+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Asqar Mamın «Eńbek» baǵdarlamasynyń tıimdiligi týraly aıtty

2021 jylǵy 24 aqpan 12:26
Bólisińiz:
Asqar Mamın «Eńbek» baǵdarlamasynyń tıimdiligi týraly aıtty

NUR-SULTAN. QazAqparat – 2020 jyly «Eńbek» baǵdarlamasyna 649 myń adam qatysty. Bul týraly Májilis depýtattarynyń saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

Uqsas jańalyqtar
Atyraý oblysynda «Eńbek» baǵdarlamasymen 24 348 adam qamtyldy Asqar Mamın: Qazaqstan – Azııa men Eýropa arasyndaǵy tranzıttik kópir Qazaqstanda jyl basynan qansha sharshy metr baspana paıdalanýǵa berildi

«Búgingi kúni halyqtyń tabysyn qamtamasyz etý maqsatynda Halyqty jumyspen qamtý ortalyqtary «Eńbek» 2017-2021 jyldarǵa arnalǵan Ónimdi jumysen qamtý jáne jappaı kásipkerlikti damytý memlekettik baǵdarlamasy aıasynda qysqa merzimdi oqytýdy qamtamasyz etý, qaıtarymsyz granttar berý, kásipkerlik negizderine oqytý, sýbsıdııalanatyn jumys oryndaryna jiberý jáne jumys kúshi tapshy óńirlerge erikti túrde qonys aýdarýǵa járdemdesý arqyly jumyspen qamtýǵa kómektesý is-sharalaryn kórsetedi. Aıta keterligi, «Eńbek» memlekettik baǵdarlamasy aıasynda halyqtyń tabysyn arttyrý úshin az qamtylǵan jáne kópbalaly otbasylardyń múshelerinde jańa bıznes-ıdeıalardy júzege asyrýǵa 200 AEK mólsherinde qaıtarymsyz grant alýǵa basym quqyq berilgen», - dedi Úkimet basshysy.

Bul rette, onyń aıtýynsha, «Eńbek» memlekettik baǵdarlamasy aıasynda memlekettik granttar berý úshin qatysýshydan qosymsha qarjy jınaǵy talap etilmeıdi. Sonymen qatar kásipkerlikti endi bastaǵandar jáne bıznesin júrgizip júrgen tulǵalardyń qyzmetin keńeıtý maqsatynda atalǵan baǵdarlama aıasynda jeńildetilgen sharttarmen shaǵyn nesıeler beriledi.

«2020 jyly «Eńbek» baǵdarlamasyna 649 myń adam qatysty. Koronavırýs ınfektsısynyń taralýyna baılanysty elde karantın is-sharalaryn engizý Qazaqstannyń eńbek naryǵy úshin eń úlken syn-tegeýrin bolǵanyn atap ótken jón. Osyǵan baılanysty ótken jyly Úkimet barlyq resýrsy men múmkindigin jumyldyryp, barlyq memlekettik baǵdarlama áleýetin iske qosty. Onyń ishinde «Jumyspen qamtýdyń jol kartasy» jańa daǵdarysqa qarsy baǵdarlama qabyldanyp, qosymsha qarjylandyrý arqyly «Eńbek» baǵdarlamasynyń áleýeti keńeıtildi. Jol kartasy aıasynda 2020 jyly 239 myń adam jumysqa ornalasty. Tolyqtaı alǵanda, memlekettik sharalar 2020 jyly jumyssyzdyq deńgeıin 5 paıyz deńgeıinde ustap túrýǵa múmkindik berdi», - dedi Asqar Mamın.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT