+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Asqar Mamın AQSh-ta tsıfrlyq damý salasyndaǵy álemdik kompanııalardyń basshylarymen kezdesti

2019 jylǵy 11 jeltoqsan 09:43
Bólisińiz:
Asqar Mamın  AQSh-ta tsıfrlyq damý salasyndaǵy álemdik kompanııalardyń basshylarymen  kezdesti

NUR-SULTAN. QazAqparat - QR Premer-Mınıstri Asqar Mamın AQSh-qa jumys sapary aıasynda San-Frantsısko qalasyna baryp, onda tsıfrlyq damý, venchýrlyq qarjylandyrý jáne energetıka salasyndaǵy jetekshi álemdik kompanııalardyń basshylyǵymen kezdesýler ótkizdi, dep habarlaıdy primeminister.

Uqsas jańalyqtar
Asqar Mamın: Jalaqyny ýaqtyly berý jóninde zańnama normalaryn qatańdatýdy tapsyramyn Qazaqstan men Ázerbaıjan Premer-Mınıstrleri Kaspıı túbine salynatyn talshyqty-optıkalyq jeli qurylysyn ashty Asqar Mamın Investıtsııalyq ahýaldy jaqsartý jónindegi keńes otyrysyn ótkizdi

Úkimet basshysy Dúnıejúzilik ekonomıkalyq forýmnyń (DEF) «Tórtinshi ónerkásiptik revolıýtsııa ortalyǵynyń» basshylyǵymen kezdesip, DEF basqarýshy dırektory R. Samanspen ınnovatsııalyq tehnologııalardy retteý salasyndaǵy yntymaqtastyqtyń perspektıvaly baǵyttaryn talqylady.


Kezdesý qorytyndysy boıynsha «Tórtinshi ónerkásiptik revolıýtsııa ortalyǵy» men «Astana» Halyqaralyq qarjy ortalyǵynyń (AHQO) arasynda Zattar ınternetin (IoT) damytýda strategııalyq áriptestik týraly qujatqa qol qoıyldy, bul 2020 jyly Qazaqstanda tórtinshi ónerkásiptik revolıýtsııa boıynsha DEF Úlestes ortalyǵyn qurýǵa jasalǵan alǵashqy qadam boldy. Mundaı mekemeler jańa tehnologııalar men ınnovatsııalyq jobalardyń damýyn júıeli memlekettik qoldaýdy qamtamasyz etýge yqpalyn tıgize otyryp, Izraıl, Úndistan, Qytaı, BAÁ, Kolýmbııa, OAR, AQSh pen Japonııada jumys isteıdi.


Premer-Mınıstr A. Mamın «500 Startups» venchýrlyq qorynyń basshysy K. Tsaımen kelissóz ótkizdi, onyń qorytyndysy boıynsha «QazTechVentures» AQ qazaqstandyq ulttyq damý ınstıtýtyn «500 Startups» V Jahandyq qoryna qosý týraly kelisimge qol qoıyldy.

Bul qujat bolashaqta Qazaqstanda Taqyryptyq venchýrlyq qor qurýdy qarastyrady. Joba venchýrlyq qarjylandyrý men ınnovatsııalyq kásipkerliktiń damýyna serpin beredi, sóıtip, startap kompanııalardy venchýrlyq kapıtalmen qamtamasyz etedi.

A. Mamınniń «Bright Sphere Investment Group» (BSIG) ınvestıtsııalyq tobynyń qarjy dırektory S. Ranmen kelissóz qorytyndysy boıynsha Qazaqstandyq tikeleı ınvestıtsııalar qory (KIDF) men BSIG arasynda 2020 jyly Qazaqstan aýmaǵynda ınfraqurylymdyq jobalardy qarjylandyrý úshin birlesken qor qurýda yntymaqtastyq týraly memorandýmǵa qol qoıyldy.

Anyqtama: BSIG – jetekshi ǵalamdyq ınvestıtsııalyq top, onyń basqarýynda $200 mlrd-tan astam qarjy bar. 7 basqarýshy kompanııa arqyly 30 elde jobalardy iske asyrady, álem boıynsha 20 keńsesi jáne 850 ınstıtýtsıonaldyq jáne iri korporatıvtik klıentteri bar.

Qazaqstanda ınnovatsııalyq ekojúıeni, venchýrlyq kapıtal men startap jobalardy damytý máseleleri A. Mamınniń «Plug and Play» kompanııasynyń basshylyǵymen áńgimesi barysynda qarastyryldy, onyń keńsesin «Astana Hub» alańynda ashý kózdelgen.

Úkimet basshysy «C3.ai» kompanııasynyń bas atqarýshy dırektory T. Sıbelmen kelissóz kezinde QR munaıgaz jáne basqa da sektorlarynda jasandy ıntellektini qoldanýda yntymaqtastyq máselelerin talqylady.


«Cisco» transulttyq kompanııasynyń prezıdenti G. Dıdrıhpen kezdesýde «Tsıfrlyq Qazaqstan» memlekettik baǵdarlamasynda bekitilgen maqsattarǵa qol jetkizýde jáne aqparattyq tehnologııalar salasynda yntymaqtastyqtyń jańartylǵan strategııasyn iske asyrý máseleleri qaraldy.

«One Web» kompanııasynyń bas atqarýshy dırektory A. Shtekelmen kezdesý barysynda Qazaqstannyń aýmaǵyn, onyń ishinde shalǵaıdaǵy jáne jetý qıyn aýdandardy jerseriktik baılanys arqyly jappaı jyldamdyǵy joǵary keń jolaqty ınternetpen qamtý jobasyn iske asyrý perspektıvalary qaraldy. Kelissóz qorytyndysy boıynsha AHQO Basqarýshysy Q. Kelimbetov jáne «One Web» basshysy A. Shtekel jobany odan ári ilgeriletý týraly qujatqa qol qoıdy.


«Chevron» korporatsııasynyń barlaý jáne ken óndirý jónindegi atqarýshy vıtse-prezıdenti D. Djonsonmen áńgimelesý kezinde Bolashaq keńeıtý jobasy, «Teńizshevroıl» jobasynda taýarlar men kórsetiletin qyzmetter boıynsha qazaqstandyq qamtýdy odan ári arttyrý, sondaı-aq qazaqstandyq jumyskerlerdiń áleýmettik qamsyzdandyrylýy men eńbek jaǵdaılaryn jaqsartý boıynsha birlesken sharalar ázirleý máseleleri talqylandy.

«ValvTechnologies» kompanııasynyń prezıdenti K. Hantpen kelissóz barysynda Qazaqstanda munaıgaz sektory úshin klapandar men tıekter shyǵarý zaýytyn ashý múmkindigi qaraldy. Shyǵarylǵan ónimdi bolashaqta «Teńizshevroıl»-dy keńeıtý jobasyn iske asyrý aıasynda paıdalaný, sondaı-aq kórshiles elderdiń naryqtaryna eksporttaý josparlanǵan.

A. Mamın «42» kompıýterlik baǵdarlamalaý mektebiniń jáne ІT salasyndaǵy «Qwasar» bilim berý kompanııasynyń negizin qalaýshy K. ıAmgnanemen kezdesý ótkizip, onymen Qazaqstannyń tsıfrlyq ekonomıkasy úshin mamandar daıarlaýdaǵy yntymaqtastyq perspektıvalaryn talqylady.

Premer-Mınıstr «Tesla» kompanııasynyń keńsesi men zaýytyn aralady, onda kompanııa basshylyǵymen kezdesý aıasynda Qazaqstanda janar-jaǵarmaı quıý stantsııalary jelisin keńeıtý jáne elektromobılder úshin servıs ortalyqtaryn ashý máseleleri qaraldy.
Bizdiń kanalymyzǵa jazylyńyz:

Basty sózder: AQSh, QR Premer-Mınıstri, Amerıka,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT