+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Asqar Mamın COVID-19 taralýyna jol bermeý jónindegi VAK otyrysyn ótkizdi

2020 jylǵy 26 qazan 19:41
Bólisińiz:
Asqar Mamın COVID-19 taralýyna jol bermeý jónindegi VAK otyrysyn ótkizdi

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen QR aýmaǵynda koronavırýs ınfektsııasynyń taralýyna jol bermeý jónindegi Vedomstvoaralyq komıssııanyń (VAK) selektorlyq otyrysy ótti, dep habarlaıdy primeminister.kz.

Uqsas jańalyqtar
Shetelden ushyp kelgen 2 adamnan koronavırýs anyqtaldy Qazaqstanda 710 bala koronavırýstan emdelip jatyr 474 qazaqstandyq koronavırýstan jazyldy

Koronavırýs ınfektsııasynyń ekinshi tolqynyna daıyndyqty qamtamasyz etý boıynsha qabyldanyp jatqan sharalar týraly densaýlyq saqtaý mınıstri A. Tsoı, ishki ister mınıstri E. Turǵymbaev, aqparat jáne qoǵamdyq damý mınıstri A. Balaeva, ındýstrııa jáne ınfraqurylymdyq damý birinshi vıtse-mınıstri Q. Óskenbaev, sondaı-aq Pavlodar oblysynyń ákimi Á. Sqaqov, Qaraǵandy oblysynyń ákimi J. Qasymbek baıandady.

Úkimet basshysy shekteý sharalarynyń saqtalýyn baqylaýdy qamtamasyz etý jónindegi monıtorıngtik toptardyń jumys tıimdiliginiń tómendigin, azamattardyń karantın rejımin jáne bıznes sýbektileriniń sanıtarlyq talaptardy saqtaýdy qamtamasyz etý, baılanysta bolǵan adamdar men naýqastardy qadaǵalaý jónindegi jumystyń nasharlyǵyn atap ótti.

Premer-Mınıstr Indýstrııa jáne ınfraqurylymdyq damý mınıstrligine áýe kompanııalaryna PTR-testiniń nátıjesi týraly anyqtamasy joq jolaýshylardy ushaqqa otyrǵyzýǵa tyıym salýdy tapsyrdy.

Rentgen apparattaryn, jyljymaly medıtsınalyq keshenderdi jetkizýdi jedeldetý tapsyryldy.

Densaýlyq saqtaý mınıstrligine ótkizý pýnktterinde sanıtarlyq-epıdemıologııalyq talaptardyń saqtalýyna qatań baqylaýdy qamtamasyz etý, bir apta merzim ishinde jeke qorǵanysh quraldarynyń baǵasyn tómendetý jóninde sharalar qabyldaý, Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip, tsıfrlyq tehnologııalardy paıdalana otyryp, baılanysta bolǵan adamdardy, aýyrǵandardy qadaǵalaý, sýbektilerdiń sanıtarlyq talaptardy saqtaýyna monıtorıng júrgizý boıynsha baǵdarlamalardy engizý jóninde qajetti sharalar qabyldaý tapsyryldy.

Óńirlerdiń ákimderine eki kún ishinde uıymdastyrylǵan ujymdardyń basshylyǵymen karantın rejımin saqtaý jóninde arnaıy keńes ótkizý, mektepter men medıtsına uıymdarynda sanıtarlyq rejımdi saqtaý jónindegi jumystyń uıymdastyrylýyn jeke baqylaýǵa alý tapsyryldy.

Úkimet basshysy óńirler ákimdikterine apta sońyna deıin «Atameken» UKP-men birlesip, sanıtarlyq talaptardyń saqtalýy boıynsha saýda-oıyn saýyq ortalyqtarynyń jumysyna monıtorıng júrgizýdi tapsyrdy. Bul rette belgilengen talaptardy buzýshylarǵa qatysty olardyń jumysyn toqtata turýǵa deıingi qatań sharalar qoldanylatyn bolady.

Otyrysta jergilikti atqarýshy organdar óz jumysynda QR Bas sanıtarlyq dárigeriniń qaýlylaryn basshylyqqa alatyny atap ótildi. Bul rette, sanıtarlyq-epıdemıologııalyq jaǵdaıǵa baılanysty óńirlerdiń bas sanıtarlyq dárigerleri qosymsha shekteý sharalaryn engizý týraly sheshim qabyldaı alady.

VAK birqatar sheshim qabyldady:

I. Mekteptegi oqytý boıynsha

- ekinshi toqsannan bastap oqýshylar sany 300 balaǵa deıin bolatyn qala jáne aýyl mektepteriniń jumysyn dástúrli formatqa kóshirý;

- ata-analardyń ótinishi boıynsha 1 synyptan 5 synypqa deıin, halyqaralyq mektepterde 7 synypqa deıin kezekshi synyptarda oqýǵa ruqsat etilsin.

Bul jaǵdaıda sanıtarlyq-dezınfektsııalyq rejımdi, maska rejımin, shahmat retimen otyrǵyzý jáne áleýmettik ara qashyqtyqty saqtaý mindetti.

II. Teatrlar men meshitterdiń jumysy boıynsha

A.j. 2 qarashasynan bastap ruqsat etilsin:

- 30%-ǵa deıin tolyǵýmen, biraq zalda 100 adamnan asyrmaı, teatrlardyń jumys isteýine (áleýmettik ara qashyqtyqty, maska rejımin, termometrııany, qatań sanıtarlyq-dezınfektsııalyq rejımdi saqtaýmen);

- juma namazyn qospaǵanda, meshitterde ujymdyq namaz (bes namaz) ótkizýge, biraq zalda 100 adamnan asyrmaı (2 m áleýmettik ara qashyqtyqty, maska rejımin, termometrııany, qatań sanıtarlyq-dezınfektsııalyq rejımdi saqtaýmen).

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT