+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Asqar Mamın azyq-túlik ónimderiniń baǵasyn turaqtandyrý boıynsha birqatar tapsyrma berdi

2020 jylǵy 4 aqpan 11:21
Bólisińiz:
Asqar Mamın azyq-túlik ónimderiniń baǵasyn turaqtandyrý boıynsha birqatar tapsyrma berdi

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen ótken Úkimet otyrysynda áleýmettik mańyzy bar azyq-túlik taýarlarynyń baǵasyn turaqtandyrý sharasy qaraldy, dep habarlaıdy QazAqparat primeminister.kz-ge silteme jasap.

Uqsas jańalyqtar
Kókshetaýda jergilikti halyqqa qajet azyq-túlik qory jetkilikti – ákimdik «Birgemiz»: Atyraýda janashyrlar 14 otbasyna tegin azyq-túlik jetkizip berdi Azyq-túlik taýarlary úshin QQS mólsherlemesi 8 paıyzǵa deıin tómendetildi

Baǵa monıtorıngi jáne áreket etý sharalary boıynsha atqarylyp jatqan jumystar týraly QR saýda jáne ıntegratsııa mınıstri B. Sultanov, aýyl sharýashylyǵy ónimderin óndirýshilerdi qoldaý jáne áleýmettik mańyzy bar azyq-túlik ónimderin shyǵarý týraly QR aýyl sharýashylyǵy mınıstri S. Omarov, kóterme saýda naryqtaryn damytý strategııasy, QR-daǵy agro-logıstıkalyq jáne kóterme-taratý ortalyqtary týraly Qazaqstandaǵy ADB óńirlik ókildiginiń dırektory D. Kappanellı baıandady.

2019 jyly áleýmettik mańyzy bar azyq-túlik taýarlaryna baǵanyń ósýi 10,4% qurady, barlyq óńirlerde shekti baǵadan asyp ketýdiń 67 jaǵdaıy tirkelgen.

QR Saýda jáne ıntegratsııa mınıstrligi ázirlegen baǵany turaqtandyrý jónindegi sharalar paketi áleýmettik mańyzy bar azyq-túlik ónimderin óndirý kólemin ulǵaıtýdy, monopolııaǵa qarsy zańnama sharalarymen saýdanyń ústeme baǵasyn kelisýdi boldyrmaýdy, baǵa monıtorıngine jurtshylyqty tartýdy, elektrondyq saýdany damytýdy, taýardy ótkizý ınfraqurylymyn qurýdy jáne ónimdi saqtaý men tıimdi bólý úshin qajetti jaǵdaılardy jasaýdy qamtıdy.

Osy jyldyń 15 qańtarynda QR Premer-mınıstri janynan Kóterme-taratý jáne agro-logıstıkalyq ortalyqtar jelisin damytý jónindegi jańa jobalyq ofıs quryldy, ol apta saıyn múddeli memlekettik organdardyń, qarjy ınstıtýttary men naryq ókilderiniń qatysýymen otyrystar ótkizedi.

«QR Tuńǵysh Prezıdenti – Elbasy Nursultan Nazarbaev bizge qazaqstandyqtardyń tabysy men turmys sapasyn arttyrýdy qamtamasyz etý týraly strategııalyq mindet qoıdy. Osyǵan baılanysty áleýmettik mańyzy bar taýarlarǵa baǵany turaqtandyrý máselesi óte mańyzdy. Úkimettiń keńeıtilgen otyrysynda Memleket basshysy Qasym-Jomart Toqaev osy baǵytta júıeli sharalardy qabyldaýdy tapsyrdy», — dedi A. Mamın.

Úkimet basshysy ótken jyldyń qarasha aıynda baǵany turaqtandyrý jónindegi jumystaǵy olqylyqtar úshin óńirler ákimderiniń birqatar orynbasarlary jaýapkershilikke tartylǵanyn eske saldy. Qabyldanǵan sharalardyń qorytyndysy boıynsha jeltoqsan aıynda ákimdikter baǵany ustap turý boıynsha oń ózgeristerge qol jetkizdi. Máselen, ótken jyldyń qarasha aıynda áleýmettik mańyzy bar azyq-túlik taýarlaryna baǵanyń jıyntyq ósimi 1,1%-dy qurasa, jeltoqsanda bar bolǵany 0,1%-dy qurady.

«Bul óńirlerde osy baǵytta jumys isteý úshin qajetti quraldar bar ekenin kórsetedi. Sonymen qatar, qańtar aıynyń qorytyndysy boıynsha biz taǵy da áleýmettik mańyzy bar taýarlar baǵasynyń 0,3%-ǵa ósýin baıqap otyrmyz», — dep A. Mamın, ákimder baǵa máselesin erekshe baqylaýda ustap, jaǵdaıdyń ózgerýine jedel áreket etý kerektigin atap ótti.

Premer-Mınıstr Saýda jáne ıntegratsııa mınıstrligine Qarjy, Aýyl sharýashylyǵy mınıstrlikterimen birlesip, bir apta ishinde kóterme-taratý jáne agro-logıstıkalyq ortalyqtar júıesin qurý jónindegi jobalardy qarjylandyrý qurylymyn anyqtaýdy tapsyrdy.

«Aýyl sharýashylyǵy mınıstrligi men ákimdikter áleýmettik mańyzy bar azyq-túlik taýarlarynyń óndirisin keńeıtý úshin qajetti jaǵdaı jasaýy kerek. Іshki naryqty otandyq azyq-túlikpen tolyqtyrý aýyl sharýashylyǵy taýaryn óndirýshilerdiń sýbsıdııa alý kezindegi mindetteriniń biri bolýy tıis», — dep túıindedi A. Mamın.


Bizdiń kanalymyzǵa jazylyńyz:

Basty sózder: QR Premer-Mınıstri,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT