+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Asqar Mamın EO elshilerimen ekonomıkany qalpyna keltirýdegi yntymaqtastyqty talqylady

2020 jylǵy 23 qazan 15:16
Bólisińiz:
Asqar Mamın EO elshilerimen ekonomıkany qalpyna keltirýdegi yntymaqtastyqty talqylady

NUR-SULTAN. QazAqparat - QR Premer-Mınıstri Asqar Mamın Investıtsııalyq yntymaqtastyqty damytý máseleleri boıynsha dıalog alańy sheńberinde Eýropalyq odaqqa múshe memleketterdiń dıplomatııalyq mıssııalarynyń basshylarymen kezdesti, dep habarlaıdy QazAqparat primeminister.kz saıtyna silteme jasap.

Úkimet basshysy Qazaqstannyń jahandyq ekonomıkalyq daǵdarys pen pandemııa jaǵdaıynda ekonomıkany odan ári damytýdy qamtamasyz etý boıynsha qabyldap jatqan sharalary týraly aıtty.

«Qazaqstannyń 2025 jylǵa deıingi Strategııalyq damý jospary ázirlendi. Ol óńdeý ónerkásibi men aýyl sharýashylyǵynda qosylǵan quny joǵary eksportqa baǵdarlanǵan óndiristerdi ulǵaıtý, jedeldetilgen tsıfrlandyrýdy júrgizý, densaýlyq saqtaý júıesin nyǵaıtý, ınfraqurylymnyń sapasy men qoljetimdiligin jaqsartý jónindegi sharalardy, sondaı-aq basqa da aspektilerdi kózdeıdi», – dedi A.Mamın.

Premer-Mınıstr Eýropalyq odaq elshilerin Qazaqstannyń EO-men saýda-ekonomıkalyq jáne ınvestıtsııalyq yntymaqtastyǵyn qoldaý boıynsha odan ári ashyq jáne belsendi dıalogqa shaqyrdy.

Óz kezeginde EO elshisi Sven-Olov Karlsson, Germanııa elshisi Tılo Iohanes Klınner, Nıderlandy elshisi Andre Karstens Qazaqstan ekonomıkasynyń turaqtylyǵyn jáne QR Úkimeti qabyldaǵan daǵdarysqa qarsy sharalardyń júıeliligin atap ótti.

Taraptar pandemııa saldaryn eńserý jáne ekonomıkany qalpyna keltirý máseleleri boıynsha Qazaqstannyń Eýropalyq odaqpen yntymaqtastyǵynyń perspektıvalaryn talqylady. Densaýlyq saqtaý salasyndaǵy ózara is-qımyl, «jasyl ekonomıkany» damytý jáne klımattyń ózgerýine qarsy kúres, AÓK, óńdeý ónerkásibi, kólik, energetıka, ınfraqurylymdyq qurylys salalarynda birlesken ınvestıtsııalyq jobalardy iske asyrý máseleleri qaraldy. Bıylǵy 1 naýryzda kúshine engen Qazaqstan men EO arasyndaǵy Keńeıtilgen áriptestik pen yntymaqtastyq týraly kelisimdi keshendi iske asyrýǵa erekshe nazar aýdaryldy. Bul qujat saýdany, ınvestıtsııany, ınnovatsııalardy jáne ınfraqurylymdyq damýdy qosa alǵanda, 29 salany qamtıdy.

Kezdesýge QR Úkimetiniń músheleri, «Atameken» UKP, «Kazakh Invest» UK» AQ, «Báıterek» UBH», «QazAgro» UBH» basshylyǵy, Eýropalyq Odaqtyń, Germanııa, Nıderlandy, Belgııa, Rýmynııa, Estonııa, Polsha, Shvetsııa, Italııa, Slovakııa, Ispanııa, Lıtva, Horvatııa, Chehııa, Gretsııa, Bolgarııa, Fınlıandııa, Vengrııa, Frantsııa elshileri, Portýgalııa, Avstrııa, Latvııa ókilderi jáne t. b. qatysty.

EO Qazaqstannyń negizgi ınvestorlarynyń biri jáne iri saýda seriktesi bolyp otyr. Aǵymdaǵy jyldyń 8 aıynda taýar aınalymy 15,5 mlrd dollardy qurady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT