+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

Asqar Mamın Ózbekstan Prezıdentimen kezdesti

2020 jylǵy 25 aqpan 20:43
Bólisińiz:
Asqar Mamın Ózbekstan Prezıdentimen kezdesti

TAShKENT. QazAqparat – Búgin Tashkent qalasynda QR Premer-Mınıstri Asqar Mamın Ózbekstan Prezıdenti Shavkat Mırzıeevpen kezdesti. Bul týraly QazAqparat primeminister.kz silteme jasap habarlaıdy.

«QR Tuńǵysh Prezıdenti – Elbasy Nursultan Nazarbaev Sizben birge Qazaqstan men Ózbekstan arasyndaǵy ekijaqty qarym-qatynasty strategııalyq yntymaqtastyqtyń jańa deńgeıine shyǵarýdyń negizin qalady. Memleket basshysy Qasym-Jomart Toqaev sabaqtastyqty syrtqy saıasattyń negizgi qaǵıdaty retinde quptaı otyryp, Ózbekstan Respýblıkasymen ózara tıimdi ári uzaq merzimdi yntymaqtastyqty damytýǵa erekshe kóńil bóledi», — dedi A. Mamın.

QR Premer-Mınıstri ekijaqty yntymaqtastyqtyń joǵary qarqynyn atap ótti.

Ózbekstan — Qazaqstannyń aımaqtaǵy asa mańyzdy saýda seriktesi. 2019 jyldyń qorytyndysy boıynsha ekijaqty saýda kólemi $4,1 mlrd jetti. 2020 jyldyń sońyna deıin taýar aınalymyn $5 mlrd deıin jetkizý josparlanyp otyr. Búgingi tańda Qazaqstan men Ózbekstanda 3 myńnan astam birlesken kásiporyn jumys isteıdi.

Kelissóz barysynda saýda-ekonomıkalyq, ınvestıtsııalyq, sý-energetıkalyq, tranzıttik-kóliktik, qurylys, aýyl sharýashylyǵy, toqyma, avtomobıl jasaý, mádenı-gýmanıtarlyq, týrıstik, ekologııalyq jáne basqa da salalardaǵy yntymaqtastyqty odan ári damytýdyń aýqymdy máseleleri talqylandy.

Taraptar Qazaqstan men Ózbekstannyń strategııalyq seriktestikti keńeıtýge jáne nyǵaıtýǵa degen úzdiksiz umtylysy eki eldiń Aımaqaralyq yntymaqtastyq forýmyn ótkizý tájirıbesinen kórinis bergenin atap ótti.

QR men ÓR aımaqaralyq yntymaqtastyǵynyń I forýmy 2018 jylǵy 16 qarashada Shymkent qalasynda ótti.

Bıylǵy 26 aqpanda Qazaqstan Respýblıkasy men Ózbekstan Respýblıkasynyń aımaqaralyq yntymaqtastyǵynyń II forýmy Horezm oblysynyń Úrgenish qalasynda «Agroónerkásiptik kooperatsııa, ónerkásip jáne týrızm salasyndaǵy aımaqtyq bıznestiń yntymaqtastyǵy» taqyrybynda ótedi.

Іs-sharaǵa 300-den astam adam — QR Premer-Mınıstri A. Mamın men ÓR Premer-Mınıstri A. Arıpov, memlekettik organdardyń, óńirlerdiń basshylary, sondaı-aq eki eldiń iskerlik ortalarynyń ókilderi qatysady. Forým qorytyndysy boıynsha aımaqaralyq jáne kommertsııalyq sıpattaǵy 40-tan astam kelisimge qol qoıý josparlanýda.


Bizdiń kanalymyzǵa jazylyńyz:

Basty sózder: QR Premer-Mınıstri, Ózbekstan,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT