Jańalyqtar  >
  Sport

Ásker sportshysy MMA týrnıriniń jeńimpazy atandy

2022 jylǵy 26 qarasha, 19:12
Ásker sportshysy MMA týrnıriniń jeńimpazy atandy

ASTANA. QazAqparat – Qorǵanys mınıstrligi Ortalyq sport klýbynyń sportshysy Qazbek Saǵyn Aqtóbede Naiza sport week sport aptalyǵy aıasynda ótken Naiza 48 aralas jekpe-jegi boıynsha týrnırdiń chempıony atandy. Bul týraly QazAqparat vedomstvonyń baspasóz qyzmetine silteme jasap habarlaıdy.

Jarystyń basty jekpe-jeginde armııa sportshysy ekinshi raýndta brıtandyq Djon Shınkti tunshyqtyrý ádisimen jeńdi.

«Sezimdi sózben aıtyp jetkizý múmkin emes. Óte qýanyshtymyn. Qarsylasymnyń soqqylardy myqty boldy. Ásirese, tik turyp jasaǵan soqqylary aýyr boldy. Sondyqtan, parter ádisin qoldanýǵa týra keldi. Ortalyq sport klýbyndaǵy áriptesterime qoldaý kórsetkeni úshin rızamyn jáne búgingi jetistigime arqaý bolǵan ásker sportyna alǵysymdy bildiremin», - dedi Qazbek Saǵyn.

Aıta ketý kerek, bul – MMA-de jeńilissiz óner kórsetip júrgen armııa sportshysynyń mansabyndaǵy tórtinshi jeńisi.


Uqsas jańalyqtar
Seriktester jańalyqtary

Jańalyqtar