+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Áskerı qyzmetshiler Qazaqstan mektepterinde erlik sabaǵyn ótkizdi

2019 jylǵy 4 qazan 23:51
Bólisińiz:
Áskerı qyzmetshiler Qazaqstan mektepterinde erlik sabaǵyn ótkizdi

NUR-SULTAN. QazAqparat - Qazaqstannyń túrli aımaqtarynda erlik sabaqtary ótip jatyr. Ustazdar kúni qarsańynda áskerı qyzmetshiler men ardagerler mektepter men kolledjderge baryp, joǵary synyp oqýshylarymen jáne stýdenttermen kezdesti, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Uqsas jańalyqtar
Qorǵanys mınıstrliginiń ofıtserleri Aıagóz garnızonynyń basshylyǵyna ádistemelik kómek kórsetti Qarýly kúshter áskerı barlaýshylar kúnin atap ótti QR Qorǵanys mınıstrliginiń ókilderi Kókshetaý garnızonyna bardy

Kezdesýge Almaty qalasynyń 23 bilim oshaqtarynan 500-den astam oqýshy qatysty.

«Erlik sabaqtary bolashaq Otan qorǵaýshy men kez kelgen adamǵa qajetti moraldyq-psıhologııalyq qasıetterge úıretedi. Batyldyq, tabandylyq pen dene tózimdiligi – osynyń barlyǵy áskerı qyzmetshiden bólek medıtsına qyzmetkeri, dáriger, ınjener men muǵalim úshin de asa mańyzdy», – deıdi Almaty qalasy Alataý aýdandyq qorǵanys isteri jónindegi basqarma bastyǵy, polkovnık Gaýhar Syrlybaeva.

Ardagerler oqýshylarǵa otan tarıhynda oryn alǵan erlik jáne qaıǵyly oqıǵalar týraly aıtyp berdi. Áskerı qyzmetshiler Qazaqstan Qarýly kúshteri men áskerı bilim týraly suraqtarǵa tushymdy jaýap berdi.

«Men óz ata-babamyzdyń erlik pen batyrlyq dástúrleriniń murageri ekenimdi túsinemin. Osyndaı sharalardyń arqasynda kóptegen aqparattardy bilýge bolady. Ózime kelsem, men – patrıotpyn jáne ózimniń bolashaq mamandyǵymdy tańdap qoıdym. Bolashaqta Otan qorǵaýshy bolamyn», – deıdi № 26 mekteptiń oqýshysy Erasyl Sevetbekov.

Jaqyn kúnderi erlik sabaqtary jalpy alǵanda Almaty qalasynyń barlyq mektepterinde, sondaı-aq basqa da óńirlerde ótedi.

Atap aıtqanda, Arys qalasynyń orta bilim beretin mektep oqýshylarymen QR QK Bas shtaby bastyǵynyń orynbasary, general-maıor Ádilbek Aldabergenov kezdesti. Aýǵanstandaǵy soǵys ardageri, áskerı qyzmettegi áskerı eńbegi men jetistikteri úshin joǵary áskerı nagradalarmen marapattalǵan. General oqýshylarǵa áskerı mamandyq, Uly Otan soǵysyndaǵy patrıotızm, namys pen erlik kórsetken qazaqstandyq batyrlar, áskerı bólimderge esimi berilgen áskerıler jaıynda, sondaı-aq qazaqstandyq áskerdiń qazirgi áskerı qyzmetshileriniń batyldyǵy týraly aıtty.

«Jer betinde kóptegen bedeldi, paıdaly jáne qajetti mamandyqtar bar. Sondaı-aq Otan qorǵaý degen mamandyq ta bar. Jáne bul - barlyq ýaqytta da qasıetti mamandyq. Áskerı qyzmetshiler – eń aldymen bizdiń qaýipsizdigimiz. Áskerı mamandar jumysynyń máni zor. Olar kún saıyn sizder men bizder úshin, bizdiń beıbit ómir súrip, jumys istep, balalardy tárbıelep, bolashaqqa jospar qurýymyz úshin óz ómirin qaterge tigedi», – dedi general-maıor Ádilbek Aldabergenov.

Ol kásibı mereke qarsańynda ustazdardy quttyqtap, olardyń ósip kele jatqan urpaqty tárbıeleýge qosqan úlesin atap ótti. Sondaı-aq oqýshylarǵa densaýlyq, tabandylyq jáne oqýda tabys tilep, ózderi qalaǵan mamandyq boıynsha JOO túsýine sáttilik tiledi.

Oqýshylar kezdesýge belsendi qatysyp, kókeılerinde júrgen suraqtaryn qoıdy. Sabaqtan keıin balalar generalmen birge aǵash kóshetterin otyrǵyzyp respýblıkalyq ekologııalyq saǵat aktsııasyn qoldady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT