+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Asqar Mamın Memleket basshysyna elde qalyptasqan jaǵdaıǵa qatysty esep berdi

2021 jylǵy 7 mamyr 13:14
Bólisińiz:
Asqar Mamın Memleket basshysyna elde qalyptasqan jaǵdaıǵa qatysty esep berdi

NUR-SULTAN. QazAqparat - Memleket basshysy Qasym-Jomart Toqaev QR Premer-Mınıstr Asqar Mamındi qabyldady, dep habarlaıdy QazAqparat Aqordanyń resmı saıtyna silteme jasap.

Uqsas jańalyqtar
Memleket basshysy Nur-Sultan qalasyndaǵy №103 qalalyq emhanaǵa bardy Prezıdent: Medıtsına qyzmetkerlerine tólemaqy úshin Úkimet qosymsha 71,5 mıllıard teńge bóledi Qasym-Jomart Toqaev «Altyn júrek» eskertkishiniń ashylý rásimine qatysty

Qasym-Jomart Toqaevqa sanıtarlyq-epıdemıologııalyq ahýal, halyqqa vaktsına salý barysy, sondaı-aq, elimizdiń áleýmettik-ekonomıkalyq damýynyń ózekti máseleleri týraly baıandaldy.

Asqar Mamın elimizdegi sanıtarlyq-epıdemıologııalyq jaǵdaıdyń turaqtanǵanyn aıtty. Ol COVID-19 indetiniń taralý qarqyny boıynsha Qazaqstannyń «qyzyl» aımaqtan «sary» aımaqqa ótkenin atap ótti.

Azamattardy vaktsınalaý qarqyny artyp keledi. 1 mıllıon 565 myń adamǵa birinshi komponent salynsa, 460 myń adamǵa ekinshi komponent egilgen. 1 sáýir men 5 mamyr aralyǵynda táýliktik vaktsına salý qarqyny 12,6 ese ósken. Keshe Qazaqstanda 140 myńǵa jýyq adam vaktsına saldyrǵan.

Premer-Mınıstr Prezıdentke bıznesti qoldaý jumystary jaıynda málimet berdi. Qyzmet kórsetý salasynda «ASHYQ» qosymshasyn paıdalaný isi belsendi túrde artyp kele jatqany aıtyldy. Qazirgi ýaqytta júıe 3 myńnan astam bıznes sýbektilerin jáne elimizdiń 720 myń turǵynyn qamtyp otyr.

Úndistandaǵy sanıtarlyq-epıdemıologııalyq jaǵdaıdyń kúrt nasharlaýyna baılanysty Memleket basshysy Úkimetke atalǵan elge 6 mıllıon medıtsınalyq maska, 400 myń respırator, 50 myń obaǵa qarsy arnaıy kıim jáne elimizde óndirilgen 105 jasandy jolmen dem berý apparattaryn gýmanıtarlyq kómek retinde jiberýdi tapsyrdy.

Qasym-Jomart Toqaevqa jappaı kásipkerlikti damytýdyń jańa tásilderi, sondaı-aq, nátıjeli jumyspen qamtý, azyq-túlik taýarlarynyń baǵasyn ustap turý sharalaryn iske asyrý týraly aqparat berildi. Monopolııaǵa qarsy sharalar aıasynda Úkimet bıznes sýbektileriniń arasynda baǵaǵa qatysty sóz baılasýdy boldyrmaý jóninde jumys júrgizýde.

Úkimet basshysy negizgi 29 azyq-túlik taýarynyń 23-i boıynsha azyq-túlik qaýipsizdiginiń deńgeıi qamtamasyz etilgenin, qalǵan túrleri boıynsha naryqtyń ishki óndirispen qamtamasyz etilý kórsetkishi 80 paıyzdan tómen ekenin atap ótti. Ulttyq ekonomıkanyń ózin-ózi qamtý sharalary sheńberinde bıyl 35 sút-taýar fermasy, 2200 gektar baq, 3 et kombınaty, 5 qus fabrıkasy, balyq óndiretin 4 sharýashylyq iske qosylady.

Sonymen qatar azyq-túlikti turaqtandyrý qorlary quryldy, aınalymǵa qajetti qarajat bólindi, olarǵa azyq-túlik jetkizýdi qamtamasyz etý úshin aldyn ala satyp alý júzege asyryldy.

Áńgimelesý barysynda sheteldik ınvestıtsııalardy el ekonomıkasyna tartý jóninde qabyldanyp jatqan sharalar qarastyryldy.

Kezdesý sońynda Prezıdent halyqqa vaktsına salý jumysynyń qarqynyn tómendetpeýdi, azyq-túlik taýarlarynyń baǵasyn baqylaýda ustaýdy tapsyrdy. Memleket basshysy óte qysqa ýaqytta koronavırýsqa qarsy vaktsına jasap, ony Dúnıejúzilik densaýlyq saqtaý uıymyna tirkegen qazaqstandyq mamandardyń eńbegin oń baǵalady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT