Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 383.01 EUR 430.12
RUB 6.10 CNY 55.70
Jańalyqtar

Asqar Mamın jumys saparymen Aqmola oblysyna bardy

2019 jylǵy 15 maýsym 17:40 777
Bólisińiz:
Asqar Mamın jumys saparymen Aqmola oblysyna bardy

 NUR-SULTAN. QazAqparat - QR Premer-Mınıstri Asqar Mamın jumys saparymen Aqmola oblysynda bolyp qaıtty, onda QR Tuńǵysh Prezıdenti - Elbasy Nursultan Nazarbaevtyń alǵa qoıǵan, strategııalyq maqsattarǵa qol jetkizý boıynsha qabyldanyp jatqan sharalarmen jáne Memleket basshysy Qasym-Jomart Toqaevtyń óńirdi áleýmettik-ekonomıkalyq damytý jónindegi tapsyrmalarynyń oryndalýymen tanysty. Bul jóninde Premer-Mınıstrdiń baspasóz qyzmetine silteme jasap QazAqparat habarlaıdy. 

QR Úkimetiniń basshysy «Qazaqstandyq Agro Innovatsııalyq Korporatsııa» JShS aýyl sharýashylyǵy mashınasyn jasaý kásipornyna bardy. Búginde zaýyt jylyna 1500 tehnıka shyǵarady. Keleshekte qýattylyqty jylyna 5000 tehnıkaǵa deıin ulǵaıtyp, 400-den astam jumys oryndaryn ashý kózdelgen. 

Indýstrııalyq damýmen tanysý «KAMAZ-Injınırıng» qazaqstandyq-reseılik birikken mashına jasaý kásipornynyń jumysyn tekserý kezinde jalǵasty. A. Mamınge taıaý ýaqytta jylyna 2500 birlikke deıin shyǵarý jospary bar ekeni baıandaldy.

Sonymen qatar, óńirde QR Premer-Mınıstri «qarapaıym zattar ekonomıkasy» salalarynyń kásipornyn qarady. «Dva Kıta» JShS jyl basynan beri 12,7 myń korpýstyq jıhaz shyǵarǵan. Ónim túrin keńeıtip, óndiris kólemin ulǵaıtý josparda bar. Bul maqsattarǵa 1 mlrd teńge jeke ınvestıtsııalar tartylady. Jalpy oblysta halyq tutynatyn taýarlardy damytý boıynsha 87,6 mlrd teńgege 71 joba boıynsha jumys júrgizilip jatyr.

Asqar Mamın jumys saparymen Aqmola oblysyna bardy 

Aqmola oblysynyń ekonomıkadaǵy týrızm úlesin ulǵaıtýǵa áleýeti joǵary. Óńirlik týrıstik klasterge 700-den astam nysan kiredi. Premer-Mınıstrge qalanyń kólik jáne energetıka ınfraqurylymyn damytý boıynsha atqarylyp jatqan jumystar týraly baıandaldy. Buǵan qosa, Kókshetaý qalasynyń tóńiregindegi Qopa kóliniń jaǵalaýyn abattandyrý jobasy tanystyryldy.

QR Premer-Mınıstri A. Mamın áleýmettik-ekonomıkalyq damytý máseleleri jóninde, sondaı-aq, 2020 jyly Qazaqstan men Reseıdiń XVII aımaqaralyq yntymaqtastyq forýmyn ótkizýge daıyndyq, ýchınsk-Býrabaı kýrorttyq aımaǵyn damytý josparyn, «Aýyl - El besigi» arnaıy jobasyn iske asyrý jáne elorda tóńiregin damytý máseleleri jóninde jumys keńesin ótkizdi.

Aqmola oblysynyń ákimi E. Marjyqpaev óńirdiń áleýmettik-ekonomıkalyq damýy týraly baıandady. Bıylǵy 5 aıdyń qorytyndysy boıynsha barlyq makroekonomıkalyq kórsetkishter boıynsha oń qarqyn belgilengen. Bıylǵy qańtar-mamyr aralyǵyndaǵy ónerkásiptik óndiris ólemi 284,1 mlrd tg qurady. Bıyl IIDMB aıasynda 434 jańa jumys oryndaryn qurýmen 9,3 mlrd teńge somasyna 5 jobany iske asyrý kózdelgen. 1 maýsymdaǵy jaǵdaı boıynsha ekonomıkanyń negizgi kapıtalyna 83,2 mlrd teńge ınvestıtsııa tartylǵan, ósim - 4,4%. Aýyl sharýashylyǵynda óndiris 13%-ǵa ósip, 63,6 mlrd teńgeni qurady.
2019 jyly áleýmettik salaǵa 129,2 mlrd teńge qarastyrylǵan. 3 balabaqsha, 6 mektep, 5 densaýlyq saqtaý nysany salynyp jatyr. Bıylǵy 5 aıdyń qorytyndysy boıynsha turǵyn úı 116 kóp balaly jáne az qamtylǵan otbasyǵa berildi, ataýly áleýmettik kómek aıasynda 610 mln teńge berildi.

Keńes barysynda Aımaqaralyq forýmǵa daıyndyq jáne ony ótkizý jónindegi is-sharalar josparynyń jobasy qaraldy. Kókshetaýda damyǵan ınfraqurylym jáne yńǵaıly kóliktik logıstıka bar. Jalpy alǵanda, Forýmdy ótkizý týrızm salasynda jańa sapaly ózara qarym-qatynastardy damytýǵa qosymsha serpin beredi, sondaı-aq, Reseı men Qazaqstan arasyndaǵy saýda-ekonomıkalyq qatynastardyń keń aýqymy boıynsha ózara tıimdi yntymaqtastyqty odan ári tereńdetýge jol ashady.

Sondaı-aq, keńeste birqatar mınıstrliktiń basshylary týrızmdi damytý, kýrorttyq aımaqty ınjenerlik-kólik jáne aqparattyq-kommýnıkatsııalyq ınfraqurylymmen qamtamasyz etý, perspektıvalyq aýyldardy jáne elorda tóńiregin damytý máseleleri jóninde sóıledi.

«Týrıstik salany damytý memlekettik baǵdarlamasynyń negizin Qazaqstannyń Top-10 nysany quraıdy, solardyń biri - ýchınsk-Býrabaı kýrorttyq aımaǵy», - dep Asqar Mamın, týrızm salasy úlken úmit kúttiretinin aıtty. - Týrızm kólik pen telekommýnıkatsııanyń damýyna, qurylysqa, saýda-sattyqqa, aýyl sharýashylyǵyna mýltıplıkatıvti áser ete otyryp, elimizdiń áleýmettik-ekonomıkalyq damýyna, ınvestıtsııalardyń tartylýyna jáne jumys oryndarynyń ashylýyna jaǵdaı jasaıdy».

Asqar Mamın jumys saparymen Aqmola oblysyna bardy 

QR Úkimetiniń basshysy ýchınsk-Býrabaı kýrorttyq aımaǵynyń ınfraqurylymyn jańǵyrtý jáne ekologııalyq jaǵdaıdy jaqsartý, sapaly ári qoljetimdi servıstik qyzmetterdi damytý jumystaryn kúsheıtýdi tapsyrdy. Munda týrızm salasynda 7 myńǵa jýyq jańa jumys orny qurylady. Jalpy, 2025 jylǵa qaraı elimizdiń JІÓ týrızm úlesin 8% deıin ulǵaıtý kózdelgen.

«Aýyl - El besigi» arnaıy jobasy aıasynda Aqmola oblysynda 2019 jyly 19 joba qarastyrylǵan, olardyń 8-i boıynsha kelisimshartqa qol qoıylǵan. Elorda tóńiregin damytý úshin bıyl 10 joba iske asyrylady, sonyń ishinde 3-ýi - sýmen jabdyqtaý jáne sý tartý jelilerin salý boıynsha, 2 - avtojol jobalary jáne t.b.

QR Premer-Mınıstri A. Mamın «Aýyl - El besigi» jobasyn iske asyrýdy erekshe baqylaýǵa alýdy jáne respýblıkalyq mańyzdaǵy qalalardyń tóńiregindegi máselelerdi sheshý men abattandyrýǵa den qoıý kerektigin tapsyrdy.

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT