+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Asqar Mamın «Jumyspen qamtý» jol kartasyn jańartýdy tapsyrdy

2020 jylǵy 27 qazan 10:35
Bólisińiz:
Asqar Mamın «Jumyspen qamtý» jol kartasyn jańartýdy tapsyrdy

NUR-SULTAN. QazAqparat – Úkimet basshysy Asqar Mamın ákimdikter men jaýapty mınıstrlikterge birqatar tapsyrma berdi, dep habarlaıdy QazAqparat tilshisi.

Uqsas jańalyqtar
70 myńnan astam jambyldyq jumyspen qamtý sharalaryna tartylǵan

«Daǵdarysqa qarsy qabyldanǵan sharalardy iske asyrý halyqtyń jumyspen qamtylýyn saqtaýǵa yqpal etti. Jumyspen qamtý jol kartasy qazaqstandyqtardyń kóbine jumysy men tabysyn saqtaýǵa septigin tıgizdi, eleýli áleýmettik-ekonomıkalyq tıimdiligin kórsetti. Jol kartasynyń jobalaryn iske asyrý úshin qajetti taýarlardyń, jumystar men qyzmetterdiń shamamen 90%-y otandyq óndirýshilerden satyp alyndy. Jumyspen qamtý jol kartasynyń sheńberinde shamamen 6600 áleýmettik, kommýnaldyq jáne kóliktik ınfraqurylym salynyp salynyp, rekonstrýktsııadan ótken. Jobalar aıaqtalǵan soń, sabaqtas salalarda shamamen 100 myń jumys orny qurylady», - dedi Asqar Mamın Úkimet otyrysynda.

Premer-mınıstrdiń aıtýynsha jalpy jumyspen qamtýdy qoldaý sharalaryn iske asyrý qarqyny Atyraý, Shyǵys Qazaqstan, Jambyl, Qyzylorda oblystarynda, Nur-Sultan jáne Shymkent qalalarynda jaqsy.

«Memleket basshysynyń tapsyrmasyn iske asyrý maqsatynda halyqty jumyspen qamtý deńgeıin arttyrý úshin mynadaı tapsyrmalar beremin. Birinshiden, ákimdikter Jol kartasynyń josparly kórsetkishterine qol jetkizý boıynsha jumysty jandandyrsyn. Ekinshiden, Eńbek mınıstrligi múddeli memlekettik organdarmen jáne ákimdiktermen birlesip, osy jyldyń sońyna deıin 2021 jylǵa arnalǵan Jumyspen qamtý jol kartasyn jańartsyn, onda turaqty jumys oryndaryn qurýǵa basa mán berý kerek. Jobalardyń kóbi aıaqtalǵandyqtan, bosatylatyn adamdardy jumyspen qamtýǵa járdemdesý sharalarymen qamtý kerek. Úshinshiden, Ulttyq ekonomıka mınıstrligi múddeli memlekettik organdarmen jáne ákimdiktermen birlesip, osy jyldyń sońyna deıin barlyq memlekettik baǵdarlamalardyń jumys oryndaryn qurý boıynsha ındıkatorlaryn jańartsyn. Buǵan qosa qurylatyn jumys oryndaryna monıtorıng jasaıtyn tıisti statıstıkalyq esepke alý júıesin engizý kerek. Osylaısha jumys oryndaryn qurýdyń óńirlik kartalaryn ázirlep, bekitý qajet», - dep túıdi Premer-mınıstr.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT