+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Asqar Mamın «SQ-Farmatsııa» mekemesiniń jumysyn tekserdi

2020 jylǵy 5 tamyz 13:27
Bólisińiz:
Asqar Mamın «SQ-Farmatsııa» mekemesiniń jumysyn tekserdi

NUR-SULTAN. QazAqparat - QR Premer-Mınıstri Asqar Mamın Nur-Sultan qalasyndaǵy «SQ-Farmatsııa» logıstıkalyq habyna baryp, onda COVID-19-dan emdeýge arnalǵan dárilerdiń bar-joǵyn tekserdi. Budan bólek, Úkimet basshysy QR Densaýlyq saqtaý mekemeleriniń medıtsınalyq dári-dármektermen qamtamasyz etý boıynsha qabyldanyp jatqan sharalarmen tanysty, dep habarlaıdy QazAqparat tilshisi.

Uqsas jańalyqtar
Nyǵmatýlın: Májilismender EAEO aıasynda aýyl sharýashylyǵy salasyndaǵy kelisimdi qaraıdy Asqar Mamın koronavırýsqa qarsy dárilerdiń qoryna revızııa júrgizýdi tapsyrdy Premer-Mınıstr Úkimettiń naqty mindetterin atady

Úkimettiń resmı saıtynan habarlanǵanyndaı, Densaýlyq saqtaý mınıstri A.Tsoı men «SQ-Farmatsııa» basqarma tóraǵasy E. Esqalıev aýrýhanalar men provızorlyq ortalyqtardy dári-dármekpen qamtamasyz etý úshin 91 ataýly dárilik preparattar jetkiziletinin baıandaǵan. Ótken aıda medıtsınalyq preparattar úshin óńirler boıynsha 8,7 mlrd teńgege bólindi.

Aýrýhanalardyń qajettilikterin qamtamasyz etý úshin jedel túrde qosymsha dári-dármekter satyp alyndy, emdelýshiler ambýlatorııalyq deńgeıde tegin ala alatyn dári-dármekter tizimi keńeıtildi (paratsetamol, ıbýprofen, rıvaroksaban, dabıgatran jáne apıksaban engizildi).

COVID-19-dyń ekinshi tolqyny bastala qalsa, kompanııada 24 mlrd teńge somasyna eki aılyq dári-dármek qory qurylýda, sondaı-aq karantın kezeńinde jekemenshik dárihanalardy naryq óz betinshe tolyqtyra almaıtyn 19 tapshy dári-dármekpen jabdyqtaý máselesi pysyqtalyp jatyr. «SQ-Farmatsııa» olardy qalalar men aýyldyq eldi mekenderdegi ár dárihanaǵa deıin tolyq jetkizedi.

Úkimet basshysyna kompanııanyń logıstıkasyn jaqsartý sharalary týraly baıandaldy: josparly reıster sany 1,7 esege artty, tıeý merzimi 2 aptadan 1 aptaǵa deıin qysqartyldy, taýarlardy habtardan óńirlerge bólý Cross-docking qaǵıdaty boıynsha júzege asyrylady, al qoımalardyń jumysy 24/7 rejımine kóshirildi.

Premer-Mınıstr óńirlerge dári-dármekterdiń tıelýin erekshe baqylaýǵa alýdy, kúzgi-qysqy maýsymda COVID-19-dan emdeý úshin barlyq qajetti medıtsınalyq preparattardyń bolýyn qamtamasyz etýdi, dári-dármekterge qajettilik artqan jaǵdaıda shuǵyl áreket etýdi, sondaı-aq bólshek saýda sektoryn tapshy dári-dármekpen tolyqtyrý boıynsha tapsyrmany oryndaýdy qamtamasyz etýdi tapsyrdy.

Medıtsınalyq ónimder men dárilik preparattardy otandyq óndirýshilerdi qoldaý boıynsha júıeli sharalardy qabyldaý qajettigine erekshe nazar aýdaryldy.

«SQ-Farmatsııa» logıstıkalyq habyn aralaýǵa Premer-Mınıstrdiń orynbasary E. Toǵjanov, ındýstrııa jáne ınfraqurylymdyq damý mınıstri B. Atamqulov, densaýlyq saqtaý mınıstri A. Tsoı, densaýlyq saqtaý vıtse-mınıstri L. Bıýrabekova qatysty.


Bizdiń kanalymyzǵa jazylyńyz:

Bólisińiz:

Avtor:

Zarına Týǵanbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT