+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Assambleıa múshesi qazaq tilin nasıhattaýdyń tyń tásilin usyndy

2021 jylǵy 9 qyrkúıek 15:33
Bólisińiz:
Assambleıa múshesi qazaq tilin nasıhattaýdyń tyń tásilin usyndy

NUR-SULTAN. QazAqparat – Qazaqstan halqy Assambleıasy «Jańǵyrý joly» respýblıkalyq jastar qozǵalysynyń múshesi Elına Paýlı qazaq tilin tanymal etýdiń tyń tásilin usyndy, dep habarlaıdy QazAqparat tilshisi.

Uqsas jańalyqtar
Memleket basshysy: Kópulttylyq – bizdiń baǵymyz Assambleıaǵa patrıottyq uıym retinde qurmet kórsetýimiz kerek – Toqaev «Jańǵyrý joly» qozǵalysyn respýblıkalyq jastar uıymy retinde qaıta qurǵan jón - Prezıdent

«Biz memlekettik tildi damytý týraly bastamalardy qoldaı otyryp zamanaýı formatta jumys isteýimiz kerek. Mysaly, Tatarstanda jyl saıyn kúzde «Tatarsha dıktant jaz» atty dúnıejúzilik aktsııa ótedi. Oǵan álemniń 50 elinen ókilder qatysady. Tildi nasıhattaıtyn bul aktsııa búkil álemge taraldy. Nege biz bul tájirıbeni qoldana almaımyz? Árıne, bizde ártúrli memlekettik tildi nasıhattaıtyn dıktanttar ótkiziledi. Biraq, ádette, biryńǵaı aýqymdy format joq. Ondaı sharalar aldyn ala habarlanbaı, áleýmettik jelilerde jarnamalanbaı uıymdastyrylady. Ol dıktantty Qazaqstan aýmaǵynan tys jerlerge de taratýǵa bolady. Qazir álemniń kóptegen elderinde, ásirese TMD elderinde Abaı ortalyqtary bar. Solardyń qoldaýmen osy jumysty atqarýǵa bolady», - dedi jastardyń ókili Prezıdent Joldaýyn talqylaýǵa arnalǵan dóńgelek ústelde.

Sondaı-aq, ol memlekettik tildiń qoldanys aıasyn keńeıtýde Qazaqstan halqy Assambleıasynyń jastaryna zor mindet artylyp otyrǵanyn jetkizdi.

«Til - halyq janyn tanýdyń kilti. Qazaqstandyqtardyń birligin nyǵaıtýdyń mańyzdy faktory retinde memlekettik tildiń qoǵamdaǵy rólin arttyrý arqyly ony odan ári damytý jáne nasıhattaý – assambleıa jastary mindetteriniń biri. Biz erteń ata-ana bolyp óz balalarymyzdyń bolashaǵyn oılaı otyra, olardyń qazaq tilin bilýine múmkindik berip, qoldaýymyz kerek. Memleket tarapynan búkil jaǵdaı jasalyp otyr», - dedi «Jańǵyrý joly» respýblıkalyq jastar qozǵalysynyń múshesi.

Onyń aıtýynsha, qazaq tili Qazaqstan halqy birliginiń birden-bir faktory bolýǵa tıis.

«Bizder, kópultty elimizdiń azamattary qıyn-qystaý zamanda túrli ulttar men ulystardy baýyryna basyp, qushaq jaıa qarsy alǵan qasıetti qazaq halqyna qaryzdarmyz. Sondyqtan, elimizdiń tilin meńgerý - kópultty jastardyń, qazaqstandyqtardyń basty maqsaty», - dedi Elına Paýlı.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT