+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Asqar Mamın Joshy handy ulyqtaý úshin naqty ne isteletinin aıtty

2019 jylǵy 15 qazan 13:18
Bólisińiz:
Asqar Mamın Joshy handy ulyqtaý úshin naqty ne isteletinin aıtty

NUR-SULTAN. QazAqparat – Úkimet basshysy Asqar Mamın Joshy handy ulyqtaý isindegi jumystyń birneshe baǵytyn atady. Bul jumystar týraly Premer-mınıstr májilismen Baqytbek Smaǵulǵa bergen jaýabynda tolyǵyraq baıan etti, dep habarlaıdy QazAqparat tilshisi.

Uqsas jańalyqtar

«Birinshiden, jaqyn arada ótetin Nur-Sultan qalalyq onomastıkalyq komıssııasynyń otyrysynda elorda kósheleriniń birine Joshy hannyń atyn berý jáne eskertkish ornatý máselesi qaralady. Ekinshiden, Qaraǵandy oblysynyń ákimdigi 2020 jyly Qaraǵandyda Joshy hanǵa eskertkish ornatýdy usynyp otyr. Sonymen qatar, atalmysh ákimdik kelesi jyly Ulytaý aýdanynda Joshy hanǵa eskertkish ornatpaq. Odan bólek, Qazaqstannyń óńirlik deńgeıdegi týrıstik kartasy (TOP-50) obektileriniń tizimin jasaý kózdelgen. Atalǵan tizimde «Ulytaý» tarıhı-mádenı kesheni belgilengen, onda jylyna shamamen 10 myń adamdy qabyldaı alatyn kórneki oryndar, týrıstik baǵyttar men mýzeı boıynsha ekskýrsııalar týraly aqparatty qamtıtyn týrıstik qyzmetter usynylady», - delingen Úkimet basshysynyń jaýabynda.

Asqar Mamınniń habarlaýynsha, Mádenıet jáne sport mınıstrligi Joshy han men Alasha han kesenesiniń aýmaǵyn abattandyrý máselesin pysyqtap jatyr. Jospar boıynsha, Joshy han kesenesine jaqyn ornalasqan Joshy ordasy qalashyǵy zerttelip, Ulytaý óńiriniń arheologııalyq kartasy daıyndalmaq. Sondaı-aq, QHR, Iran jáne Túrkııa arhıvterinen alynǵan derekter negizinde Saraıshyq qalashyǵyna baılanysty qujattar jınaǵy shyǵarylady. Mınıstrlik odan bólek, Halyqaralyq Túrki akademııasymen birlesip 2020-2022 jyldary qosymsha birqatar arheologııalyq, etnografııalyq, antropologııalyq, ǵylymı-zertteý jáne basqa da jumystar júrgizýdi josparlap otyr.

«Tórtinshiden, Ulytaý óńiriniń týrıstik áleýetin damytý úshin aldaǵy jyly «Altyn Orda» ekspedıtsııasyn ótkizý, Ulytaý óńirinde respýblıkalyq mańyzy bar Alasha han, Joshy han, tarıhı jáne mádenı eskertkishteriniń aýmaǵynda vızıt-ortalyǵy men etnoaýyl qurý josparlanýda. Týrıstik baǵdarlar men soqpaqtar ázirlenip, kempıngtik turaqtar, týrısterge baratyn jerlerde sanıtarlyq-gıgıenalyq toraptar ornatylady. Baspasóz týrlary aıasynda Joshy hannyń kesenesin shetel jýrnalısteri baratyn obektiler qataryna engizý kózdelgen. Barlyq is-sharalardyń qorytyndysy boıynsha sheteldik BAQ-ta, «The Astana Times» gazetinde aǵylshyn tilinde, Qazaqstannyń shet elderdegi mekemeleriniń ınternet-resýrstarynda jáne memlekettik organdardyń resmı portaldarynda jarııalanymdar shyǵady», - deıdi Úkimet basshysy.

Asqar Mamın sondaı-aq, Qaraǵandy oblysynyń ákimdigi Qyzylorda, Jezqazǵan, Qaraǵandy, Nur-Sultan, Arqalyq qalalary men Ulytaý aýdany arasyndaǵy joldarǵa jóndeý jumystaryn júrgizetinin tilge tıek etti. Onyń habarlaýynsha, Almaty-Jezqazǵan, Shymkent-Jezqazǵan baǵyttary boıynsha avıareısterdi iske qosý máselesi pysyqtalýda.

«Besinshiden, bıyl óńirlik deńgeıde Taraz, Atyraý jáne Qaraǵandy qalalarynda ǵylymı konferentsııalar ótkizý josparlanyp otyr. Sharalar 2020 jyly Aqmola oblysynyń Býrabaı aýylynda jáne Óskemen, Pavlodar qalalarynda jalǵasady. Qazirgi ýaqytta Mádenıet jáne sport mınıstrligi Ulytaý óńiriniń tarıhı jáne mádenı kesenelerin ıÝNESKO dúnıejúzilik murasynyń tizimine engizý máselesin pysyqtaýda», - dep habarlaıdy Asqar Mamın.

Eske sala ketsek, osyǵan deıin Májilis depýtaty Baqytbek Smaǵul elordadaǵy kórnekti kóshelerdiń birine Joshy han esimin berýdi usynǵan bolatyn. Onyń sózine qaraǵanda, Altyn ordanyń 750 jyldyǵy aıasynda Joshy han, Alasha han kesenelerine keshendi túrde arheologııalyq, etnografııalyq zertteý jumystary júrgizilgeni jón. Kesenedegi tańbalar men jazýlardy tarıhı, tildik turǵyda zerttep, restavratsııa jáne konservatsııa jumystaryn júrgizý qajet.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT