+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Áskerı dáriger: Lıvannan Qazaqstannyń baılyǵy – beıbitshiligi ekenin túıip qaıttym

2019 jylǵy 25 jeltoqsan 14:13
Bólisińiz:
Áskerı dáriger: Lıvannan Qazaqstannyń baılyǵy – beıbitshiligi ekenin túıip qaıttym

NUR-SULTAN. QazAqparat – Qazaqstan Respýblıkasynyń Qarýly kúshteriniń ofıtseri, medıtsına qyzmetiniń podpolkvonıgi Sáýlet Qaldashov «Qazaqstannyń 100 jańa esimi» jobasynyń úshinshi kezeńiniń jeńimpazy atandy. Ofıtser jaqynda ǵana Lıvandaǵy bitimgershilik mıssııadan oralǵan, dep habarlaıdy QazAqparat tilshisi.

Sáýlet Qaldashov 2002 jyldan beri áskerı medıtsına salasynda qyzmet etedi. Kópbalaly otbasynyń otaǵasy.

«Men BUU mıssııasyna elimizdiń tarıhynda alǵashqy bolyp qatysýshy áskerı dárigermin. Biz serjanttar men ofıtserlerden, áskerı dárigerlerden quralǵan 120 adam – qazaq rotasy jaqynda ǵana Lıvandaǵy bitimgershilik mıssııadan sátti oraldyq. Mıssııa basshylyǵy tarapynan qyzmetimizdiń nátıjesinde joǵarǵy nátıjedegi sheber jáne basqalarǵa úlgi tutarlyq qazaq jaýyngeri degen iltıpatqa ıe boldyq», - dedi ol.

Sáýlet Qaldashovtyń aıtýynsha, áskerı dárigerler urys dalasynda moınyna qarý asynyp, qarapaıym medıtsınalyq sómkemen sarbazdardyń janynda júredi.

«Mıssııadaǵy bir jyl ishinde jergilikti Lıvan halqyna, sheteldik áskerılerge alǵashqy medıtsınalyq kómek kórsettik. Medıtsınalyq evakýatsııany uıymdastyrdyq. Bir sózben aıtqanda, jergilikti halyqtyń jedel járdemi bola bildik. Men kórgen Lıvan jetpisinshi jyldardyń aıaǵyna deıin gúldengen el bolsa, qazir dinder men konfessııalardyń arazdyǵynan halqy jik-jikke bólinip, kórshi memlekettermen qarym-qatynasyn ornata almaı, berekesi qashqan el. Dáriger retinde biletinim: soǵys zardabynan alǵan psıhologııalyq jaraqat halyqtyń sanasynan ketpeıtini ras. Osynyń bárin kórip, túıgenim: bizdiń Qazaqstannyń basty baılyǵy - beıbitshilik pen tatýlyq eken», - dedi ol.

Eske sala ketsek, elordada «Qazaqstannyń 100 jańa esimi» jobasynyń úshinshi kezeńi ótti. «Qazaqstannyń jańa esimderi» jobasynyń maqsaty - táýelsizdik jyldary Qazaqstannyń damýyna eleýli úles qosqan adamdardyń tarıhy mysalynda tabystylyq, básekege qabilettilik, pragmatızm jáne bilimge tabyný ıdeıalaryn ilgeriletý. Bıyl jobaǵa qatysý úshin 1673 anketa qabyldanǵan. Jalpy, barlyq qatysýshyǵa 700 myńnan asa daýys berilgen. Barlyq kezeńniń qorytyndysy boıynsha bıyl 32 jeńimpaz anyqtaldy.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT