+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Asqar Mamın ekonomıkany damytýǵa qatysty usynystardy talqylady

2020 jylǵy 20 tamyz 15:11
Bólisińiz:
Asqar Mamın ekonomıkany damytýǵa qatysty usynystardy talqylady

NUR-SULTAN. QazAqparat - Búgin QR Premer-Mınıstri Asqar Mamınniń tóraǵalyǵymen Elbasynyń «El úmiti» bastamasy aıasynda iske asyrylyp jatqan jáne «100 naqty qadam» ult josparyn sapaly oryndaýǵa baǵyttalǵan Ózgeristerdi basqarý jónindegi salalyq menedjerlerdi daıarlaý baǵdarlamasynyń qatysýshylarymen keńes ótti. Sharaǵa Prezıdenttiń kómekshisi–QR Qaýipsizdik Keńesiniń Hatshysy Áset Isekeshev jáne 300-ge jýyq maman– mentorlar men ózgeris menedjerleriniń komandalary qatysty, dep habarlaıdy QazAqparat.

Uqsas jańalyqtar
Jeke turǵyn úı qurylysyn damytýǵa baǵyttalǵan  baǵdarlama kerek -Aıqyn Qońyrov 2020 jyly 5 mln adam mıllıoner atandy Saýda mınıstri vaktsınalaý ekonomıka ósimine qalaı áser etetinin aıtty

Qatysýshy kóshbasshylar 11 salalyq memlekettik saıasatta: bilim berýde, geologııalyq barlaýda, saýda jáne logıstıkada, ónerkásipte, onyń ishinde jańa ındýstrııada, qurylysta, óńirlik damýda, densaýlyq saqtaýda, medıa salasynda, aýyl sharýashylyǵynda, týrızm men sý resýrstary salasynda 37 naqty mindetti sheshý úshin qajetti jańa tásilder men ıdeıalardy tanystyrdy.

Premer-Mınıstr Baǵdarlamaǵa qatysýshylardy irikteý Úkimettiń orta merzimdik perspektıvaǵa arnalǵan jumysynyń negizgi baǵyttaryna sáıkes júrgizilgenin atap ótti. Atap aıtqanda, olar: ulttyq ekonomıkanyń ózin-ózi qamtamasyz etýin arttyrý, Qazaqstannyń aımaqtyq azyq-túlik haby retinde qalyptasýy, sapaly ınvestıtsııalardy tartý úshin jańa tásilderdi ázirleý, kúshti kásipkerlik klas qurý, qazaqstandyq eksportty qarqyndy ilgeriletý, jedeldetilgen tsıfrlandyrýdy qamtamasyz etý, bilim berý men ozyq ǵylymdy damytý, densaýlyq saqtaý júıesin nyǵaıtý jáne ınfraqurylymdy odan ári keshendi damytý.

«Bilim berý men adam damýyna ınvestıtsııalar salý – turaqty ári uzaq merzimdi ekonomıkalyq ósimniń negizgi faktory. Árbir tabysty ıdeıanyń, praktıkanyń, reformanyń artynda adam tur. Sizderdiń árqaısylaryńyzdyń áleýetińiz, kásibı bilimderińiz, eń bastysy, Qazaqstannyń gúldenýine jeke úles qosýǵa degen nıetterińiz bar», — dedi A. Mamın.
Úkimet basshysy Úkimet múshelerine ózderiniń salalyq komandalarymen turaqty jumys kezdesýlerin ótkizýge erekshe nazar aýdarýdy jáne alǵa qoıylǵan mindetterdi iske asyrýǵa qajetti járdem kórsetýdi tapsyrdy.

«Usynystardy naqtylap, olardy engizýdiń naqty josparlaryn ázirleý qajet», — dep atap ótti A. Mamın.

Ózgeristerdi basqarý jónindegi salalyq menedjerlerdi daıarlaý baǵdarlamasyna QR Tuńǵysh Prezıdenti – Elbasy Qory bastamashylyq etti jáne ol QR Úkimetiniń Jobalyq ofısimen birlesip iske asyrylyp jatyr. Baǵdarlamanyń maqsaty - ekonomıkanyń negizgi salalaryn transformatsııalaý úshin naqty usynystar ázirleý. Osy jyldyń basynda ótkizilgen konkýrstyń qorytyndysy boıynsha 2 958 úmitkerdiń ishinen úlken praktıkalyq jumys tájirıbesi bar, onyń ishinde jetekshi ulttyq jáne sheteldik uıymdarda eńbek etken 230 sarapshy iriktelip alyndy.

Baǵdarlamaǵa mentorlar retinde Qazaqstannyń, AQSh-tyń jáne Eýropa elderiniń memlekettik jáne jeke sektorynan 50-den astam maman qatysady. Baǵdarlamaǵa qatysýshylar salalyq mindetterdi sheshe otyryp, elimizdiń damýyna úles qosyp qana qoımaı, sonymen qatar trenıngtik jáne koýchıngtik is-sharalarda ózderiniń salalyq ári kóshbasshylyq biliktilikterin shyńdaıdy.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT