+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Asqar Mamın: Investıtsııa tartý – ekonomıkalyq ósimdi qalpyna keltirýdiń negizgi draıveri

2020 jylǵy 4 maýsym 13:36
Bólisińiz:
Asqar Mamın: Investıtsııa tartý – ekonomıkalyq ósimdi qalpyna keltirýdiń negizgi draıveri

NUR-SULTAN. QazAqparat -QR Premer-Mınıstri Asqar Mamınniń tóraǵalyǵymen Investıtsııalar tartý máseleleri jónindegi úılestirý keńesiniń kezekti otyrysy ótti, dep habarlaıdy QR Úkimetiniń resmı saıty.

Uqsas jańalyqtar
Respýblıkalyq bıýdjettiń shyǵystary 99,1% atqaryldy – Qarjy mınıstrligi Álemdik ekonomıka Ekinshi dúnıejúzilik soǵystan keıingi eń tómen quldyraýǵa tap boldy Bıyl negizgi kapıtalǵa 6,1 trln teńge somasynda ınvestıtsııa tartyldy

Negizgi kapıtalǵa salynǵan ınvestıtsııalar boıynsha nysanaly kórsetkishterdiń oryndalýy týraly Ulttyq ekonomıka mınıstri Rýslan Dálenov, ınvestıtsııalar tartý boıynsha atqarylyp jatqan jumystar týraly syrtqy ister mınıstri Muhtar Tileýberdi, ındýstrııa jáne ınfraqurylymdyq damý mınıstri Beıbit Atamqulov, energetıka mınıstri Nurlan Noǵaev, aýyl sharýashylyǵy mınıstri Saparhan Omarov, Qyzylorda oblysynyń ákimi Gúlshara Ábdiqalyqova, Qaraǵandy oblysynyń ákimi Jeńis Qasymbek, Mańǵystaý oblysynyń ákimi Serikbaı Trumov, Shymkent qalasynyń ákimi Murat Áıtenov baıandady.

Otyrysta koronavırýs indetiniń taralý saldary aǵymdaǵy ekonomıkalyq ahýalǵa túzetý engizip, ınvestıtsııa tartý boıynsha jumystarǵa teris yqpalyn tıgizgeni atap ótildi. Bıyl qańtar-sáýir aılarynda QR negizgi kapıtalyna salynǵan ınvestıtsııalar 3 trln teńgeni – josparlanǵan nysanaly kórsetkishten 84% qurady. Óńirler bólinisinde eń kóp — 30% astam oryndamaý jaǵdaılary Mańǵystaý jáne Qyzylorda oblystarynda, sondaı-aq Almaty jáne Shymkent qalalarynda baıqalǵan.

Premer-Mınıstr buǵan deıin qoıylǵan mindetti — 2025 jylǵa qaraı negizgi kapıtalǵa salynatyn ınvestıtsııalar kólemin JІÓ-niń 30%-na deıin jetkizý mindetin iske asyrýdyń mańyzdylyǵyn atap ótti. Budan ári álemde ınvestıtsııalar úshin básekelestik artady degen boljam bar. Bul ekonomıkanyń barlyq salalarynda jańa ınvestıtsııalyq jobalardy iske asyrý, sondaı-aq ınvestıtsııalyq ahýaldy odan ári jaqsartý boıynsha belsendi sharalardy qabyldaýdy talap etedi.

«Úkimet ekonomıkany jandandyrý jumystaryn bastady. 2020 jyldyń sońyna deıin Ekonomıkalyq ósimdi qalpyna keltirý boıynsha keshendi jospar qabyldandy. Oǵan sáıkes ınvestıtsııalar negizgi draıverlerdiń biri retinde qarastyrylady», — dedi A. Mamın.

Premer-Mınıstr ınvestıtsııalyq usynystardy ázirleý sapasyn, memlekettik organdar men barlyq múddeli taraptardyń jumysyn úılestirý deńgeıin arttyrý, shetel kapıtalyn jáne tehnologııasyn tartýdyń jańa quraldaryn engizý, ekonomıkanyń basymdyqty salalaryn targetteý qajettigin atap kórsetti.

Úkimet basshysy ortalyq memlekettik jáne jergilikti atqarýshy organdarǵa qysqa merzim ishinde elimizde jáne álemde ekonomıkalyq ahýaldyń ózgerýin eskerýmen ınvestıtsııalyq jobalar pýlyn jáne negizgi kapıtalǵa ınvestıtsııalar tartý boıynsha nysanaly ındıkatorlardy ózektendirýdi tapsyrdy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT