+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Áskerı sot vıtse-admıral Jandarbek Januzaqovqa qatysty jazanyń jeńildetilý sebebin túsindirdi

2020 jylǵy 7 qyrkúıek 13:43
Bólisińiz:
Áskerı sot  vıtse-admıral Jandarbek Januzaqovqa qatysty  jazanyń jeńildetilý sebebin túsindirdi

NUR-SULTAN. QazAqparat – QR Áskerı soty Áskerı-teńiz kúshteriniń burynǵy bas qolbasshysy, vıtse-admıral Jandarbek Januzaqov jazanyń jeńildetilý sebebin túsindirdi, dep habarlaıdy QazAqparat tilshisi.

«Áleýmettik jeli qoldanýshylary ÁTK-niń burynǵy bas qolbasshysy J.Januzaqovqa qatysty ótken protsess týraly pikir bildirip, keıbir azamattar vıtse-admıraldy ádiletsiz sottady dese, endi bireýleri úkimniń jeńil bolǵandyqtaryn aıtyp jatyr. Degenmen, mundaı paıym qate. Qoǵamdy senimdi aqparatpen qamtamasyz etý maqsatynda 2020 jyldyń 18 mamyrynda Aqmola garnızony áskerı sotynyń úkimimen J.Januzaqov aýyr saldarǵa alyp kelgen bılikti asyra paıdalanǵany úshin QK 450-baby 2-bólimimen sottalyp, 6 jylǵa bas bostandyǵynan aıyryldy. Aıtalyq, 2012-2016 jyldary ÁTK áskerı kemeleri menshikti pırsi salynǵanǵa deıin shvartovka jasaý úshin jekemenshik aılaqtardy jaldaýǵa májbúr boldy. Oǵan memlekettik satyp alýlar konkýrsyn ótkizý úshin memleketten aqsha bólindi. Degenmen, J.Januzaqov Áskerı-teńiz kúshteriniń bas qolbasshysy bola turyp, konkýrs ótkizbesten bir kózden «S.» JShS-imen kelisimshart jasasqan. Teńizdiń jaǵalaýynda jalǵa beriletin aılaqtar kóp bolǵandyǵyna, onyń ústine quny joǵary, sonymen qatar tómen bolǵandyǵyna qaramastan J.Januzaqov negizsiz «S» JShS-ine basymdyq berip, sol arqyly memleketke 29 mln teńgeden astam materıaldyq shyǵyn ákelgen. J.Januzaqovtyń atalǵan áreketi bılikti asyra paıdalaný retinde durys jiktelgen», - dedi áskerı sottan.

Vedomstvo málimetinshe, appelıatsııalyq satyda jaza taǵaıyndaý kezinde tergeý organdary sottalýshynyń áreketinen paıdakúnemdiktiń bolǵanyn dáleldeı almaǵan. Sonymen qatar iske qatysty kámeletke tolmaǵan balanyń bolýy, aıyptaý kóleminiń qysqarýy syndy jazany jeńildetetin jaıttar da bolǵan.

Buǵan qosa, Qorǵanys mınıstrliginiń Bas shtaby J.Januzaqovtyń uzaq jyldar áskerı qyzmette bolǵanyn. Qazaqstannyń Áskerı-teńiz kúshteriń qurý jáne damytýdaǵy zor eńbegin eskere kele jazany jeńildetý týraly ótinish joldaǵan. Osyǵan oraı appelıatsııalyq soty J.Januzaqovty bas bostandyǵynan aıyrý jazasyn 5 jylǵa bas bostandyǵyna shekteý jazasymen aýystyrǵan.


Bizdiń kanalymyzǵa jazylyńyz:

#Sot   #Ásker  
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT