+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Áskerı qyzmetshilerge zeınetaqyny qaıta esepteý usynyldy

2020 jylǵy 29 mamyr 03:28
Bólisińiz:
Áskerı qyzmetshilerge zeınetaqyny qaıta esepteý usynyldy

NUR-SULTAN. QazAqparat - 1998 jyldan keıin qyzmetke shaqyrylǵan jáne 2016 jylǵa deıin qyzmetten bosatylǵan áskerı qyzmetshilerge zeınetaqyny qaıta esepteý usynyldy, dep habarlaıdy QazAqparat QR Qorǵanys mınıstrligine silteme jasap.

Uqsas jańalyqtar

Áskerı qyzmetshilerdi zeınetaqymen qamtamasyz etýdi jetildirý jáne olardyń áleýmettik qorǵalýy máselelerin talqylaýǵa Qorǵanys mınıstrliginiń Zeınetaqymen qamtamasyzdandyrý ortalyǵy (budan ári - ZQO) bastamashylyq jasady.

Jıynǵa Zeınetaqymen qamsyzdandyrý ortalyǵynyń basshylyǵy, Bas prokýratýra, Ulttyq qaýipsizdik komıtetiniń, ІІM men QR Memlekettik kúzet qyzmetiniń ókilderi qatysty.

Qatysýshylar qyzmetten bosatylǵan áskerı qyzmetshiler men áleýetti qurylymdardyń qyzmetkerlerin zeınetaqymen qamtamasyz etý salasyndaǵy qoldanystaǵy zańnamaǵa tolyqtyrý men ózgeris engizý jónindegi usynystardy talqylady.

Birinshiden, 1998 jylǵy 1 qańtardan keıin qyzmetke alǵash ret shaqyrylǵan jáne 2016 jylǵy 1 qańtarǵa deıin bosatylǵan áskerı qyzmetshilerge eńbek sińirgen jyldary úshin zeınetaqy tólemin qaıta esepteý usynylady. Bul rette zańnamada belgilengen tártippen júrgizilgen tólemderdi arttyrý eskeriletin bolady.

Ekinshiden, 2016 jylǵy 1 qańtardan bastap jumystan bosatylǵan áskerı qyzmetshiler men áleýetti qurylymdardyń qyzmetkerlerine zeınetaqy jasyna jetý boıynsha memlekettik bazalyq zeınetaqy tólemi taǵaıyndaý.

Úshinshiden, turǵyn úı satyp alý nemese bilim alý úshin birińǵaı jınaqtaýshy zeınetaqy qoryndaǵy zeınetaqy jınaǵynyń qalǵanyn paıdalaný jaıy kóterildi.

Qatysýshylar zeınetaqy salasyndaǵy qoldanystaǵy zańnamany túzetýge qatysty boıynsha basqa da birqatar usynystardy qarap, barlyq aıtylǵan máseleler boıynsha biryńǵaı sheshimge keldi.

ZQO-nyń aqparaty boıynsha, ázirlengen usynystar «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasyna engizý úshin Eńbek jáne halyqty áleýmettik qorǵaý mınıstrligine jiberildi.

Zań jobalaý jumystarynyń jospary boıynsha ol aǵymdaǵy jyldyń qazan aıynda Úkimettiń qaraýyna engiziletin bolady.

Qorǵanys mınıstrligi áskerı qyzmetshilerdi áleýmettik qamtamasyz etý júıesine turaqty negizde taldaý júrgizedi. Odan ári jetildirý boıynsha usynystar negizinde, onyń ishinde zeınetaqymen qamsyzdandyrý júıesi de bar.

Zeınetaqy júıesin turaqty reformalaý zeınetaqymen qamsyzdandyrýdy jetildirýge, qoldanystaǵy jáne burynǵy áskerı qyzmetshilerdiń áleýmettik qorǵalýyn kúsheıtýge yqpal etedi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT