+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Áskerı ómirdi nasıhattaıtyn otandyq teleserıal kórermenge jol tartady

2019 jylǵy 16 qarasha 14:35
Bólisińiz:
Áskerı ómirdi nasıhattaıtyn otandyq teleserıal kórermenge jol tartady

NUR-SULTAN. QazAqparat – Búgin elordada otandyq «Dala qyrandary» atty teleserıaldyń jabyq kórsetilimi ótti, dep habarlaıdy QazAqparat tilshisi.

Uqsas jańalyqtar
«Ákim» fılmi kórermenge jol tartty Muqaǵalı Maqataev týraly fılmniń kórinisteri Almatyda túsirilip jatyr Aqan Sataev «Tomırıstiń» qazaqsha nusqasy nege kórsetilmeı jatqanyn túsindirdi

25 qarashadan bastap «Habar» telearnasynan qazaqstandyq «Dala qyrandary» atty teleserıal qalyń kórermen qaýymǵa jol tartady.

Týyndynyń tórkinine kelsek, Berik, Qanat, Erlan jáne Mádına esimdi jas ofıtser-ushqyshtardyń otan qorǵaý jolyndaǵy qıyndyq pen qyzyqqa toly áskerı ómiri baıandalady.



«Barshańyzdy jańa týyndynyń tusaýkeserimen quttyqtaımyn. Ózderińiz bilesizder, qazaq halqy úshin qyran uǵymy qashanda qasterli. Sondaı-aq, jeti qazynanyń biri sanalady. Analarymyz balasyna árdaıym «qyrandaı qanatyń talmasyn» dep bata bergen. Osy turǵyda qyran sóziniń uǵymy tereń ekenin túsinemiz. Búgin otandyq teleserıal qorjyny taǵy bir ónimmen tolyǵyp jatyr. Serıaldyń óz kórermenin tabatynyna senimdimin. Taǵy bir aıtyp ótetin sát - týyndy áskerı mamandyq pen atalǵan salanyń óz ereksheligin nasıhattaıdy», - dedi QR Aqparat jáne qoǵamdyq damý mınıstri Dáýren Abaev.



Teleserıal avtorlarynyń aıtýynsha, túsirilim negizinen Taldyqorǵan qalasyndaǵy áskerı bólimderde ótti jáne oǵan 2 aı ýaqyt jumsaldy.

«Búgin eki mınıstrlik birlesip, júzege asyrǵan jańa teletýyndynyń tusaýyn kesýdemiz. Jańa serıaldy birinshi bolyp tamashalaý - biz úshin qýanysh. Teleserıaldyń shyǵarmashylyq toby bizdiń qarýly kúshter shtabynda birneshe aılap jumys istedi. Fılmde eki jastyń mahabbaty men áskerı qyzmet týraly baıandalady. Túsirilim barysynda bizdiń mamandar barynsha qoldaý kórsetip, jumys tobyna jaǵdaı jasaldy. Bul serıaldyń biz úshin mańyzy erekshe. Sebebi kóp adam «beıbit zamanda áskerdiń ne qajeti bar» deıdi, olardyń naqty nemen aınalysyp jatqany bireýge málim bolsa, bireýler úshin beımálim. Al áskerılerdiń basty ereksheligi - olar árqashan kez kelgen jaǵdaıǵa daıyn bolýy tıis. Osy oraıda áskerı ómirdiń teletýyndy arqyly kórsetilip, dáriptelýi atalǵan mamandyq ıeleriniń mereıin ústem etedi. Jáne bolashaqta osy salada qyzmet etkisi keletin jas urpaqqa ónege bolady», - dedi QR Qorǵanys mınıstri Nurlan Ermekbaev.



Teletýyndy 12 serııadan turady, al basty rólderde Oljas Ábjanov, Erik Hamıdýllaev, Nazar Sherhan, Aınur Nurseıit, Farıza Eskermes jáne Aıan Ótepbergen sekildi ártister oınaıdy.


«Aldymen bizdiń shyǵarmashylyq tobymyzǵa senim artqan eki mınıstrlik basshylyǵyna alǵys aıtamyn. Bul - biz úshin úlken qurmet. Túsirilim barysynda kórermen tarapynan da úlken qoldaýdy sezindik. Olar áli kúnge deıin habarlasyp jatady. Serıaldyń ekranǵa shyǵýyn asyǵa kútip júrgender bar», - deıdi «Dala qyrandary» serıalynyń prodıýseri Maksım Akbarov.


Jańa teleserıaldyń tusaýkeser rásimine áskerılermen qatar, kórermender jáne týyndynyń túsirilim toby músheleri qatysty.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT