+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

«Astana balet» Ózbekstannyń Úlken teatrynda alǵash ret óner kórsetedi

2019 jylǵy 8 tamyz 11:35
Bólisińiz:
«Astana balet» Ózbekstannyń Úlken teatrynda alǵash ret óner kórsetedi

NUR-SULTAN. QazAqparat - «Ózbekstandaǵy Qazaqstan jylynyń» aıasynda tanymal «Astana balet» teatrynyń ujymy ózderiniń úzdik qoıylymdary men spektaklderin tartý etpekshi, dep habarlaıdy QazAqparat.

Uqsas jańalyqtar

22 tamyzda Á.Navoı atyndaǵy Ózdekstan Úlken teatrynyń sahnasynda «Uly Dala murasy» baǵdarlamasy men «A Fuego Lento» bir aktili baleti kórsetiledi. Al, tamyzdyń 24 men 25 kúnderi A.Melıkovtiń «Mahabbat týraly ańyz» atty áıgili shyǵarmasy kórsetiledi. Bul balettiń Nur-Sultandaǵy premerasy zor qoshemetpen qabyldandy.


«Tashkent qalasyna alǵashqy gastrolin «Astana balet« teatry « Uly Dala murasy« baǵdarlamasymen ashpaqshy. Osy kontserttik baǵdarlama Qazaqstan, Eýropa men Amerıkanyń iri qalalarynda kórermen yqylasyna bólengen bolatyn. Sebebi, munda ulttyq boıaýy qanyq halyq bıi ulttyq kostıýmder men mýzykalyq súıemeldeýmen úılesim tapqan. Bul dıvertısment Uly Dalanyń jylnamasyna arnalǵan, túrli stılde jasalǵan horeografııalyq mınıatıýralardan quralǵan», delingen habarlamada.

Horeografııa saltanatynyń shymyldyǵyn «A Fuego Lento» bir aktili baleti jabady. Neoklassıka mánerinde jasalǵan spektakldi Brazılıadan shaqyrylǵan horeograf Rıkardo Amarante qoıǵan. Bul balet – brazılııalyq sambo men tango mánerindegi bı ǵajaıyby. Bul qoıylymdy kórermender de, balet ártisteri de óte unatady. Sebebi, munda qushtarlyq sezimi, oryndaýshylyqtyń zor shyńy kórinis tapqan.


Gastroldiń qalǵan kúnderi ańyzǵa aınalǵan «Mahabbat týraly ańyz» baleti kórsetilmek. Úsh kórinisten turatyn balet bastapqyda Marıın teatrynda kórsetilip, sońynan Úlken teatr sahnasyna aýysty. Qoıýshy-horeograf ıÝrıı Grıgorovıch. «Astana Balet» teatrynyń sahnasyna laıyqtap, spektakldiń búge-shúgesine deıin, meılinshe dál qoıǵan ıÝrıı Grıgorovıchtiń assıstentteri – Rýslan Pronın men Oksana Tsvetnıtskaıa.


Sıýjet negizi – ejelgi parsy ańyzy. Apaly-sińilili Mehmene Baný men Shyryn saraı sýretshisi Farhatqa ǵashyq bolyp qalady. Bozbalanyń kóńili Shyrynǵa aýyp, Mehmene Banýmen aradaǵy qatynasy múmkin bolmaıdy. Sebebi, bir kezderi patshaıym, syrqatqa shaldyqqan sińilisin aman alyp qalý úshin sulýlyǵyn tárk etken. Saraıdan qashyp ketken ǵashyqtardy sarbazdar qolǵa túsiredi. Farhat bolsa, halqynyń amandyǵy úshin mahabbatynan bas tartady.


«Astana balet» teatry 2012 jyly Elbasy Nursultan Nazarbaevtyń bastamasymen qurylǵan. Teatr ujymy Reseı, Qytaı, AQSh, Ázerbaıjan, Frantsııa, Italııa, Belarýs, Belgııa, Japonııa men Polshanyń áıgili teatrlarynda óner kórsetken.


Bizdiń kanalymyzǵa jazylyńyz:

Basty sózder: Mádenıet, Óner,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT