+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Nur-Sultan men Ýfa qalalary arasynda tikeleı áýe qatynasy ashylýy múmkin

2021 jylǵy 28 qyrkúıek 13:00
Bólisińiz:
Nur-Sultan men Ýfa qalalary arasynda tikeleı áýe qatynasy ashylýy múmkin

NUR-SULTAN. QazAqparat – QR Premer-Mınıstri Asqar Mamın Bashqurtstan Respýblıkasynyń basshysy Radıı Habırovpen kezdesý ótkizdi, dep habarlaıdy primeminister.kz.

Taraptar Qazaqstan-Reseı strategııalyq seriktestigin odan ári tereńdetý boıynsha ózara is-qımyldyń jaı-kúıi men perspektıvalaryn talqylady. Úkimet basshysy Qazaqstannyń Bashqurtstanmen saýda-ekonomıka, ınvestıtsııa, kólik-logıstıka, energetıka, AÓK, ónerkásiptik kooperatsııa jáne basqa da salalardaǵy yntymaqtastyǵyn arttyrý úshin eleýli áleýettiń bar ekenin atap ótti.

2021 jylǵy qańtar-shilde aılarynda Qazaqstan men Bashqurtstan arasyndaǵy taýar aınalymynyń kólemi ótken jyldyń sáıkes kezeńimen salystyrǵanda 20,2%-ǵa ósip, shamamen $200 mln qurady. Nur-Sultan men Ýfa qalalary arasynda tikeleı áýe qatynasyn ashý múmkindigi qarastyrylyp jatyr. Kelissóz barysynda aımaqaralyq yntymaqtastyqty damytý, sondaı-aq Jaıyq (Oral) transshekaralyq ózeniniń resýrstaryn utymdy paıdalaný jáne qorǵaý máseleleri boıynsha ózara is-qımyl máselelerine erekshe nazar aýdaryldy.

Kezdesýge Premer-Mınıstrdiń birinshi orynbasary Álıhan Smaıylov, ındýstrııa jáne ınfraqurylymdyq damý mınıstri Beıbit Atamqulov, saýda jáne ıntegratsııa mınıstri Baqyt Sultanov, ekologııa, geologııa jáne tabıǵı resýrstar mınıstri Serikqalı Brekeshev, energetıka mınıstri Maǵzum Myrzaǵalıev, aýyl sharýashylyǵy mınıstri Erbol Qarashókeev jáne t. b. qatysty.

Radıı Habırovtyń Qazaqstanǵa sapary aıasynda QR Prezıdenti Qasym-Jomart Toqaevpen, Parlament Senatynyń tóraǵasy Máýlen Áshimbaevpen, Batys Qazaqstan oblysynyń ákimi Ǵalı Esqalıevpen kezdesýi, Qazaqstan-Bashqurtstan iskerlik forýmyna qatysýy, AHQO jáne Úkimettiń Tsıfrlyq ofısine barýy josparlanǵan.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT