+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Áskerı bólimnen urlanǵan qarý-jaraqtar tolyǵymen tabyldy – QR ІІM

2020 jylǵy 27 aqpan 17:11
Bólisińiz:
Áskerı bólimnen urlanǵan qarý-jaraqtar tolyǵymen tabyldy – QR ІІM

TÚRKІSTAN. QazAqparat – Túrkistan oblysynyń áskerı bóliminen qarý-jaraqtardy urlap qashqan áskerı qyzmetshiniń tórtinshi sybaılasy ustaldy. Sondaı-aq urlanǵan qarý tolyq kólemde tabyldy, dep habarlaıdy QazAqparat Polisia.kz saıtyna silteme jasap.

Uqsas jańalyqtar

«Búgin QR Іshki ister mınıstrligi men Ulttyq qaýipsizdik komıteti qyzmetkerleriniń jedel-tergeý toby áskerı bólimnen qarý urlaǵan kishi serjant A. Balǵynbaıdyń tórtinshi sybaılasyn ustady.

Er adam polıtsııadan tanysynyń úıinde jasyrynyp júrgen. Odan áskerı bólimnen urlanǵan eki «Makarov» tapanshasy men travmatıkalyq tapansha tárkilendi.

Buǵan deıin vedomstvoaralyq top qyzmetkerleri áskerı qyzmetshiden atys qarýyn satyp alǵan onyń úsh dosyn ustaǵan bolatyn.

Qylmys jasaǵannan keıin barlyq kúdiktiler bólinip, polıtsııadan jasyrynyp júrgen. Sondyqtan ustaý birneshe aımaqta: Almaty, Shymkent jáne Túrkistan oblystarynda júrgizildi. Jedel-izdestirý is-sharalary barysynda qylmysqa qatysy bar barlyq adamdardy anyqtap, ustaý ǵana emes, sondaı-aq olar urlanǵan barlyq qarýdy tárkileýge múmkindik týdy. Bul - 29 «Kalashnıkov» avtomaty jáne 28 «Makarov» tapanshasy, travmatıkalyq tapansha jáne 2 dana pyshaq. Búgingi tańda qarýdy qylmystyq maqsatta paıdalaný qaýpi joq dep senimmen aıtýǵa bolady», - delingen aqparatta.

Atap ótilgendeı, qylmystyq ister boıynsha kúdiktiler retinde jalpy alǵanda 8 adam jaýapkershilikke tartylýda: tórt áskerı qyzmetshi (sonyń ishinde dıvızıon komandıri) jáne A. Balǵynbaıdyń sybaılastary – tórt azamattyq tulǵa.

QR ІІM Tergeý departamentiniń áskerı-tergeý basqarmasy sotqa deıingi tergeýdi jalǵastyrýda.

Esterińizge sala ketsek, 20 aqpan kúni Túrkistan oblysynda Áýe qorǵanysy kúshteriniń áskerı bólimshesinde kelisimshart boıynsha qyzmet etip júrgen kishi serjant A.Balǵynbaı kezekshilikti óz betimen tastap shyǵyp, biraz qarý-jaraqty urlap ketken bolatyn. Sol kúni ІІM jáne UQK qyzmetkerleriniń arnaıy jedel toby áskerı qyzmetshini qolǵa túsirdi. Keıin, 24 aqpanda A.Balǵynbaıdyń eki sybaılasy, 26 aqpanda taǵy bir sybaılasy ustaldy. Qylmystyq ister qozǵaldy.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT