+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Asqar Mamın jumys saparymen Soltústik Qazaqstanda júr

2019 jylǵy 16 qarasha 17:57
Bólisińiz:
Asqar Mamın jumys saparymen Soltústik Qazaqstanda júr

PETROPAVL. QazAqparat - QR Premer-Mınıstri Asqar Mamın jumys saparymen Soltústik Qazaqstan oblysyna bardy, dep habarlaıdy primeminister.kz.

Uqsas jańalyqtar
Eńbek naryǵyndaǵy jyldam ózgeristerge saı kásiptik standarttar kerek - Mamın Asqar Mamın «Kazakh Invest» dırektorlar keńesiniń otyrysyn ótkizdi 20 jyldyq: «Barys» klýbqa eńbek sińirgen oıynshylarǵa qurmet kórsetti

QR Premer-Mınıstri Asqar Mamın QR Tuńǵysh Prezıdenti – Elbasy Nursultan Nazarbaev bastamashy bolǵan ındýstrııalyq-ınnovatsııalyq damý memlekettik baǵdarlamasynyń, «Qarapaıym zattar ekonomıkasynyń», sondaı-aq, Memleket basshysy Qasym-Jomart Toqaevtyń Soltústik Qazaqstan oblysyn áleýmettik-ekonomıkalyq damytý boıynsha bergen tapsyrmalarynyń iske asyrylýyn qamtamasyz etý aıasynda óńirge jumys saparymen bardy.

Petropavl qalasynda QR Úkimetiniń basshysy jobalyq qýattylyǵy jylyna 6 myń tonna suıyq jáne qatty sabyndy quraıtyn, turmystyq hımııa taýarlary men jýý quraldaryn shyǵaratyn «Rım – QazAgro» JShS fabrıkasynyń ashylý rásimine qatysty. «Qarapaıym zattar ekonomıkasy» baǵdarlamasynyń aıasynda kásiporyn Qazaqstandaǵy mal jáne ósimdik maılaryn ekologııalyq taza ónimge — osyǵan deıin ımporttalyp kelgen sabyn túıirshikterine óńdeıtin alǵashqy óndiris bolmaq.

A. Mamın Qazaqstannyń mashına jasaý salasynyń kóshbasshylary — «S.M. Kırov atyndaǵy zaýyt» AQ men «Petropavl aýyr mashına jasaý zaýytynyń» (PAMZ) tehnologııalyq jańǵyrtylý barysymen tanysty.


S.M. Kırov atyndaǵy zaýyt 2,2 mlrd teńgege zamanaýı stanoktar aldy. Jańa tsehta kópqabatty platalar – barlyq turmystyq tehnıka bólshekteri óndiriledi. Qazaqstanda bul jabdyqtyń balamasy joq. Bıyl zaýyt qazaqstandyq brendpen zamanaýı kompıýterlik tehnıka óndirisin ıgeredi, bul otandyq aqparattyq júıelerdiń qaýipsizdigin qamtamasyz etýdiń jáne elektrondy ónerkásipti damytýdyń mańyzdy faktory bolmaq.

PAMZ 39 zamanaýı ónimdiligi joǵary stanoktar satyp aldy, barlyq tehnologııalyq protsess kompıýterlendirilgen. Tez buzylatyn ónimderdi tasymaldaýǵa arnalǵan termos vagondardy shyǵarýdyń jańa jelisi ashyldy. Osy jyldyń qorytyndysy boıynsha zaýyt ónimderiniń kóleminiń 9,4 mlrd teńgege deıin ósimi kútilýde, bul ótken jyldyń kórsetkishinen 2,5 esege artyq (3,4 mlrd teńge).


Úkimet basshysy Petropavl qalasyndaǵy «Shyǵys» yqshamaýdanynda 530 tósek-orynǵa shaqtalǵan kópbeıindi oblystyq aýrýhana qurylysy júrgizilip jatqan jerde kapsýla salý rásimine qatysty. Jobany 2022 jyldyń ortasyna qaraı memlekettik-jekeshelik áriptestik aıasynda «YDA Holding» túrik ınvestory júzege asyrady. Nysan quny – 50 mlrd teńge, 350-ge jýyq jańa jumys orny qurylady. 200 jergilikti dáriger shetelde biliktilikti arttyrý kýrsynan ótedi.


Taıynsha qalasynyń attas aýdanynda A. Mamınniń qatysýymen «Bio operations» zaýytynyń ekinshi jelisi — krahmal men jelimtegin óndiretin tseh iske qosyldy. Óndirý jáne óńdeý kólemin 2 esege arttyryp, jylyna 300 myń tonnaǵa deıin jetkizý josparlanǵan. Kásiporyn tartqan ınvestıtsııalardyń jalpy somasy 11 mlrd teńgeden asady. Bıyl jeltoqsan aıynda bıoetanol shyǵarý tsehyn iske qosý kózdelgen. Tolyq qýattylyǵyna shyqqan soń kásiporyn jumyskerleriniń sany eki esege, 500 adamǵa deıin ulǵaıady.


Qyzyljar aýdany Novonıkolskoe aýylynda Premer-Mınıstr Esil ózeni arqyly ótetin jańa avtomobıl kópiriniń ashylý rásimine qatysty, joba memlekettik-jekeshelik áriptestik aıasynda salynǵan. Buryn sý tasqyny kezinde eski kópir sý astynda qalatyndyqtan, aýyl turǵyndarynyń syrtpen baılanysy úziletin. Jańa kópir 10 eldi mekenniń arasyn jalǵaıdy.

Jyl basynan beri Soltústik Qazaqstan oblysynda ónerkásiptik ónim óndirisiniń kólemi 193,8 mlrd teńgeni qurady, bul ótken jylǵy kezeńnen 1,1%-ǵa artyq, aýyl sharýashylyǵyndaǵy jalpy ónim kólemi – 585 mlrd teńge (+2,6%).

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT