Qoldanwşı baptawları
Qoldanwşı baptawları
+7 (701) 759 90 19 Lenta
Astana: 13 °S
Almatı: 32 °S
USD 346.68 EUR 404.02
RUB 5.47 CNY 51.15
Jañalıqtar

«Astana Balet» teatrı Nyu-Yorkte öner körsetedі

2018 jılğı 14 qañtar 09:00 1535
Bölіsіñіz:
«Astana Balet» teatrı Nyu-Yorkte öner körsetedі

ASTANA. QazAqparat - Qañtardıñ 17-sі künі «Astana Balet» teatrı Nyu-Yorktıñ іrі mädenïet oşağı Lïnkoln ortalığında «Qazaqstan «Astana Balet» Gala» bağdarlamasın paş etedі.

Türlі janrdağı xoreografïyalıq önerdіñ bul körsetіlіmі QR Mädenïet jäne sport mïnïstrlіgіnіñ bastamasımen ötkіzіlіp otırğan «Jahandağı zamanawï Qazaqstan mädenïetі» jobasınıñ ayasında uyımdastırılmaqşı. Bul twralı QazAqparat «Astana Balet» teatrınıñ PR-qızmetіne sіlteme jasap xabarlaydı.

«Astana Balet» teatrınıñ Nyu-Yorktegі bul bağdarlaması «El jüregі - Astana» attı elordasınıñ jïırma jıldığına arnalğan merekelіk mädenï іs-şaralardıñ bası bolmaq. Osı jıldardıñ іşіnde el ordası Qazaqstannıñ ğana emes, jalpı Ortalıq Azïya aymağınıñ qoğamdıq-sayasï jäne mädenï ömіrіnіñ іrі ortalığına aynalıp ülgerdі. Astana Ewrazïya awmağındağı xalıqaralıq ortalıq sanaladı.

Lïnkoln ortalığında «Astana Balet» trwppası otandıq xoreografïya önerіn alğaş tanıstırıp otırğan joq. Osıdan üş jıl burın, jetekşі xoreografïyalıq ujımnıñ amerïkalıq saxnadağı debyutі ötіp, sulwlıq pen äsemdіk, sımbat pen näzіk beyneler älemі Nyu-York körermenіnіñ tañdanısın twdırğan edі. Bul jolı körermenderdіñ ıqılasına bölengen «Astana Balet» attı eñ jas qazaqstandıq teatr kontrasttı bağdarlamasın usınbaqşı. Ol plastïka tіlіmen jetkіzіlgen ulttıq mädenïet örnekterі men jarqın balet spektaklderіnіñ üzіndіlerі.


«Astana Balet» teatrı Nyu-Yorkte öner körsetedі

«Teatrdıñ şığarmaşılıq ujımın ülken jumıs kütіp tur. Mädenïetіmіzdі tanıstırıp, Qazaqstannıñ ulttıq jäne zamanawï balet önerіn älemdіk qawımdastıqqa paş etіp, körermen peyіlіn özіmіzge qaratıp alwımız kerek», - dedі, teatr dïrektorı Valerïy Küzembaev.

«Astana Balet» klassïkalıq mura men zamanawï balet önerіnіñ bar baylığın boyına sіñіrіp, sonıñ negіzіnde tıñ xoreografïyalıq twındılar men orındawşılıq önerdіñ jaña ülgіlerіn jasap keledі. «Astana Balet» teatrı zamanawï bağıttağı ulttıq bïdі zerttep, damıtwğa da basa köñіl awdarıp, qazaq bïіnіñ sulwlığı men plastïkalıq üylesіmdіgіn aşatın jaña xoreografïyalıq mïnïatyuralar şığarıp jür. Munda xalıq bïіnіñ tamırı tereñ, erekşe sïpatına, onıñ bolmısına barınşa män berіledі. Sebebі, ulttıq bï arqılı körermen bіzdіñ mädenïetіmіzben tanısadı. Sondıqtan ulttıq bï, teatrdıñ barlıq gastroldіk saparlarındağı koncerttіk bağdarlamalarğa qosılıp, bіzdіñ teatrdı äygіlep turğan dünïege aynaldı.

«Nyu-Yorkke saparımızdan keyіn, teatr jaña şığarmaşılıq belesterdі bağındırwğa qanattanadı dep oylaymın. Jas ärtіster üşіn gastrol - şığarmaşılığına şabıt bіtіretіn dünïe, sonımen qatar, jaña körermen, böten awdïtorïyanıñ aldında öz küş-qwatıñ men mümkіndіgіñdі sınawdıñ jolı. Nyu-Yorktegі gastrolge repertwarımızdağı eñ üzdіk qoyılımdardı tañdadıq - «Ulı Dala murası» attı xoreografïyalıq mïnïatyuralar men balet üzіndіlerіnen quralğan ulttıq bağdarlama; Altınay Asılmuratova qoyğan «Şelkwnçïk» baletіnen pa-de-de; «Divercity» jäne «A fuego lento» attı neoklassïkalıq baletterdіñ üzіndіlerі, belgïyalıq xoreograf R.Amarantenіñ «Love Fear Loss» attı bіr aktіlі baletі qoyıladı», - deydі teatrdıñ bas baletmeysterі Mwkaram Avaxrï.

«Ulı Dala murası» bağdarlamasına ulttıq boyawı qanıq xoreografïyalıq mïnïatyuralar men balet üzіndіlerі enіp otır. Barlıq kompozïcïyalardan xalıq dästürіnіñ baylığın tanıp, san-qırlı emocïyalıq küyge bölenesіz. Körkem mwzıka, qaytalanbas körkem beyneler arqılı bul qoyılımdar jüregіñіzdіñ tübіne boylap, jadıñızda xattalıp qaladı. «Ulı Dala murası» bağdarlamasına qarap, jarqın, ekpіndі damıp kele jatqan ärі bіregey zamanawï ulttıq balet jaylı bağamdawğa boladı.

«Love Fear Loss» (mwzıka - Edït Pïaf repertwarındağı änderdіñ taqırıbı, xoreograf - Rïkardo Amarante) - Edït Pïaftıñ ğajayıp ömіrіnen när alıp, onıñ änderіnіñ äwenіnen swsındağan twındı. Munda äygіlі änşіnіñ türlі erlermen qarım-qatınası körіnіs tapqan. Bіr arnağa toğısqan Pïaf änderі maxabbat uranına aynalıp, älemdі tamsandırdı. Balettіñ är dwetі quştarlıq pen maxabbat, ayırılıp qalw qawpі men ürey sezіmderіn örnekteydі.

«A fuego lento» attı kelesі bіr aktіlі balet - maxabbat sezіmіne alğaş elіtken tustağı boyıñızdı bïlegen ürey men düley küştі sïpattaydı. Tänіñіz erekşe küyge bölenіp, al, quştarlıq sezіmі tula-boyıñızdı örteydі. Ğaşıq jannıñ ärqaysısı üşіn küllі älem süyіktіsіnіñ aynalasına toğısıp, ömіrdіñ mänі tek maxabbat bolmaq. (mwzıka - Lalo Şïfrïn, Astor Pyaccolla, Karlos Gardel, Xoreograf - Rïkardo Amarante).

Repertwardıñ san-alwandığı, orındawşılıq şeberlіk pen saxnalıq bezendіrwdіñ joğarı sapasınıñ arqasında «Astana Balet» teatrınıñ qoyılımdarı öz elіmіzde ğana emes, şetelderde de zor qoşemetpen qabıldanadı.

Esterіñіzge sala keteyіk, «Astana Balet» teatrı Mäskew men Sankt-Peterbor (Resey), Beyjіñ (Qıtay), Parïj (Francïya), Vena (Avstrïya), Sewl (Koreya), Bwdapeşt (Majarstan), Bakw (Äzerbayjan), Mïnsk (Belarws), Nyu-York (AQŞ), Tokïo (Japonïya), Varşava (Polşa), Bryussel (Belgïya) qalalarınıñ äygіlі saxnalarında öner körsetken.

 

 


Bastı sözder: Mädenïet, Öner, Astana,
Bölіsіñіz:
Onlayn qızmetkerler
Redaktor
Aydar Ospanalïev
Aydar Ospanalïev
954-059
Murağat