Áskerge shaqyrý aldynda júrgiziletin zerdeleý jumystarynyń mańyzy nede
2022 jylǵy 28 qańtar 11:41

Áskerge shaqyrý aldynda júrgiziletin zerdeleý jumystarynyń mańyzy nede

NUR-SULTAN. QazAqparat – Qorǵanys mınıstrligi online-brıfınginde QR QK BSh Uıymdastyrý-jumyldyrý jumystary departamentiniń ókili podpolkovnık Rýslan Tapashev 2022 jylǵy kóktemgi áskerge shaqyrý aldynda júrgiziletin zerdeleý jumystary jóninde aıtyp berdi, dep habarlaıdy QazAqparat tilshisi.

Qazaqstanda merzimdi áskerı qyzmetke shaqyrý naýqany kóktemde jáne kúzde júrgiziledi. 2022 jylǵy kóktemgi áskerıge shaqyrý aldynda elimizdiń jergilikti áskerı basqarý organdary jastardy aldyn ala zerdedeý jumystaryn bastady. Áskerge 18-27 jas aralyǵyndaǵy azamattar shaqyrylady.

Jeke isterdi zerdeleý kezinde áskerge shaqyrylatyndardyń saýalnama derekteri anyqtalyp, árbir jas azamatpen jáne onyń ata-analarymen áńgimelesedi. Zerdeleý barysynda áskerge keletinderdiń alǵan mamandyqtary mindetti túrde eskerilip, sonymen qosa olardyń moraldyq jáne iskerlik qasıetteri, densaýlyq jaǵdaıy, dene bitimi, jalpy bilimi, arnaıy daıyndyǵy men otbasy jaǵdaıy jónindegi málimet naqtylanady.

«Azamattardy áskerge shyqyrý qaǵıdalaryna sáıkes, bizdiń jergilikti áskerı basqarý organdaryna áskerge shaqyralatyndardy zerdeleý jumystary júktelgen. Osyǵan baılanysty zerdeleýdiń maqsatyna toqtalsaq, jigittiń densaýlyǵy, bilimi jáne basqa da qyrlaryn eskerip, bizge áskerge jiberemiz. Sonymen qatar zerdeleý kezinde olardyń sotty bolýy nemese bolmaǵany nazarǵa alynady. Bul jumystardyń maqsaty – áskerge azamattardy irikteýdi sapaly júrgizý», - dedi Rýslan Tapashev.

Onyń aıtýynsha, atalǵan zerdeleý jumystary eki kezeńde júrgiziledi. Kóktemge áskerge shaqyrý daıyndyq kezinde 10 qańtardan bastalyp, 28 naýryzǵa deıin jalǵasady. Kúzgi áskerge shaqyrý kezindegi zerdeleý jumystary 10 tamyzdan bastalady da, 28 qyrkúıekke deıin ótedi.

«Azamat zerdeleýden ótkennen keıin, áskerge jóneltiledi. Osy oraıda bul jumystarmen qamtylatyn jastarǵa habar jetkizý shaqyrtý qaǵazdaryn usyný, sms-habarlama taratý arqyly júrgiziledi. Árıne, zerdeleý jumystary kezinde ata-analarynyń da bolǵanyn durys dep esepteımin. Óıtkeni jigittiń ata-analasymen pikir alamasý júrgiziledi», - dedi Uıymdastyrý-jumyldyrý jumystary departamentiniń ókili.

Aıta keteıik, aldyn ala zerdeleý bastapqy kezeńde qandaı da bir ásker túrleri men tekterinde áskerı qyzmet ótkerýge ázir jastardyń sapalyq quramyn anyqtaýǵa múmkindik beredi. Áskerge shaqyrýdan bosatý negizderiniń zańdylyqtary, onyń ishinde densaýlyq jaǵdaıy da tekseriledi.



Avtor:
Tilshi

Jańalyqtar

MURAǴAT