+7 (701) 759 90 19
USD 378.36 EUR 411.92
RUB 5.76 CNY 53.92
Jańalyqtar

Áskerı qyzmetshi Tarazdaǵy balalar úıiniń alty tárbıelenýshisin asyrap aldy

2019 jylǵy 30 jeltoqsan 18:11
Bólisińiz:
Áskerı qyzmetshi Tarazdaǵy balalar úıiniń alty tárbıelenýshisin asyrap aldy

TARAZ. QazAqparat - Taraz qalasyndaǵy balalar úıiniń alty tárbıelenýshisi úshin bıylǵy jańa jyl erekshe boldy, sebebi olar ony óz otbasynda qarsy alady. Balalardyń taǵdyry aǵa serjant Baýyrjan Isaev pen jubaıy Botagózdiń balalar úıinen bala asyrap alý týraly sheshiminen keıin ózgerdi, dep habarlaıdy QazAqparat QR Qorǵanys mınıstrligine silteme jasap.

Tórt bala tárbıelep otyrǵan erli-zaıypty naqty ári aıqyn sheshim qabyldady. Ekeýi de «Jetimsiz Qazaqstan» jobasynyń ıdeıasy týraly teledıdardan kórgen bolatyn. Erli-zaıyptylardyń bul oıyn bir úıde turatyn Baýyrjannyń ata-analary qoldady.

Aǵa serjant Baýyrjan Isaev «Ońtústik» óńirlik qolbasshylyǵynyń áskerı bóliminde mehanık-júrgizýshi bolyp qyzmet atqarady. Áskerı qyzmetshi Qarýly kúshterde osymen 15 jyl úlgili qyzmet etip jáne elimizdiń qaýipsizdigi men qorǵanys qabiletiniń nyǵaıtýyna úlesin qosýda. Qyzmettesteri men komandırleri ony isiniń bilikti mamany, tııanaqty jáne tártipti adam retinde biledi.

«Úlgili jane tártipti áskerı qyzmetshi, áskerı mamandyqty jaqsy meńgergen. «Aıbalta-2019» oqý-jattyǵýynda úzdik mehanık-júrgizýshi bolyp tanyldy, osy jyldyń kúzinde Úndistandaǵy «QazInd-2019» oqý-jattyǵýynda kásibı bilimin laıyqty kórsete bildi. Biz onyń jubaıymen birge balalar úıinen bala asyrap alý jóninde sheshim qabyldaǵanyn bilgende tań qaldyq jáne qoldadyq» , - dep atap ótti áskerı bólim komandıriniń orynbasary maıor Baǵdat Ábdirahmanov.

Bastapqyda Baýyrjan men Botagóz úsh balany asyrap alýdy oılaǵan. Biraq balalarmen jeke tanysqan kezde bir balanyń aǵa-inilsi men apa-qaryndasy bar ekeni belgili bolǵan.

Barlyq balalardyń ata-analary bar, alaıda óz mindetterin durys oryndamaýynan ata-ana quqyǵynan aırylǵan. Tek úsheýiniń ata-anasy óz quqyǵynan aırylǵannyń mártebesi joq. Zań boıynsha olardy ázirge asyrap alýshy otbasyna berýge bolmaıdy. Biraq Baýyrjan men Botagóz alǵan oıynan qaıtpaıdy. Olar sabyrmen kútýde. Osy sheshim qabyldanǵannan keıin Isaevtar otbasy qazirgideı on emes, on úsh bala bolady.

«Jumystan úıge oralǵanda, balalar «áke» dep aldymnan júgirtip shyǵady. Úsh jasar qyzym Angelınany kishi bolǵandyqtan kóterip alamyn, bir ulym býshlatty sheshse, ekinshisi áskerı bas kıimdi alady. Osylaısha bárimiz tatý-tátti úıge kiremiz», - deıdi Baýyrjan Isaev.

Qazir Isaevtar áýleti jańa jyldy qarsy alýǵa daıyndalýda. Úıde shyrsha qurylyp, balalar taqpaq jattaýda. Olarǵa ata-anasy, ata-ájesi, dostary men Aıaz ata syılyq beredi. Balalar bir otbasynyń tolyqqandy bir múshesi retinde sezinedi. Bıylǵy jańa jyl olar úshin shynymen de erekshe bolady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT