+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Astana kúni merekesinde óńirlerde qandaı is-sharalar ótedi

2017 jylǵy 3 shilde 12:36
Bólisińiz:
Astana kúni merekesinde óńirlerde qandaı is-sharalar ótedi

ASTANA. QazAqparat - Astana kúni merekesi respýblıkanyń túkpir-túkpirinde keń aýqymda atalyp ótpek. Ortalyq kommýnıkatsııalar qyzmetiniń resmı ókili Oksana Loskýtova alda kele jatqan mereke qurmetine oraı oblys-oblystarda ótetin is-sharalar legimen tanystyrdy, dep habarlaıdy «QazAqparat» HAA tilshisi.

Oksana Loskýtovanyń aıtýynsha, aptanyń birinshi kúninen-aq Astananyń jetistikterine qurmet kórsetý bastalyp ketken. Atap aıtqanda, Soltústik Qazaqstan oblysy elordanyń 19 jyldyǵyna «Meniń Elim» patrıottyq aktsııasyn arnasa, Óskemende bolashaqtyń qalasy - Astana týraly beınefılmder kórsetýmen vırtýaldy ınteraktıvti saıahat uıymdastyrylǵan.

Al 4 shilde kúni Taraz qalasynda «Án-jyrym saǵan, Astana!» festıvali jáne «Astana - táýelsizdik tiregi!» atty fotokórme aıasynda bı toptary arasynda konkýrs ótse, Pavlodar qalasynda ıntellektýaldyq oıyn bolmaq.

6 shilde kúni Astananyń týǵan kúniniń qurmetine barsha Qazaqstan boıynsha saltanatty sharalar bolady. Olardyń arasynda Qostanaı oblysynyń ákimi Arhımed Muhambetovtyń qatysýymen kóppáterli turǵyn úı paıdalanýǵa beriledi.

Taraz qalasynda «Saǵan arnalady, Astanam!» atty túrli etnostar ókilderiniń qatysýymen jalpy kross jáne festıval ótedi.

Qaraǵandyda Astana qalasynyń qalyptasý kezeńderine arnalǵan QR Prezıdentiniń úzeńgilesterimen kezdesý ótkiziledi.

7 shildede Pavlodar oblysynda jastar arasynda grek-rım kúresi boıynsha oblys Chempıonaty bastalsa, Qostanaı oblysynda toǵyzqumalaq boıynsha respýblıkalyq týrnır uıymdastyrylady.

Dál osy kúni Shyǵys Qazaqstan oblysynda «Altyn Turǵysyn» halyq shyǵarmashylyǵynyń halyqaralyq festıvaliniń ashylýy ótkiziledi. Sondaı-aq ıýnıorlar men jasóspirimder arasynda «Qazaqstan úmiti» atty respýblıkalyq kópkúndik velojarys bastalady.

8 shilde kúni Pavlodar oblysynda «EKSPO-2017» halyqaralyq kórmesine arnalǵan ardagerler arasynda dýatlon boıynsha ashyq chempıonat uıymdastyrylady.

Qostanaı oblysynda «Qostanaı-Qazan-Sabantoı-2017» respýblıkalyq merekesi ótedi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT