+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Asqar Mamın óńirlerdegi iri ınfraqurylymdyq jobalardyń iske asyrylý barysyn tekserdi

2019 jylǵy 9 qazan 19:51
Bólisińiz:
Asqar Mamın óńirlerdegi iri ınfraqurylymdyq jobalardyń iske asyrylý barysyn tekserdi

NUR-SULTAN. QazAqparat - QR Premer-Mınıstri Asqar Mamın jumys saparymen Shyǵys Qazaqstan, Almaty jáne Qaraǵandy oblystaryna bardy, dep habarlaıdy Úkimettiń baspasóz qyzmeti.

Uqsas jańalyqtar
Asqar Mamın Sıngapýrdyń Aǵa Mınıstri Teo Chı Hınmen kezdesti Berdibek Saparbaev BQO pedagogtaryna kásiptik bilimge erekshe kóńil bólýge keńes berdi Úkimet zańdy tulǵalardyń bankrottyǵy týraly zań jobasyn ázirleý máselesin pysyqtaýda

Onda Memleket basshysy Qasym-Jomart Toqaevtyń el óńirlerine jumys saparlary aıasynda bergen tapsyrmalaryn iske asyrý barysyn tekserdi.

QR Tuńǵysh Prezıdenti ‒ Elbasy Nursultan Nazarbaev elimizdiń turaqty kólik ınfraqurylymyn damytý maqsatynda bastamashy bolǵan «Nurly jol» memlekettik baǵdarlamasyn oryndaýǵa basa kóńil bólindi.

Shyǵys Qazaqstan oblysynyń Aıagóz aýdanynda Premer-Mınıstr ındýstrıaldy-ınnovatsııalyq damý memlekettik baǵdarlamasy aıasynda álemdegi eń iri ıgerilmegen mys ken oryndarynyń biri ‒ Aqtoǵaı kenishin ıgerip jatqan «KAZ Minerals Aktogay» kásipornynyń jumysymen tanysty. Ken ornynyń mıneraldy resýrstary 1,7 mlrd tonnany quraıdy. Kendegi mystyń jalpy mólsheri 5,8 mln tonnany quraıdy. Aqtoǵaı TKBK qýattylyǵy jylyna 25 mln tonna óńdelgen kendi quraıdy, 2021 jyldan bastap bul kórsetkishti eki esege arttyrý kózdelgen.


Shyǵys Qazaqstan oblysynda Asqar Mamın «Óskemen ‒ Taldyqorǵan» avtojolyn salý jobasynyń iske asyrylý barysymen tanysty. Bıyl 198 shaqyrym jolda kólik qozǵalysyn ashýdy qamtamasyz etý josparlanǵan. Jalpy, uzyndyǵy 763 shaqyrym bolatyn jolda qozǵalys 2020 jyly ashylady. Sonymen qatar, «Qalbataý ‒ Maıqapshaǵaı» trassasyn rekonstrýktsııalaý jumystary júrgizilip jatyr, onda jyl sońyna qaraı 45 shaqyrym avtojol paıdalanýǵa beriledi.


Óskemen qalasynda A. Mamın Shyǵys Qazaqstan oblystyq mamandandyrylǵan medıtsınalyq ortalyǵy janyndaǵy Onkologııa jáne hırýrgııa ortalyǵynyń, Robottandyrylǵan hırýrgııa, angıohırýrgııa jáne transplantologııa ortalyǵynyń qyzmetimen, ShQO ákimi Vedomstvoaralyq sıtýatsııalyq jáne ınvestıtsııalyq ortalyǵynyń qyzmetimen tanysty.

Premer-Mınıstr óńirdiń ınvestıtsııalyq áleýeti, ónerkásip salasyndaǵy tsıfrlandyrýdy damytý, sondaı-aq mektep oqýshylary men stýdentteriniń Startup jobalaryn iske asyrý boıynsha prezentatsııalardy ótkizýge arnalǵan shoýrýmdy qarap shyqty. Sondaı-aq, munda «Jastar Time» ınnovatsııalyq ortalyǵy ornalasqan, onda 5-11 synyp oqýshylary AT baǵyttary boıynsha oqytylady, atap aıtsaq: 2D/3D grafıkasy, baǵdarlamalaý, vıdeo jasaý jáne t.b.


Almaty oblysynda Úkimet basshysyna uzyndyǵy 314 shaqyrym bolatyn «Óskemen ‒ Taldyqorǵan» avtojolynyń shyǵys bóligin rekonstrýktsııalaý, uzyndyǵy 184 shaqyrym bolatyn «Úsharal ‒ Dostyq» avtojolynyń qurylysy jobasy týraly baıandaldy.


Qaraǵandy ​​oblysynda «Qaraǵandy ‒ Balqash» avtojolynyń ýchaskesindegi jumystar tekserildi. Osy joba boıynsha bıyl 40 shaqyrym jolda qozǵalys ashylady. 2020 jyldyń qorytyndysy boıynsha joldyń barlyq uzyndyǵy boıynsha qozǵalys ashylady dep josparlanýda. «Qaraǵandy ‒ Temirtaý» jáne «Qaraǵandy ​​aınalma joly» jobalary boıynsha jumystar jyl sońyna deıin aıaqtalyp, 61 shaqyrym jol paıdalanýǵa beriledi.

Premer-Mınıstr Shyǵys Qazaqstan, Almaty jáne Qaraǵandy ​​oblystarynyń joldaryndaǵy qurylys jumystarynyń qarqynyn arttyrýdy tapsyrdy. Sonymen birge, Úkimet basshysy qurylyp jatqan kólik ınfraqurylymynyń sapasyn qamtamasyz etýdiń mańyzdylyǵyn atap ótti.

«Kelesi jyly biz «Taldyqorǵan – Óskemen» jáne «Qaraǵandy – Almaty» joldarynyń boıynda tolyq jol júrýdi qamtamasyz etýimiz kerek», — dedi A. Mamın.

Tekserilgen ınfraqurylymdyq jobalardy iske asyrý Qazaqstan ekonomıkasyn damytýǵa qosymsha múmkindikter týǵyzady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT