jyldan bastap Astana Marathon uıymdastyrýshylary qazaqstandyq qaıyrymdylyq uıymdaryna 37 mln teńgeden astam qarajat jınady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT