+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Asqar Mamın HVQ Qazaqstan boıynsha mıssııasynyń basshysymen kezdesti

2019 jylǵy 12 qarasha 18:43
Bólisińiz:
Asqar Mamın HVQ Qazaqstan boıynsha mıssııasynyń basshysymen kezdesti

NUR-SULTAN. QazAqparat – QR Premer-Mınıstri Asqar Mamın Halyqaralyq valıýta qorynyń (HVQ) Qazaqstan boıynsha mıssııasynyń basshysy Mark Hortonmen kezdesti, dep habarlaıdy primeminister.

QR Premer-Mınıstri Asqar Mamın Qazaqstan boıynsha mıssııasynyń basshysy Mark Hortonnyń jetekshiligimen Halyqaralyq valıýta qorynyń (HVQ) sarapshylarymen kezdesý ótkizdi.

Úkimet basshysyna Qazaqstandaǵy ekonomıkalyq ahýal týraly HVQ saraptamalyq baǵalaýlary men boljamdary usynyldy, olar bıylǵy qarasha aıyndaǵy Qor qyzmetkerleriniń Qazaqstan Respýblıkasyna saparynyń qorytyndysy boıynsha mıssııanyń Qorytyndy málimdemesine engizilgen.

Mıssııa Qazaqstandaǵy ekonomıkalyq ósýdiń joǵary qarqyny saqtalǵanyn naqtylady, bul negizinen munaılyq emes sektordyń, eń aldymen, qurylys jáne kórsetiletin qyzmetter salasynyń esebinen qamtamasyz etildi.

«Aldyn-ala baǵalaýlar úshinshi toqsandaǵy údeýdi kórsetedi. Basty faktorlar – tutyný kóleminiń artýy jáne ınvestıtsııalyq qyzmettiń jalǵasýy. Bul bıýdjettiń qoldaýymen, bólshek nesıelendirýdiń joǵary ósimimen, sondaı-aq, munaı-gaz salasyndaǵy ınvestıtsııalyq jobalarmen sebepteledi», — delingen HVQ mıssııasynyń Qorytyndy málimdemesinde.

Úkimet basshysy Qazaqstan ekonomıkasy osy jyldyń 10 aıynyń qorytyndysy boıynsha turaqty ósý betalysyn kórsetip otyrǵanyn atap ótti. Qazaqstannyń JІÓ ótken jyldyń sáıkes kezeńimen salystyrǵanda 4,4%-ǵa artty.

Taraptar aqsha-nesıe, baǵam, salyq-bıýdjet saıasaty, bank salasyndaǵy ahýal, Qazaqstanda júrgizilip jatqan ekonomıkadaǵy qurylymdyq reformalar, sondaı-aq, 2020 jyly Almatyda Kavkaz, Ortalyq Azııa jáne Mońǵolııa elderine arnalǵan HVQ-nyń tehnıkalyq kómek boıynsha Aımaqtyq ortalyǵynyń ashylýy máselelerin talqylady.

Kezdesýge Premer-Mınıstrdiń birinshi orynbasary – qarjy mınıstri Á. Smaıylov, ulttyq ekonomıka mınıstri R. Dálenov, saýda jáne ıntegratsııa mınıstri B. Sultanov, ındýstrııa jáne ınfraqurylymdyq damý mınıstri B. Atamqulov, syrtqy ister mınıstriniń orynbasary E. Kósherbaev jáne basqa da vedomstvolardyń ókilderi qatysty.

HVQ mıssııasy HVQ Kelisimniń IV babyna sáıkes jyl saıynǵy konsýltatsııalar ótkizý úshin jylyna eki ret Qazaqstanǵa keledi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT