+7 (701) 759 90 19 Lenta
USD 386.71 EUR 429.17
RUB 6.02 CNY 54.66
Jańalyqtar

Asqar Mamın Arystaǵy qalpyna keltirý jumystarynyń barysyn tekserdi

2019 jylǵy 17 tamyz 17:26
Bólisińiz:
Asqar Mamın Arystaǵy qalpyna keltirý jumystarynyń barysyn tekserdi

TÚRKІSTAN OBLYSY. QazAqparat - QR Premer-Mınıstri Asqar Mamın Túrkistan oblysyna jumys sapary kezinde Arys qalasyndaǵy turǵyn úı sektorynyń, bilim berý jáne densaýlyq saqtaý nysandarynyń qalpyna keltirilý, sondaı-aq Túrkistan qalasyndaǵy ákimshilik, tarıhı-mádenı, áleýmettik ǵımarattardyń salyný barysyn tekserdi, dep habarlaıdy QazAqparat Úkimet basshysynyń resmı saıty.

Uqsas jańalyqtar
Asqar Mamın Arysty qalpyna keltirý jumystarymen tanysty Arystyqtardyń taǵy bir bóligi jóndelgen úılerine kirdi Aqtóbelik qurylysshylar Arystaǵy jumystaryn erteń aıaqtaıdy

QR Tuńǵysh Prezıdenti – Elbasy N. Nazarbaev jáne Memleket basshysy Q. Toqaev Arys qalasyn tolyq qalpyna keltirýge jáne qalanyń turaqty tirshiligin qamtamasyz etýge erekshe kóńil bóledi.

Arys qalasynda jalpy úıler sany 8 637, onyń ishinde 7 166 turǵyn úı jóndeýdi qajet etti. Qazirgi kezde jumystardyń 97,4% aıaqtaldy. 433 turǵyn úı qaıta salynýda. Nysandarda 163 qurylys kompanııasy, 6 myńnan asa jumysshy men 286 birlik qurylys tehnıkasy tartylǵan.



Qaladaǵy shaǵyn jáne orta bıznes nysandaryn aralaý kezinde Úkimet basshysyna 536 kásipkerlik qyzmet sýbektisinen 509-y qalpyna keltirýdi qajet etetini týraly aqparat berildi. Qazirdiń ózinde 316 bıznes nysany jumys isteı bastady.

QR Premer-Mınıstri Asqar Mamın stadıonǵa, aýrýhanaǵa, mektepke baryp, jóndeý jumystarynyń barysymen tanysty.

Sonymen qatar jergilikti mańyzy bar tarıhı jáne sáýlet eskertkishi bolyp tabylatyn «Arys-1» temirjol vokzaly aralandy. QR Prezıdentiniń tapsyrmasy boıynsha Úkimet quramyna ǵalymdar, restavratorlar, tarıhshylar, Mádenıet jáne sport mınıstrliginiń, Túrkistan oblysy ákimdiginiń ókilderi kirgen komıssııa qurdy. Komıssııa qorytyndysyna sáıkes, Arys qalasynyń vokzalyn qalpyna keltirý boıynsha «Samuryq-Qazyna» Qory júzege asyryp jatqan jumystar onyń tarıhı-arhıtektýralyq qundylyǵyn joımaıdy. QR Premer-Mınıstrine vokzaldy qalpyna keltirý kelesi aptanyń sońyna deıin aıaqtalatyny týraly baıandaldy.



Arys qalasynda barlyǵy 66 áleýmettik nysan bar, onyń 62-si kúrdeli jóndeýden ótkizilýi kerek, al 4-ýi tolyq qalpyna keltirilýi tıis. Qazir 45 nysanda jumystar aıaqtaldy.

Asqar Mamın sondaı-aq Arys qalasynda turǵyn úıleri tolyq buzylǵan 100 otbasyǵa arnalǵan 52 qos páterli kottedjden turatyn jańa yqshamaýdannyń salyný barysyn kórdi.



«Barlyq jumystardy belgilengen merzimde aıaqtap, turǵyndar úshin barlyq jaǵdaılardy jasaý kerek», - dep A. Mamın turǵyn úılerdi salý sapasyn baqylaýdy kúsheıtýdi tapsyrdy.

Túrkistan qalasynda QR Premer-Mınıstri jańa avtovokzaldyń ashylý rásimine qatysty, onyń ótkizý qabileti táýligine túrli baǵyttar boıynsha 600-ge jýyq avtobýsty quraıdy. Vokzal táýligine 10 myń jolaýshyǵa deıin qyzmet kórsetetin bolady dep kútilýde. Avtovokzal oblys ortalyǵyndaǵy kólik aǵynyn ońtaılandyrý jáne ekologııalyq ahýaldy jaqsartý úshin salynǵan.



QR Úkimetiniń basshysyna ákimshilik, áleýmettik, tarıhı-mádenı nysandardyń salyný barysy týraly baıandaldy. Asqar Mamın oqýshylar saraıyna baryp, oblys ákimdigi, medıa ortalyq, kongress-holl ǵımarattarynyń, «Nur-Sultan» alańy, Tuńǵysh Prezıdent saıabaǵynyń, Olımpıadalyq rezervtegi sport mektebiniń, mýzyka mektebiniń, basseıni bar oqýshylar saraıynyń, neke saraıynyń, Qazaq drama teatry, halyqqa qyzmet kórsetý ortalyǵynyń, sondaı-aq attraktsıondary bar qalalyq saıabaqtyń, mýzykalyq fontan men amfıteatrdyń ǵımarattaryn kórdi.

QR Premer-Mınıstri sonymen qatar salynyp jatqan tarıhı mádenı ortalyqtyń, «Uly dala Eli» ortalyǵynyń, Q.A. ıAssaýı mýzeıiniń, Uly Jibek joly qolónershileriniń Ulttyq ortalyǵy ǵımaratynyń, vızıt ortalyǵynyń, Shyǵys monshasynyń, oblystyq ǵylymı-ámbebap kitaphananyń qurylys alańyn aralap kórdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT