+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

«Astana LRT» isi: Tergeýge qatysty tyń derekter jarııalandy

2019 jylǵy 10 qazan 12:42
Bólisińiz:
«Astana LRT» isi: Tergeýge qatysty tyń derekter jarııalandy

NUR-SULTAN. QazAqparat – Sybaılas jemqorlyqqa qarsy is-qımyl agenttigi «Astana LRT» isi boıynsha tergeýdiń tyń mán-jaılary anyqtalǵanyn jarııa etti, dep habarlaıdy QazAqparat tilshisi.

Uqsas jańalyqtar
«Astana LRT» isi: Qarajat jymqyrý shemasy anyqtaldy Tergeý amaldary «Astana LRT» qurylysyna kedergi keltirmeıdi - agenttik «Astana LRT» isi boıynsha laýazymdy kúdiktiler anyqtaldy

«Qurylystyń úsh kezeńin de tergep jatqan vedomstvoaralyq jedel tergeý toby quryldy. Tehnıkalyq-ekonomıkalyq negizdemesi men jobalyq-smetalyq qujattamanyń negizdiligi, oryndalǵan qurylys jumystarynyń negizgi bóligi, tehnıkalyq baqylaý isiniń bári de tekserilip jatyr. Osyǵan baılanysty atalǵan salany arnaıy zertteı alatyn mamandar men sarapshylardy jumysqa tartyp jatyrmyz», - dedi elordada ótken búgingi brıfıngte agenttiktiń ekinshi departamentiniń basshysy Sergeı Perov.

Onyń aıtýynsha, iske qatysty barlyq qujattar qazirgi ýaqytta tárkilengen. Sol qujattarǵa oraı ekonomıkalyq jáne qurylys saraptamalary taǵaıyndalǵan.

«Qarjy mamandary ekonomıkalyq esepti júrgizip jatyr, al qurylys sarapshylary salynyp qoıǵan nysandardyń baqylaýyn aıaqtady. Ulttyq bank pen Esep komıtetiniń aralasýymen Qytaıdyń damý bankinen «Astana Bankine» salynǵan qarajattyń negizdiligi men zańdylyǵy da tekserilýde. Sonymen birge, tergeý jymqyrýdyń jańa shemasyn anyqtap jatyr», - dedi ol.

Agenttik usynǵan aqparatqa súıensek, 2014 jyly «Astana LRT» JShS jobalyq-smetalyq qujattamalardy ázirleýde joǵarylatylǵan baǵamen kelisim jasaǵan.

«Memlekettik saraptamaǵa belgilengen 2,6 mlrd teńgeniń ornyna LRT-men 4,2 mlrd teńgeniń kelisimi jasalǵan. Ol qarajattyń 3 mlrd teńgesi merdigerlerge berilgen. Aıyrmashylyq 412 mln teńgeni kórsetken. Atalǵan soma qolma-qol aqshaǵa aýystyrylyp, jalǵan kásiporyndar arqyly jymqyrylǵan», - deıdi ol.

Eske salsaq, Prezıdent LRT qurylysyn jedeldetýdi jáne oǵan qatysty isti tergeýdi tapsyrdy.

Buǵan deıin LRT-nyń qurylysy ýaqytsha toqtatylǵany týraly habarlaǵan bolatynbyz. Oǵan qatysty Úkimet basshysy Asqar Mamın pikir bildirdi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT