+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Asqar Mamın jumys saparymen Pavlodar oblysyna bardy

2019 jylǵy 15 qarasha 21:27
Bólisińiz:
Asqar Mamın jumys saparymen Pavlodar oblysyna bardy

NUR-SULTAN. QazAqparat – QR Premer-Mınıstri Asqar Mamın jumys saparymen Pavlodar oblysyna bardy, dep habarlaıdy primeminister.kz

QR Premer-Mınıstri Asqar Mamın Elbasy Nursultan Nazarbaev bastamashy bolǵan ındýstrııalyq-ınnovatsııalyq damý memlekettik baǵdarlamasynyń, sondaı-aq, Memleket basshysy Qasym-Jomart Toqaevtyń Pavlodar oblysynyń ónerkásiptik áleýetin damytý jónindegi tapsyrmasynyń iske asyrylýyn baqylaý aıasynda óńirge jumys saparymen bardy.

Pavlodar qalasynda Úkimet basshysy elimizdegi birden bir metıl-tret-býtıl efır jáne polıpropılen óndirisi – «Kompanııa Neftehım LTD» JShS-na, sondaı-aq, «Qazaqtelekom» AQ-nyń derekterdi óńdeýge jáne saqtaýǵa arnalǵan serverlermen jabdyqtalǵan ozyq Derekterdi óńdeý ortalyǵyna (DÓO) bardy. Munda «Samuryq-Qazyna» UÁQ» AQ, «Qazatomónerkásip» UAK», «QazMunaıGaz» UK», «Qazposhta», «Sátti Juldyz» jáne «Google», «Wargaming», «Genesis Mining» halyqaralyq korporatsııalary elektrondy derekterin ornalastyryp, júıelep, rezervke qoıady.


Premer-Mınıstr Pavlodar qalasyndaǵy densaýlyq saqtaý jáne sport nysandarynyń salyný barysymen tanysty, onyń ishinde bıyl 1 jeltoqsanda paıdalanýǵa berý kózdelgen 200 tósek-oryndyq oblystyq onkologııalyq dıspanser men táýligine 100 kelýge arnalǵan emhana, sondaı-aq, muz arenasyn, fýtbol jáne jabyq jeńil atletıka manejderin, olımpıadalyq rezervke daıyndaý ortalyǵyn qamtıtyn «Sport-Sıtı» sport qalashyǵy bar.


«Investorlar úıinde» A. Mamınge Pavlodar oblysyna ınvestıtsııalar tartý jumystary tanystyryldy. Munda kez kelgen bıznesmen «bir tereze» qaǵıdaty boıynsha qyzmetter men konsýltatsııalar ala alady — «Kazakh Invest», «Pavlodar» AEA» basqarýshy kompanııasynyń, «Atameken» óńirlik kásipkerler palatasynyń, «QazAgroQarjy» AQ, «Agrarlyq nesıe korporatsııasy», «Aýyl sharýashylyǵyn qarjylaı qoldaý qory» jáne «Damý» kásipkerlikti damytý qorynyń» keńseleri bir alańda jumys isteıdi.


Úkimet basshysyna Ekibastuz qalasynyń ındýstrııalyq aımaǵynda qýattylyǵy jylyna 35 myń tonnany quraıtyn tehnıkalyq kremnıı óndirý zaýytynyń salyný barysy týraly baıandaldy, sondaı-aq, sýarý úshin asa aýqymdy jabdyqtar shyǵaratyn zaýyt qurylysynyń jobasy tanystyryldy.

Aqsý qalasynda Premer-Mınıstr Kásipkerlikti qoldaý kartasy aıasynda óńirdegi bıylǵy asa iri joba — «Eýrazııalyq energetıka korporatsııasy» AQ Aqsý elektr stantsııasynyń rekonstrýktsııalanǵan №5 energoblogymen tanysty, ony bıyl jeltoqsan aıynda paıdalanýǵa berý josparlanǵan.

A. Mamın Pavlodar oblysyndaǵy asa iri jáne júıe quraýshy kásiporyndardyń biri — «Qazhrom» TUK» AQ fılıaly Aqsý ferroqorytpa zaýytyn aralap, onda balqytý peshteriniń renovatsııasy barysymen tanysty, bul 2024 jylǵa qaraı ferrohrom óndirisiniń kólemin 2018 jylǵy kórsetkishtermen salystyrǵanda 87%-ǵa arttyrýǵa múmkindik beredi. Bul oraıda elektr energııasyn tutyný 20%-ǵa tómendeıdi.

Úkimet basshysy Aqsý qalasyndaǵy tirshilikti qamtamasyz etý jáne áleýmettik ınfraqurylym nysandaryn — salynyp jatqan qalalyq jylý qazandyǵy men balalar eko-tehno ortalyǵyn tekserdi.

Jyl basynan beri Pavlodar oblysynda ónerkásiptik ónim óndirisiniń kólemi 1,6 trln teńgeni qurady, bul ótken jylǵy kezeńnen 19 mlrd teńgege nemese 1,8%-ǵa artyq. Respýblıkalyq óńdeý kóleminiń 12%-ǵa jýyǵyn qamtamasyz etip otyrǵan óńdeý sektorynyń kásiporyndary da turaqty ósim kórsetti. Munaı óńdeý ónimderiniń óndirisi 3,1%-ǵa, metallýrgııa óndirisi 2,1%-ǵa, hımııa óndirisi 8,9%-ǵa, mashına jasaý óndirisi 5,3%-ǵa ósýde.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT