+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Asqar Mamın Qazaqstanda alǵash shyǵarylǵan «Kırovets» traktoryn aıdap kórdi

2019 jylǵy 23 qazan 18:26
Bólisińiz:
Asqar Mamın Qazaqstanda alǵash shyǵarylǵan «Kırovets» traktoryn aıdap kórdi

QOSTANAI. QazAqparat – QR Premer-Mınıstri Asqar Mamın Qostanaı oblysynyń zaýytynda qurastyrylǵan alǵashqy traktordy synaqtan ótkizip kórdi, dep habarlaıdy QazAqparat primeminister.kz saıtyna silteme jasap.

Uqsas jańalyqtar
ShYU Úkimetter basshylarynyń keńesi: Asqar Mamınniń Tashkentke saparynyń qorytyndysy Asqar Mamın Máskeýde Dmıtrıı Medvedevpen kelissóz ótkizdi Asqar Mamın Máskeýde TMD Úkimet basshylary Keńesiniń otyrysyna qatysty

Buǵan deıin habarlaǵanymyzdaı, Úkimet basshysy Qostanaıdyń Indýstrııalyq aımaǵynda ornalasqan «Kırovets» traktor zaýytynyń saltanatty ashylýyna qatysty.

«Qazaqstan óz aldyna aýyl sharýashylyǵy tehnıkalary men onyń quraýyshtarynyń joǵary tehnologııalyq óndiristerin qurý mindetin qoıady. Búgin biz aty ańyzǵa aınalǵan «Kırovets» traktorynyń óndirisin iske qosamyz. Jańa zaýyt Qazaqstannyń aýyl sharýashylyǵy salasyn elimizde qurastyrylǵan «Kırovets» sapaly ári senimdi tehnıkasymen qamtamasyz etedi», — dedi A. Mamın.

Úkimet basshysy Qazaqstannyń aýyl sharýashylyǵy tehnıkasynyń naryǵyn keńeıtýge, ony odan ári eksporttaýǵa, jergiliktendirý protsesterin tereńdetýge jáne servıs deńgeıin arttyrýǵa múddeli ekenin atap ótti.

«Qazaqstanda «Kırovets» energııa tıimdi traktorlarynyń zamanaýı óndirisin ashý otandyq mashına jasaý salasyn damytý strategııasyna sáıkes keledi. Atalǵan jobany bastaý ónimdiligi joǵary jańa jumys oryndaryn qurýǵa, aýyl sharýashylyǵy men TKSh salasyna traktorlardy shyǵarýǵa, jergiliktendirýdi ulǵaıtýǵa jáne ónerkásiptiń irgeles salalaryn damytýǵa múmkindik beredi», — dedi Premer.

Keıin Mınıstrler kabınetiniń basshysy Qazaqstanda alǵash shyǵarylǵan «Kırovets» traktoryn ózi synaqtan ótkizdi.

Kásiporynnyń jobalyq qýattylyǵy — 2025 jylǵa qaraı jergiliktendirýdi birtindep 50% deıin arttyrǵan jaǵdaıda jylyna 700 birlik tehnıkaǵa deıin jetedi (ınterer/ekstererdiń plastıkten jasalǵan elementterin daıyndaý, 2021 jyldan bastap – joǵary qysym, ballast júkteriniń tútikterin, 2025 jyldan bastap – kabınalar, baktar, kótergish jaqtaýlar, dıskiler, kardan biligin, teńdestirgish daıyndaý jáne taǵy basqasy). Úsh kezeńde iske asyrylatyn jobaǵa salynǵan ınvestıtsııalardyń jalpy kólemi 7,3 mlrd teńgeni quraıdy. Óndiriste 500-ge jýyq jańa jumys ornyn jáne irgeles salalarda 700 jumys ornyn qurý kózdelgen.


Budan bólek, Premer-Mınıstrdiń qatysýymen «Peterbýrg traktor zaýyty» AQ (PTZ) bas dırektory S. Serebrıakov jáne Qazaqstan avtobıznes qaýymdastyǵynyń prezıdenti S. Lavrentev «PTZ» AQ-nyń Qostanaı traktor zaýytynyń jarǵylyq kapıtalyna kirýi týraly kelisimge qol qoıdy.


Qazaqstanda «PTZ» AQ ónimderi keńinen taralǵan. Máselen, 2014-2017 jyldar aralyǵynda elimizde 500-ge jýyq «Kırovets» traktory ótkizilgen. Aýyl sharýashylyǵy mınıstrliginiń derekterine sáıkes, QR-daǵy traktorlarǵa degen jyl saıynǵy qajettilik shamamen 1600 traktordy quraıdy.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT