+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Asqar Mamın EAEO-nyń daǵdarysqa qarsy sharalaryn ózektendirýdi usyndy

2021 jylǵy 20 tamyz 15:55
Bólisińiz:
Asqar Mamın EAEO-nyń daǵdarysqa qarsy sharalaryn ózektendirýdi usyndy

NUR-SULTAN. QazAqparat - QR Premer-Mınıstri Asqar Mamın Eýrazııalyq úkimetaralyq keńes (EÚAK) otyrysyna tóraǵa retinde qatysyp, onda EAEO-nyń ekonomıkalyq turaqtylyǵyn qamtamasyz etý jóninde bastamalar kóterdi, dep habarlaıdy QazAqparat primeminister.kz-ke silteme jasap.

Uqsas jańalyqtar

Úkimet basshysy Eýrazııalyq ekonomıkalyq odaq elderiniń negizgi ekonomıkalyq kórsetkishteriniń senimdi qalpyna keltirilýin atap ótti. EAEO aıasyndaǵy ózara saýda bıylǵy qańtar-maýsym aılarynda shamamen $33 mlrd qurady, bul ótken jyldyń sáıkes kezeńimen salystyrǵanda 32%-ǵa artyq. Úshinshi eldermen saýda kólemi 24,5%-ǵa ósip, $371,1 mlrd qurady.

2021 jyldyń birinshi jartyjyldyǵynda EAEO-ǵa múshe memleketterdiń barlyq kólik túrleriniń júk aınalymy 3,1 trln tonna-kılometrge jetti, bul ótken jyldyń sáıkes kezeńimen salystyrǵanda 4,6%-ǵa artyq.

Tranzıt kórsetkishterinde eleýli ósim baıqalady. Atap aıtqanda, tek Eýropa-Qytaı-Eýropa baǵyty boıynsha osy jylǵy qańtar-shilde aılarynda Qazaqstan aýmaǵy boıynsha konteınerlik tasymaldar kólemi 47%-ǵa ósip, 381,4 myń JFE qurady.

Premer-Mınıstr pandemııamen baılanysty táýekelder buǵan deıin boljanǵannan da uzaq merzimdi sıpatqa ıe ekenin atap ótti. Osyǵan baılanysty 2020 jylǵy sáýirde EAEO sheńberinde ekonomıkalyq turaqtylyqty qamtamasyz etý boıynsha qabyldanǵan sharalardy ózektendirý qajet ekenin atap ótti. EEK-ke tıisti usynystardy 2021 jylǵy qazanda ótetin EÚAK-tyń kelesi otyrysyna engizý tapsyryldy.

A. Mamın azyq-túlik naryǵyndaǵy turaqtylyqty qamtamasyz etý, AÓK ónimderin óndirý boıynsha EAEO áleýetin arttyrý jáne ony syrtqy naryqtarǵa shyǵarý, sektorda qosymsha qarjylandyrý kózderin qalyptastyrý boıynsha qosymsha birlesken jedel sharalar qabyldaýdyń mańyzdylyǵyn atap ótti.

«Atalǵan mindetterdi iske asyrýdaǵy sapaly tásil bizdiń makroóńirge azyq-túlik qaýipsizdigin qamtamasyz etýge jáne ózin eýrazııalyq keńistiktegi eń mańyzdy azyq-túlik habtarynyń biri retinde tanytýǵa múmkindik beredi», — dedi A. Mamın.

Úkimet basshysy jetekshi qarjy uıymdarymen áriptestikte EAEO-da «jasyl» jobalardy jáne «jasyl» qarjylandyrýdy ilgeriletý jumystaryn jedeldetý qajettigin atap ótti.

QR Premer-Mınıstri týrızmdi damytýda birinshi kezektegi mindetter retinde EAEO elderi azamattarynyń ortaq naryqtarǵa, onyń ishinde vaktsınalaý pasporttaryn ózara taný, jeńildetilgen karantındik rejımi bar birlesken týrıstik aımaqtardy qalyptastyrý jáne tsıfrlyq ınfraqurylymdy odan ári damytý arqyly ózara qol jetkizýin jeńildetý jónindegi sharalardy qamtamasyz etýdi atady.

Otyrysta Qazaqstan tarapynyń bastamasy boıynsha sáıkestikti baǵalaý salasyndaǵy akkredıtteý jónindegi aımaqtyq uıym qurý týraly sheshim qabyldandy. Bul eýrazııalyq keńistikte sáıkestikti baǵalaý jónindegi ulttyq organdardyń qyzmetin shoǵyrlandyrýǵa, ýaqyt pen qarjy resýrstaryn únemdeýge jáne saýdadaǵy tehnıkalyq kedergilerdi alyp tastaýǵa múmkindik beredi.

EAEO sheńberinde organıkalyq aýyl sharýashylyǵy ónimderiniń ortaq naryǵyn qalyptastyrý jónindegi is-sharalar jospary, EAEO-ǵa múshe memleketterdiń úılestirilgen (kelisilgen) kólik saıasatyn iske asyrýdyń 2021-2023 jyldarǵa arnalǵan negizgi baǵyttary men kezeńderin iske asyrý jónindegi is-sharalar jospary, EAEO men QHR arasyndaǵy saýda-ekonomıkalyq yntymaqtastyqty damytý múddesinde júk temir jol tasymaldaryn tsıfrlandyrý jónindegi birinshi kezektegi is-sharalar jospary bekitildi.

Taýarlardy áketý kezinde belgilenetin eksporttyq retteýdiń birjaqty sharalaryn jaqyndastyrý, EAEO-nyń ishki naryǵyndaǵy alyp qoıýlar men shekteýlerdi joıý, Eýrazııalyq qaıta saqtandyrý kompanııasyn qurý, jahandyq klımattyq kún tártibin iske asyrý turǵysynan ortaq tásildemeler tujyrymdaý, transshekaralyq esep aıyrysýlardy avtomattandyrý jáne ıntegratsııalaý, munaı men gazdyń ortaq naryqtaryn qalyptastyrý jónindegi jumys barysy, temirjol kóliginiń tranzıttik áleýetin damytý jáne t. b. máseleler qaraldy.

Otyrysqa sondaı-aq Armenııa Premer-Mınıstri Nıkol Pashınıan, Belarýs Premer-Mınıstri Roman Golovchenko, Qyrǵyzstan Premer-Mınıstri Ýlýkbek Marıpov, Reseı Premer-Mınıstri Mıhaıl Mıshýstın, Ózbekstan Premer-Mınıstri Abdýlla Arıpov qatysty, Kýba Premer-Mınıstri Krýs Manýel Marrero beınemálimdeme jasady.

Sholpan-Ata qalasyna jumys sapary aıasynda Úkimet basshysy Asqar Mamın Qyrǵyzstannyń Premer-Mınıstri Ýlýkbek Marıpovpen ekijaqty kelissóz júrgizdi. Eki eldiń saýda-ekonomıka, ınvestıtsııa, sý-energetıka, AÓK, ónerkásiptik kooperatsııa jáne t. b. salalardaǵy yntymaqtastyǵynyń ózekti máseleleri talqylandy.

2021 jyldyń 6 aıynda ekijaqty saýda kólemi $413 mln qurady. Taraptar bul kórsetkishti $1 mlrd deıin jetkizýge nıetti.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT