+7 (701) 759 90 19
USD 414.94 EUR 504.03
RUB 5.59 CNY 64.22
Jańalyqtar

Asqar Mamın Túrkistan qalasynyń damý barysyn tekserdi

2021 jylǵy 21 qańtar 16:08
Bólisińiz:
Asqar Mamın Túrkistan qalasynyń damý barysyn tekserdi

TÚRKІSTAN. QazAqparat - QR Premer-Mınıstri Asqar Mamın jumys sapary aıasynda Túrkistan qalasynyń ınfraqurylym nysandarynyń qurylys barysyn tekserdi, dep habarlaıdy QazAqparat Úkimet basshysynyń resmı saıtyna silteme jasap.

Premer-Mınıstr ınvestıtsııalyq jobalardyń — «Kerýen-saraı» kópfýnktsıonaldy týrıstik kesheniniń, JCI halyqaralyq standarty boıynsha salynyp jatqan 570 tósek ornyna shaqtalǵan kópbeıindi aýrýhananyń (2022 jyldyń jazynda paıdalanýǵa berý josparlanyp otyr), Qazaq drama teatrynyń, oblystyq ǵylymı-ámbebap kitaphananyń, Tuńǵysh Prezıdent saıabaǵynyń, dendropark pen botanıkalyq baqtyń iske asyrylý barysymen tanysty.

Sondaı-aq A. Mamın paıdalanýǵa berilgen «Hampton» qonaq úıi men Halyqaralyq týrızm ýnıversıtetin aralap kórdi. Premer-Mınıstr óńirdiń áleýmettik-ekonomıkalyq damýy jáne bıyl kóktemde Túrkistan qalasynda ótkizý josparlanyp otyrǵan Túrkitildes memleketterdiń yntymaqtastyq keńesiniń sammıtine daıyndyq máseleleri jóninde keńes ótkizdi.


Úkimet basshysynyń qatysýymen Túrkistan oblysynyń ákimdigi, «Artel Electronics» ózbek kompanııasy jáne «Orbis Kazakhstan» JShS arasynda yntymaqtastyq týraly kelisimge qol qoıyldy. Qujat óńirde as úı plıtalary men elektr sý jylytqyshtaryn shyǵaratyn zaýyt salýdy kózdeıdi. Qýattylyǵy – jylyna 1 mln birlik tehnıka. Josparlanǵan ınvestıtsııa kólemi – 36 mlrd teńge. Kásiporyn 2100 jańa jumys ornyn qurýdy qamtamasyz etedi.


2020 jyly Túrkistan qalasynyń negizgi kapıtalyna salynǵan ınvestıtsııalar 2019 jylmen salystyrǵanda 3,8 ese ósip, 367,6 mlrd teńgeni qurady. Investıtsııalardyń negizgi úlesi týrızm, logıstıka jáne jyljymaıtyn múlik salalaryna baǵyttaldy. Túrkistan oblysynyń negizgi kapıtalyna salynǵan ınvestıtsııalar 2020 jyly 703,3 mlrd teńgege jetti (+60%).

Qurylys jumystarynyń kólemi 65,8%-ǵa 299,9 mlrd teńgege deıin ulǵaıdy. Oblys ınvestıtsııalardyń ósý qarqyny jáne jalpy óńirlik ónimniń ósýi boıynsha jetekshi pozıtsııaǵa ıe boldy.




Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT