+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Asqar Mamın 2020 jyly iri avtojol jobalaryn aıaqtaýdy tapsyrdy

2020 jylǵy 17 qańtar 14:56
Bólisińiz:
Asqar Mamın 2020 jyly iri avtojol jobalaryn aıaqtaýdy tapsyrdy

NUR-SULTAN. QazAqparat - QR Premer-Mınıstri A. Mamın 2020 jyly iri avtojol jobalaryn iske asyrýdy aıaqtaýdy tapsyrdy, dep jazady primeminister.kz.

QR Premer-Mınıstri Asqar Mamınniń tóraǵalyǵymen 2020-2025 jyldarǵa arnalǵan «Nurly jol» memlekettik baǵdarlamasy aıasynda avtojol salasyn damytý jóninde keńes ótti.

Avtojol salasyndaǵy qurylys maýsymyna daıyndyq týraly ındýstrııa jáne ınfraqurylymdyq damý mınıstri B. Atamqulov, bıtýmmen qamtamasyz etý jaǵdaıy jóninde energetıka mınıstri N. Noǵaev, eńbekti qorǵaý jáne qaýipsizdik tehnıkasyn qamtamasyz etý sharalary boıynsha, sondaı-aq sheteldik jumys kúshin tartýǵa kvota berý týraly eńbek jáne halyqty áleýmettik qorǵaý mınıstri B. Nurymbetov, tabıǵatty qorǵaý sharalarynyń saqtalýy týraly ekologııa, geologııa jáne tabıǵı resýrstar mınıstri M. Myrzaǵalıev, jergilikti jumysshy kadrlardy daıarlaý týraly Almaty oblysynyń ákimi A. Batalov, Shyǵys Qazaqstan oblysynyń ákimi D. Ahmetov, Qaraǵandy oblysynyń ákimi J. Qasymbek, Jambyl oblysynyń ákimi A. Myrzahmetov, avtojol jobalarynyń iske asyrylý barysy týraly merdigerlik uıymdar men «QazAvtoJol» UK» AQ ókilderi baıandady.

2019 jyly respýblıkalyq mańyzy bar 4,4 myń shaqyrym avtojol salyndy jáne rekonstrýktsııalandy. Jyl qorytyndysy boıynsha 641 shaqyrym jolda qozǵalys ashyldy. 1,1 myń shaqyrym respýblıkalyq mańyzy bar jáne 3,5 myń shaqyrym jergilikti jelilerdegi avtojolǵa kúrdeli jáne ortasha jóndeý jumystary júrgizildi. Jaqsy jáne qanaǵattanarlyq jaǵdaıdaǵy respýblıkalyq mańyzy bar avtojoldardyń úlesi 88%-ǵa, jergilikti mańyzy bar joldar 71%-ǵa jetkizildi. Respýblıkalyq mańyzy bar І jáne ІІ tehnıkalyq sanattaǵy joldardyń uzyndyǵy 34%-ǵa (8,2 myń shaqyrymǵa) deıin arttyryldy.

Avtojol salasynyń 2020 jylǵa arnalǵan bıýdjeti 750 mlrd teńgeni quraıdy, respýblıkalyq jáne jergilikti mańyzy bar 9,8 myń shaqyrym avtojol jóndeý jumystarymen qamtylady. Qurylys jumystarymen 4 myń shaqyrym avtojol qamtylady.

Jyl qorytyndysy boıynsha jalpy uzyndyǵy 2,6 myń shaqyrym avtojol ýchaskelerinde qozǵalysty ashý josparlanýda, sonyń ishinde Taldyqorǵan – Óskemen (763 km), Qaraǵandy – Balqash – Qapshaǵaı (645 km), Qalbataý – Maıqapshaǵaı (415 km), Merki – Býrylbaıtal (266 km), Aqtóbe – Atyraý – Astrahan (279 km) jáne basqalar.

Respýblıkalyq jáne jergilikti jeliniń jol-qurylys jumystaryna barlyǵy 100 myńǵa jýyq adam jumyldyrylatyn bolady, «A» sanatyndaǵy jol boıyndaǵy servıstiń 18 kópfýnktsıonaldy keshenin salý úshin ınvestıtsııalar tartý, 304 sanıtarlyq-gıgıenalyq torapty salý jáne qyzmet kórsetý josparlanǵan.

«Bıyl avtomobıl joldaryn salý boıynsha aýqymdy jumys kólemin atqarý qajet. Alǵa qoıylǵan mindetterdi ýaqytyly ári sapaly oryndaý jáne jyl sońyna deıin avtomobıl joldaryn jańǵyrtýdyń negizgi jobalary boıynsha qozǵalysty qamtamasyz etý maqsatynda qurylys maýsymyna aldyn-ala daıyndalý kerek», — dedi Úkimet basshysy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT