+7 (701) 759 90 19
USD 385.01 EUR 425.78
RUB 6.05 CNY 54.68
Jańalyqtar

Astana, Almaty, Shymkent jastaryna myń páter salý mamyrda bastalady

2019 jylǵy 30 qańtar 12:37
Bólisińiz:
Astana, Almaty, Shymkent jastaryna myń páter salý mamyrda bastalady

ASTANA. QazAqparat - Astana, Almaty, Shymkent jumysshy jastaryna 1 myń páter salý mamyrda bastalady. Bul týraly búgin Úkimettiń keńeıtilgen otyrysynda Indýstrııa jáne ınfraqurylymdyq damý mınıstri Jeńis Qasymbek aıtty, dep habarlaıdy QazAqparat tilshisi.

«2018 jyly qurylys salasy turaqty ósim qarqynyn kórsetti jáne 2017 jylǵy deńgeıge qaraǵanda 4,1 paıyz bolyp, eńbek ónimdiliginiń ósimi 9 paıyzdy qurady. Turǵyn úı qurylysynda ınvestıtsııalar 8,1 paıyzǵa artty. Bul 1,2 trln teńgeni quraıdy. «Nurly jer» memlekettik baǵdarlamasy boıynsha memlekettik qarajattyń 1 teńgesi kórsetkish retinde bola tura, 6 teńge jeke ınvestıtsııalar tartyldy. Rekordtyq 12,5 mln sharshy metr turǵyn úı paıdalanýǵa berildi. Bul 2017 jylǵy deńgeıden 12,1 paıyzǵa joǵary», - dedi Jeńis Qasymbek.

Mınıstr dereginshe, 2018 jyly bir turǵynǵa turǵyn úıdi berý 0,68 sharshy metrdi qurady. Bul TMD elderiniń ishinde eń joǵary kórsetkish. 113 myńnan astam otbasynyń turǵyn úı jaǵdaıy jaqsardy, onyń ishinde memlekettik qarajat esebinen 14 myńnan astam otbasy jalǵa beriletin jáne kredıttik turǵyn úımen qamtamasyz etildi. Barlyq óńirlerde turǵyn úıdi berý boıynsha oń serpin baıqalady. Bul rette edáýir ósim Mańǵystaý, Atyraý, Túrkistan jáne Jambyl oblystarynda oryn aldy. «7-20-25» baǵdarlamasyn sátti iske asyrý úshin ınjenerlik kommýnıkatsııalardyń qurylysyn qarjylandyrý 100 mlrd teńgege deıin artty.

«Sizdiń Astana, Almaty jáne Shymkent qalalarynda jumys isteıtin jastarǵa jyl saıyn keminde 1 myń jalǵa beriletin páterlerdi salý boıynsha tapsyrmańyzdy oryndaý úshin qarjylandyrýdyń tetikteri men kózderi aıqyndaldy. mamyr aıynan bastap ákimdiktermen birge bul baǵdarlamany qarqyndy júzege asyra bastaıtyn bolamyz. Jalpy 2019 jyly 13 mln sharshy metr turǵyn úıdi salýdy josparlaýdamyz. Onyń arqasynda shamamen 118 myń otbasy turǵyn úımen qamtamasyz etiledi», - dedi ol.

Onyń atap ótýinshe, barlyq qabyldanǵan sharalar nysanaly ındıkatorlardy - 2030 jylǵa deıin bir adamǵa 30 sharshy metrge deıin oryndaýǵa baǵyttalǵan.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT