Jańalyqtar  >
  Astana

Astana depýtattary qańǵybas ıtterge qatysty shuǵyl shara qabyldaýǵa úndedi

2022 jylǵy 29 qarasha, 20:49
Astana depýtattary qańǵybas ıtterge qatysty shuǵyl shara qabyldaýǵa úndedi

ASTANA. QazAqparat – Búgin Astana qalasynyń máslıhatynda ótken otyrysta turaqty komıssııanyń tóraǵasy Batyr Qotyrev qańǵybas ıtterdiń sanyn azaıtý úshin shuǵyl sharalar qabyldaýǵa shaqyrdy, dep habarlaıdy QazAqparat tilshisi.

Otyrys barysynda depýtat Altynshash Tabyldına elorda turǵyndarynan buralqy ıtterge qatysty kóp shaǵym túskenin atap ótti.

«2021 jyly ıttiń qaýyp, shabýyl jasaýyna qatysty ambýlatorlyq deńgeıde 193 jaǵdaı tirkeldi. Onyń ishinde 89 jaǵdaı 18 jasqa deıingi balalar arasynda bolǵan. 2022 jyly ıt qapqany týraly 173 oqıǵa tirkeldi. Onyń ishinde 72 jaǵdaı – balalar arasynda», - dedi Altynshash Tabyldına.

Onyń aıtýynsha, 23 qarashada depýtattar polıtsııa qyzmetkerlerimen birlesip, elordanyń «Kóktal-2» turǵyn alabynda ornalasqan qańǵybas janýarlardy ustaıtyn «Astanavetservıs» kommýnaldyq kásipornyna barǵan. Depýtat ol orynnyń talapqa saı kelmeıtinin atap ótti. ıAǵnı, onda tıisti jaryqtandyrý, beınebaqylaý kameralary bolmaǵan. Sonymen qatar Altynshash Tabyldınanyń sózinshe, janýarlardy ustaý ortalyǵynyń qorshaýlarynan ıtter kedergisiz shyǵyp kete alady. Bul óz kezeginde adamdarǵa qaýip tóndiredi.

Tıisti organ basshylarynyń baıandamasy men depýttar pikirin eskere otyryp, komıssııa tóraǵasy Batyr Qotyrev elordada qańǵybas ıtterdiń sanyn azaıtý boıynsha shuǵyl sharalar qabyldaý maqsatynda ákimdikte jumys tobyn qurýdy usyndy.


Uqsas jańalyqtar
Tegı:
Seriktester jańalyqtary

Jańalyqtar