+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Asqar Mamın jem-shóp daıyndaý jumystaryn jandandyrýdy tapsyrdy

2021 jylǵy 19 shilde 16:39
Bólisińiz:
Asqar Mamın jem-shóp daıyndaý jumystaryn jandandyrýdy tapsyrdy

NUR-SULTAN. QazAqparat - QR Premer-Mınıstri Asqar Mamın jem-shóp daıyndaý máseleleri jóninde keńes ótkizd, dep habarlaıdy QazAqparat Úkimet basshysynyń baspasóz qyzmetine silteme jasap.

Uqsas jańalyqtar
Asqar Mamın: Arhıv mańyzdy qujattardy saqtaýshy ulttyq resýrstar qoımasyna aınaldy Qazaqstanda aýyl sharýashylyǵy salasynda qandaı ózgerister bolady Mańǵystaýlyq 100 otbasy Qostanaı oblysynda aýyl sharýashylyǵymen aınalysady

Jem-shóp daıyndaý boıynsha qazirgi jaǵdaı men qabyldanyp jatqan sharalar týraly aýyl sharýashylyǵy mınıstriniń mindetin atqarýshy Erbol Qarashókeev, óńirlerdegi ahýal týraly Atyraý oblysynyń ákimi Mahambet Dosmuhambetov, Qyzylorda oblysynyń ákimi Gúlshara Ábdiqalyqova, Mańǵystaý oblysynyń ákimi Serikbaı Trumov, Shyǵys Qazaqstan oblysynyń ákimi Danıal Ahmetov, Soltústik Qazaqstan oblysynyń ákimi Qumar Aqsaqalov, Túrkistan oblysynyń ákimi Ómirzaq Shókeev, Batys Qazaqstan oblysynyń ákimi Ǵalı Isqalıev, sharýalardy janar-jaǵarmaı materıaldarymen qamtamasyz etý týraly energetıka vıtse-mınıstri Áset Maǵaýov, sýmen qamtamasyz etý jáne erekshe qorǵalatyn aýmaqtarda shabyndyqtar bólý týraly ekologııa, geologııa jáne tabıǵı resýrstar vıtse-mınıstri Serikqalı Brekeshev baıandady.

Jem-shóp daıyndaý máselelerin jedel sheshý jáne oǵan turaqty monıtorıng júrgizý maqsatynda Aýyl sharýashylyǵy mınıstrliginiń janynan Respýblıkalyq jedel shtab jumys isteıdi. Óńirlerde jem-shóp daıyndaý josparlary aıqyndaldy. Bıylǵy 18 shildedegi jaǵdaı boıynsha 10,6 mln tonna shóp nemese josparlanǵan kólemniń 44%-y daıyndaldy. Qosymsha 1,6 mln tonna pishendeme, 2,1 mln tonna súrlem, 4,8 mln tonna saban jáne 6 mln tonna qunarly jem daıyndalady. Shóp shabýdy uıymdastyrý úshin 255,8 myń ga alańdy quraıtyn orman alqaby aýmaqtary usynyldy. 6,5 myń shabyndyq brıgadasy uıymdastyryldy, ákimdikter 41,4 myń tonna janar-jaǵarmaı materıaldaryn jeńildikti baǵamen qaıta bóldi. «Azyq-túlik kelisimshart korporatsııasy» UK» AQ 170 myń tonna kóleminde 4-5 sanatty arpa men bıdaı satyp alýdy qarjylandyrdy, qosymsha 30 myń tonna kompanııanyń ishki rezervteri esebinen qaıta bólinetin bolady.

«Memleket basshysy Qasym-Jomart Kemeluly Toqaev qazirgi qurǵaqshylyq kezeńinde fermerlerdi jem-shóppen qamtamasyz etý jóninde jedel sheshimder qabyldaý jáne júıeli jumys júrgizý boıynsha mindet qoıdy», — dedi A. Mamın. Premer-Mınıstr jem-shóp daıyndaý jumystaryn jandandyrý, shabyndyqtar berý máselelerinde óńiraralyq ózara is-qımyldy nyǵaıtý, qurǵaqshylyqtan zardap shekken óńirlerdiń qajettilig úshin jem-shóp qoryn qalyptastyrý qajettigin atap ótti.
A. Mamın halyqqa jem-shópti qoljetimdi baǵamen satý máselesin erekshe baqylaýǵa alýdy tapsyrdy. Osy maqsatta aýyl sharýashylyǵy óndirýshilerimen, un tartý kásiporyndarymen jáne qurama jem zaýyttarymen memorandýmdar jasasý qajettiligi atap ótildi. Jambyl oblysynyń halyqqa qoljetimdi baǵamen shóp pen jemdi satý úshin arnaıy jármeńkeler uıymdastyrý tájirıbesi oń baǵalandy. Soltústik óńirlerdiń ákimdikterine sabandy barynsha kóp jınaýdy qamtamasyz etý tapsyryldy.
Premer-Mınıstr 200 myń tonna kóleminde mal azyǵy daqyldaryn forvardtyq satyp alýǵa «Azyq-túlik korporatsııasy» UK» AQ úshin Úkimet rezervinen qarajat bólý máselesin qaraýdy tapsyrdy. Ekologııa, geologııa jáne tabıǵı resýrstar mınıstrligine erekshe qorǵalatyn tabıǵı aýmaqtarda shóp shabý múmkindigin qamtamasyz etý, Energetıka mınıstrligine Aýyl sharýashylyǵy mınıstrligimen birlesip shóp shabý naýqanyna arzandatylǵan janar-jaǵarmaıdy qosymsha bólý tapsyryldy. «Qazaqstan Temir Joly» UK» AQ-ǵa Mańǵystaý jáne Qyzylorda oblystaryna jem-shóp tasymaldaýǵa tómendetilgen tarıfti qamtamasyz etý tapsyryldy.

Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT