+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Áskerı qyzmetshiler arnaıy daıyndyqtan ótip jatyr

2019 jylǵy 10 jeltoqsan 13:18
Bólisińiz:
Áskerı qyzmetshiler arnaıy daıyndyqtan ótip jatyr

NUR-SULTAN. QazAqparat - Qazaqstannyń Qarýly Kúshterinde barlyq sanattaǵy áskerı qyzmetshiler óz mamandyǵy boıynsha daıyndyqtan ótip jatyr. Bul jóninde QR Qorǵanys mınıstrliginiń baspasóz qyzmetine silteme jasap QazAqparat habarlaıdy.

Uqsas jańalyqtar
Atyraýda 700-ge jýyq jas áskerge shaqyrylady

Negizgi maqsat – áskerı qyzmetshilerdiń jeke quramynyń fýnktsıonaldyq mindetterin, shtattyq qarý-jaraq pen áskerı tehnıkany zerdeleýdi, atýdy, shtattyq baılanys quraldarymen jumys isteýdi jáne alǵashqy medıtsınalyq kómek kórsetýdi úıretý.

Dárister árbir áskerı mamandyq boıynsha jeke ótkiziledi. Áskerı qyzmetshiler oqý tobynyń quramynda jumys isteıdi. Oqytýdy halyqaralyq saıys pen oqý-jattyǵýǵa qatys yp, júldeger atanǵan tájirıbeli áskerı mamandar, nusqaýshylar júrgizedi.

Máselen, tank bólimshelerinde kózdeýshi-operator sııaqty mamandar bar. Olar berilgen nysanany dál jáne naqty joıyp, ekıpaj quramynda úılesimdi jumys isteı alýy tıis. «Shyǵys» óńirlik qolbasshylyǵynda áskerı qyzmetshilermen osy mamandyq boıynsha «Tank bıatlony» áskerı halyqaralyq oıyndarynyń qatysýshysy jáne birneshe dúrkin júldegeri, kózdeýshi-operator, aǵa serjant Dmıtrıı Alkenov jumys isteıdi. 2017 jyly qazaqstandyq tankıster komandasy osy iri jarysta ekinshi oryn alsa, al 2019 jyly úshinshi oryndy ıelendi.

«Mamandyq boıynsha daıyndyq kezinde biz nysanashy-operatorlarǵa zeńbirekten atý jáne onymen qosarlanǵan pýlemetten atý erejelerin úıretýimiz kerek. Negizinen kózdeýshi-operatordyń is-áreketi aıtarlyqtaı fızıkalyq júktememen baılanysty. Sonymen qatar, ol tank ekıpajynyń múshelerimen tikeleı jáne tehnıkalyq qurylǵylardyń kómegimen turaqty baılanysta bolýy tıis. Bul qasıetterdiń barlyǵy áskerı qyzmetshiniń kásibıligin arttyrý jáne óz mamandyǵy men urystaǵy maqsatyn durys túsiný úshin qajet», – dep atap ótti ol.

«Shyǵys» óńirlik qolbasshylyǵy áskerleriniń qolbasshysy, polkovnık Asan Júsipov atap ótkendeı, búgingi tańda daıyndyqtan shamamen 700 áskerı qyzmetshi ótýde. Olarǵa 500 oqý toby men 1100-den asa tájirıbeli nusqaýshy-serjant tańdap alynyp, oqý-materıaldyq baza, áskerı tehnıka men oq-dári bólingen.

Elimizdiń Qarýly Kúshterinde tek saýatty, óz isin jetik biletin joǵary bilikti mamandar qyzmet etýi tıis. Ol meıli snaıper, ushqysh nemese tankıst bolsyn. Sondyqtan áskerı qyzmetshilerdiń jaýyngerlik daıarlyǵynyń jeke túri retinde arnaıy daıyndyqqa erekshe kóńil bólinedi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT