+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Asqar Mamın jumys saparymen Batys Qazaqstan oblysyna bardy

2021 jylǵy 20 qyrkúıek 15:10
Bólisińiz:
Asqar Mamın jumys saparymen Batys Qazaqstan oblysyna bardy

NUR-SULTAN. QazAqparat - QR Premer-Mınıstri Asqar Mamın Batys Qazaqstan oblysyna jumys sapary aıasynda óńirdiń odan ári áleýmettik-ekonomıkalyq damýy máseleleri jóninde keńes ótkizdi, sondaı-aq kólik, turǵyn úı, ınjenerlik-kommýnıkatsııalyq ınfraqurylym, AÓK jobalarynyń iske asyrylýyn tekserdi, dep habarlaıdy QR Úkimetiniń baspasóz qyzmeti.

Uqsas jańalyqtar
Memleket basshysy Premer-Mınıstr Asqar Mamındi qabyldady Asqar Mamın baǵany turaqtandyrý boıynsha ákimdikterge tapsyrma berdi

BQO-nyń áleýmettik-ekonomıkalyq damýynyń 2021-2025 jyldarǵa arnalǵan keshendi josparyn ázirleý, áleýmettik-ekonomıkalyq jaǵdaı, ınfraqurylymdyq qurylys, elektrmen jáne gazben jabdyqtaý máseleleri, sondaı-aq ınvestıtsııalyq jobalar týraly Premer-Mınıstrdiń orynbasary Roman Sklıar, oblys ákimi Ǵalı Esqalıev, ındýstrııa jáne ınfraqurylymdyq damý mınıstri Beıbit Atamqulov, energetıka mınıstri Maǵzum Myrzaǵalıev, ulttyq ekonomıka vıtse-mınıstri Álisher Ábdiqadyrov, qarjy vıtse-mınıstri Marat Sultanǵazıev baıandady.

Batys Qazaqstan oblysynyń keshendi áleýmettik-ekonomıkalyq damýy aıasynda bes jyl ishinde óńdeý ónerkásibin, AÓK, áleýmettik salany, turǵyn úı, kólik, ınjenerlik-kommýnıkatsııalyq ınfraqurylymdy damytý, azamattyq qorǵaý men qorshaǵan ortany qorǵaýdy qamtamasyz etý boıynsha 141 is-sharany iske asyrý josparlanyp otyr. 2,4 trln teńge ınvestıtsııa tartý kózdelgen, onyń 80%-y – jeke menshik kapıtal.

Keshendi jospardy oryndaý 2025 jylǵa qaraı óńdeý ónerkásibiniń kólemin jylyna 205-ten 300 mlrd teńgege deıin, ShOB úlesin 32,7%-dan 37,8%-ǵa deıin arttyrýǵa múmkindik beredi.

«Memleket basshysy Qasym-Jomart Toqaev Batys Qazaqstan oblysynyń damýyna úlken kóńil bóledi. Óńir ónerkásiptik damýdyń joǵary áleýetine ıe. Ázirlenip jatqan áleýmettik-ekonomıkalyq damýdyń keshendi josparynyń is-sharalaryn júzege asyrý ınvestıtsııa tartýǵa, jańa jumys oryndaryn qurýǵa jáne halyqtyń ál-aýqatyn arttyrýǵa eleýli serpin beredi», — dedi A. Mamın.

Premer-Mınıstr eki apta ishinde Keshendi jospardyń jobasyn Respýblıkalyq bıýdjet komıssııasynyń qaraýyna engizýdi tapsyrdy, sodan keıin másele Úkimet otyrysynda talqylanatyn bolady.

A. Mamın sondaı-aq Batys Qazaqstan oblysynda munaı-gaz jáne hımııa ónerkásibin damytý máseleleri boıynsha otandyq jáne sheteldik ınvestorlardyń – KPO b.v., Shell, Agip Karachaganak b.v, SRPM Resources Ltd., Nostrum Oil&Gas, ABS-Munai jáne t. b. qatysýymen jeke keńes ótkizdi. Ekonomıkanyń atalǵan salalarynda jańa ınvestıtsııalyq jobalardy – munaı jáne gaz óndirý kólemin ulǵaıtý, sondaı-aq olardy qaıta óńdeý, MÓZ, kalıı tyńaıtqyshtaryn óndirý kombınatyn salý jáne t. b. iske asyrýdyń jaı-kúıi men perspektıvasy qaraldy. Qarashyǵanaq ken ornyndaǵy ınvestıtsııalyq jobalardy ýaqytyly iske asyrýǵa, sonymen qatar ishki naryqty gazben qamtamasyz etýge erekshe nazar aýdaryldy.

Jumys sapary aıasynda A. Mamın Oral qalasyndaǵy halyqaralyq áýejaıdy rekonstrýktsııalaý barysymen tanysty. Jobany iske asyrý jolaýshylar aınalymyn jylyna 200 myńnan 400 myń jolaýshyǵa deıin 2 esege arttyrýǵa múmkindik beredi. Ony 2021 jylǵy jeltoqsanda paıdalanýǵa berý kózdelgen. Úkimet basshysyna Batys Qazaqstan oblysyndaǵy avtojoldardy rekonstrýktsııalaý jáne jańǵyrtý jobalarynyń iske asyrylýy, óńirdiń ınjenerlik-kommýnıkatsııalyq jáne energetıka ınfraqurylymyn damytý týraly baıandaldy.

Premer-Mınıstr «Batys Sý Arnasy» kásiporyndary men «Jaıyq Et» JShS-da, sondaı-aq Terekti aýdanynyń Tuqpaı aýylynda bolyp, «Nurly jer» baǵdarlamasy sheńberinde turǵyn úı ınfraqurylymy qurylysynyń barysymen, óńirdiń AÓK damýymen tanysty.

Bıylǵy jyldyń 8 aıynda Batys Qazaqstan oblysynda qurylys jumystarynyń kólemi ótken jyldyń sáıkes kezeńimen salystyrǵanda 2,9%-ǵa artyp, 88,5 mlrd teńgeni qurady. 302 myń sharshy metr (+2,7%) turǵyn úı paıdalanýǵa berildi. Aýyl sharýashylyǵynyń jalpy óniminiń kólemi 0,7%-ǵa ósip, 120,9 mlrd teńgeni qurady.


Sonymen qatar negizgi kapıtalǵa salynǵan ınvestıtsııalar kólemi 29,2%-ǵa 214,2 mlrd teńgege deıin, ónerkásiptik óndiris kólemi 6,8%-ǵa tómendep, 1,77 trln teńgeni qurady. Taý-ken ónerkásibi óndirisiniń kólemi 6,9%-ǵa, óńdeý ónerkásibiniń óndiris kólemi 12,8%-ǵa azaıdy. Sondaı-aq hımııa ónerkásibi ónimderin óndirý 1,5 esege, daıyn metall buıymdaryn óndirý 11,8%-ǵa ósti.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT