+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

«Astana-Arena»: Fýtbol, tabıǵı kógal, mýndıal...

2018 jylǵy 19 maýsym 11:46
Bólisińiz:
«Astana-Arena»: Fýtbol, tabıǵı kógal, mýndıal...

ASTANA. QazAqparat - Fýtboldan Álem chempıonaty Qazaqstanǵa jaqyn Samara, Ekaterınbýrg, Volgograd sııaqty qalalarda ótip jatqanda mıllıondaǵan jankúıerlerdiń súıikti mýndıaline bir taban jaqyndap qalǵan sııaqtymyz. FIFA-nyń Báıterekke uqsas kýbogy óz elimizde oınatylsa eken degen arman da joq emes.

Árıne, ulttyq quramanyń daıyndyǵy, al, eń bastysy, qajetti ınfraqurylym bolmasa, álemdik dodany ótkize almaıtynymyz belgili. Degenmen, ınfraqurylym jaǵynan tájirıbemiz bar. Sonyń bir dáleli - «Astana-Arena». Osy ýaqytqa deıin atalǵan stadıonda talaı tanymal fýtbolshylar oınap ketti. Sol kezde otyz myń orny bar sport kesheni xalyqqa lyq toldy. Al jankúıerlerdiń qoldaýy, emotsııasy men jeńiske degen jigeri qazirgi mýndıalden eshbir kem bolmady. QazAqparat tilshisi Qazaqstanda ǵana emes, Ortalyq Azııa boıynsha biregeı nysannyń qurylysyna sholý jasap, osy jerde ótken tarıxı matchtardy eske aldy.

«Astana-Arena» stadıony eki jarym jyldyń ishinde salyndy. Onyń qurylysyna myńdaǵan tonna metall men beton jumsaldy. Máselen, temir konstrýktsııalardyń jalpy salmaǵy 11,5 myń tonnany qurap otyr.

«Astana-Arena»: Fýtbol, tabıǵı kógal, mýndıal...«Astana-Arena»: Fýtbol, tabıǵı kógal, mýndıal...«Astana-Arena»: Fýtbol, tabıǵı kógal, mýndıal...

Qurylysshylardyń aıtýynsha, ashylyp-jabylatyn shatyrdy ornatý eń aýyr jumystardyń biri boldy. Sebebi atalǵan konstrýktsııany jerde bólek-bólek jınaǵannan keıin tóbege shyǵaryp qurastyrý qajet. Al ony arnaıy relsterge durys qondyrmasa, shatyrdyń eki jaǵy kelispeı qalady. Ortasynda sańylaý bolady. Ondaıda árbir detaldi mıllımetrge deıin eseptep shyǵarý kerek. Degenmen, qurylysshylar ózderine júktelgen mindetti abyroımen atqaryp shyqty.

«Astana-Arena»: Fýtbol, tabıǵı kógal, mýndıal...«Astana-Arena»: Fýtbol, tabıǵı kógal, mýndıal...

Stadıonnyń jyljymaly shatyryn kompıýter arqyly ashyp-jaýyp otyrady. Konstrýktsııanyń tórt jaǵynda arnaıy qozǵaltqyshtar bar. Atalǵan apparattar sym arqandardy tartyp, shatyrdy qozǵap turady. Al eki jaq sáıkespeı qalsa, kompıýterge birden sıgnal túsedi. Ol avtomatty túrde eki jaqty lazer arqyly teńestiredi.

Búginde stadıonnyń shatyryn kóp ashyp, jaba bermeıdi. Jylyna eki ret qana iske qosady. Kóktemde kún jylynǵanda ashady, kúzde aýa temperatýrasy tómendegende jaýyp qoıady. Buryn jyljymaly shatyr 20 mınýta ashylatyn. Qazir oǵan bir saǵattaı ýaqyt ketedi. Sebebi toǵyz jyldyń ishinde Astananyń kez kelgen qurylys nysany «otyrady». Elordanyń klımaty men topyraǵy sondaı.

«Astana-Arena»: Fýtbol, tabıǵı kógal, mýndıal...

Negizi, dál osy shatyrdyń arqasynda «Astana-Arena» biregeı nysandardyń qataryna kiredi. Álem boıynsha jyljymaly shatyry 10 000 sharshy metrdi quraıtyn alty stadıon bar eken. Sonyń biri - «Astana-Arena». Ortalyq Azııa aımaǵynda ondaı sport kesheni áli salynbaǵan.

«Astana-Arena»: Fýtbol, tabıǵı kógal, mýndıal...

Sóz joq, shatyrdyń astyndaǵy alańda jasandy jelek emes, tabıǵı kógal bolǵanda, stadıonnyń ataq-abyroıy budan da joǵary bolatyn edi. Sheteldik fýtbolshylardyń orynsyz syn-eskertpeleri de azaıady. Alaıda «Astana-Arenada» tabıǵı kógaldy tósemeýdiń ózindik sebepteri bar. «Bul jerde kóp komandalar jattyǵady. Qazaqstan quramasy, «Astana» fýtbol klýby, jastar komandasy, oǵan qosa, basqa oblystardyń komandalary kelip jattyǵady. Ujymdar arasyndaǵy fýtbol jarystary taǵy bar. Sonyń saldarynan alań tez tozady. Mysaly, osy ýaqytqa deıin biz jasandy jelektiń ózin tórt ret aýystyrdyq. Negizi, bir tósenishti qoldaný merzimi - 7-8 jyl. Biz bolsaq, on jylǵa jetpeı, tórt ret aýystyrdyq. Sebebi oıyndar kóp ótedi. Al onyń ornynda tabıǵı kógal bolsa, múldem shydamaıdy ǵoı. Sosyn bul jerde san alýan kontsertter ótedi. Ol kezde alańnyń ústine arnaıy materıal tóseıdi. Azııa oıyndarynyń ashylý kezinde solaı istedi. Tabıǵı kógal bolsa, alańdy olaı jaba almaısyń», - deıdi fýtbol alańyn daıyndaý jáne qyzmet kórsetý bóliminiń bastyǵy Qalqaman Báıseıitov.

«Astana-Arena»: Fýtbol, tabıǵı kógal, mýndıal...«Astana-Arena»: Fýtbol, tabıǵı kógal, mýndıal...

Onyń aıtýynsha, jasandy jelek tabıǵı kógaldan esh kem emes. Astynda jumsaq materıal men jylytý tehnologııasy bar. Onyń ústine jasandy jelekti tóseıdi. Odan keıin kvarts qumdy, rezeńke untaqtaryn sebedi. Sonyń arqasynda jasandy shóptiń túgi tikireıip turady. Onsyz bir basyp ótseń, jatyp qalady. Stadıon mamandary jasandy shópti kún saıyn arnaıy tehnıkamen tarap otyrady. Tipti, sýarý jumystary da júrgiziledi. «Negizi, jasandy jelekti kóp sýarmaıdy. Biraq fýtbolshylardyń ózderi sý sepsin dep suraıdy. Óıtkeni dop jaqsy domalaıdy. Sosyn alańdy FIFA men UEFA-nyń mamandary jyl saıyn tekserip otyrady. Syzyqtar bir santımetrge aýytqyp ketse, aıyppul salady. Olardyń aqshalary ǵoı. Kemshlikti neǵurlym kóp tapsa, aqsha da soǵurlym kóp túsedi. Abyroı bolǵanda, bizge birde-bir ret aıyppul salǵan joq», - dep atap kórsetti Q.Baıseıitov.

«Astana-Arena»: Fýtbol, tabıǵı kógal, mýndıal...«Astana-Arena»: Fýtbol, tabıǵı kógal, mýndıal...
«Astana-Arena»: Fýtbol, tabıǵı kógal, mýndıal...

2009 jyly jańa stadıon resmı túrde ashyldy. Bas kezinde oǵan Qajymuqan Muńaıtpasov aty berildi. Alaıda artynan «Astana-Arena» degen ataýǵa ózgertildi.
«Astana-Arena»: Fýtbol, tabıǵı kógal, mýndıal...
«Astana-Arena»: Fýtbol, tabıǵı kógal, mýndıal...

«Astana-Arena»: Fýtbol, tabıǵı kógal, mýndıal...
«Astana-Arena»: Fýtbol, tabıǵı kógal, mýndıal...
«Astana-Arena»: Fýtbol, tabıǵı kógal, mýndıal...

Alǵashqy machty QR Prezıdenti Nursultan Nazarbaevtyń ózi ashty.

«Astana-Arena»: Fýtbol, tabıǵı kógal, mýndıal...

Sol kezde «Lokomotıv» (qazirgi «Astana» klýby) jáne Qazaqstannyń jastar quramasy ózara kúsh synasty. Eki komandanyń atynan álemge tanymal juldyzdar da óner kórsetti. Jastar quramasy sapynda Kaha Kaladze men Andreı Shevchenko oınasa, «Lokomotıvtiń» atynan túrik fýtbolshylary - Hasan Shash pen Hakan Shúkir shyqty. 2002 jyly ótken Álem chempıonatynda H.Shúkir eń jyldam gol soqqan fýtbolshy retinde tarıhqa endi. Onyń 10 sekýndtyq rekordyn áli eshkim jańartqan joq.

«Astana-Arena»: Fýtbol, tabıǵı kógal, mýndıal...

Sol jyly qazan aıynda Qazaqstannyń ulttyq quramasy «Astana-Arenada» alǵashqy matchyn ótkizdi. Álem chempıonatyna irikteý týrnıri aıasynda qazaqstandyq fýtbolshylar Horvatııamen kezdesken bolatyn.

«Astana-Arena» stadıonynda «Shahter» klýbynyń tarıhı matchtary da ótti. 2013 jyly Qazaqstannyń birinshiligin jeńip alǵannan keıin qaraǵandylyq komanda ÝEFA-nyń Chempıondar lıgasyna joldama aldy. Alǵashqy aınalymda Belarýstyń «BATE»-syn, odan keıin albanııalyq «Skenderbeý» klýbyn jeńip ketti.

Al toptyq raýndqa shyǵý úshin Shotlandııanyń «Seltık» komandasymen kezdesti. Alǵashqy oıyn «Astana-Arenada» ótken bolatyn. Ol matchta «Shahter» klýby 2:0 esebimen jeńiske jetti.

«Shahter» osy irikteýden óte almasa da, Qazaqstan tarıhynda alǵash ret Eýropa lıgasynyń toptyq raýndyna shyqty. Osydan keıin «Astana» klýbynyń jeńisti joly bastaldy. 2015 jyly atalǵan klýb ÝEFA-nyń Chempıondar lıgasy aıasynda Fınlıandııanyń «HIK» komandasymen kezdesken edi. «Astana-Arenada» ótken matchty umytý múmkin emes. Sol kezde astanalyq klýbtyń oıynshylary dramaǵa toly «kambek» jasady.

«Astana» klýby otandyq fýtbol tarıhynda tuńǵysh ret Chempıondar lıgasynyń toptyq raýndyna shyqty. «S» tobynda astanalyq fýtbolshylar «Galatasaraı» (Túrkııa), «Benfıka» (Portýgalııa) men «Atletıko» (Ispanııa) sııaqty komandalarǵa qarsy oınady. Syrt alańda utylsaq ta, «Astana-Arenada» ótken barlyq oıyndarda teń tústik.

Odan keıingi jyldary da «Astana» klýby Chempıondar lıgasynyń irikteý týrnırine qatysyp, óz jankúıerlerine tamasha matchtardy syılady. Osy oraıda Shotlandııanyń «Seltık» klýbyna qarsy bolǵan oıyndardy erekshe atap ótken jón. Sol kezde «Astana-Arena» stadıony halyqqa lyq toldy.

«Astana-Arenada» Mesýt Ozıl, Bastıan Shvaınshtaınger, Zlatan Ibragımovıch sııaqty tanymal fýtbolshylar da óner kórsetti. Osy matchtardy kórýge kelgen halyq kóp boldy. Stadıonnyń ishinde ıne shanshar jer bolmady.

«Astana-Arena»: Fýtbol, tabıǵı kógal, mýndıal...«Astana-Arena»: Fýtbol, tabıǵı kógal, mýndıal...

Osylaısha, toǵyz jyldyń ishinde «Astana-Arenada» qyzyqty ári tartysty oıyndar kóp boldy. Onymen birge Qazaqstandaǵy fýtboldyń deńgeıi de kóterildi. Árıne, Álem chempıonatyn óz jerimizde ótkizý úshin áli de biraz eńbek etý kerek. «Astana-Arena» sııaqty bir emes, birneshe stadıon qajet. Mýndıal úshin odan da úlken stadıondar salynýy shart. Oǵan deıin áli talaı fýtbol juldyzdary aýysady. «Qazaqstandyq Messıler» de kóbeıetin shyǵar...

«Astana-Arena»: Fýtbol, tabıǵı kógal, mýndıal...

Bizdiń kanalymyzǵa jazylyńyz:

Bólisińiz:

Avtor:

Arman Asqarov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT